KADA OMBO’ LAKO RASULU’ YOHANES 4:7 - Sura' Madatu

⁷ Iatu a’gan kepenaa bunga’na susi singa tu rupanna, na a’gan kepenaa ma’penduanna susi anak tedong sapi, na a’gan kepenaa ma’pentallunna kelindo susi tolino, na a’gan kepenaa ma’penna’pa’na susi langkan maega mentia’.

KADA OMBO’ LAKO RASULU’ YOHANES 4:7 Referans Kwoze

YEHEZKIEL 10:14

Na iatu mai karubion iato sia’pa’ tu lindona. Iatu bunga’na lindo karubion, iatu ma’penduanna lindo tolino, iatu ma’ pentallunna lindo singa, iatu ma’penna’pa’na lindo langkan maega.

YEHEZKIEL 1:10

Na iatu lindona sola a’pa’i dio kananna susito lindo tau sia lindo singa; na dio kairinna sola a’pa’i susi lindo sapi; na sola a’pa’i to ma’lindo langkan maega duka.

YEHEZKIEL 10:21

Pantanni lindo sia’pa’ sia pantanni pani’ sia’pa’ sia den tu apa susi lima tolino diongna lu pani’na.

KADA OMBO’ LAKO RASULU’ YOHANES 4:6

Sia dio olona isungan kapayungan iato butung to tasik sammin, susi kinang rupanna; lan tangngana sia tiku lao isungan kapayungan iato den a’pa’ a’gan kepenaa, natikui mata tu olona sia boko’na.

DANIEL 7:4

Iatu bunga’na susi singa sia kepani’ susi langkan maega. Iatongku marassan umpenunui, dilampi’i tu pani’na, anna diangka’ diong mai padang nadipabendan umpellesean lentekna susi tolino, nadipatamai penaa tolino.

YEHEZKIEL 1:8

Nadiong to’ pani’na den tu lima tau dio to’ sa’dena a’pa’. Na iatu lindona sia pani’na tu a’pa’ a’gan iato,

YESAYA 40:31

Apa iatu to untayan PUANG la umba’rui kamatotoranna, anna mettia’ kendek langngan susi langkan maega. Tau iato mai la lumingka tang mekaboyo’, la sumalong tang mekata’ka’.

PA’TOLE 28:49

PUANG la umpasae misa’ bangsa ullaoiko, tu sae dio mai tondok mambela, dio mai randan langi’, susito langkan maega mettia’, iamotu misa’ bangsa tae’ mitandai basana,

OBAJA 1:4

Moi unggaragaiko serangmu pada langka’ serangna langkan maega, ondongpi napetangngai mintu’ bintoen, inde dukato dio mai la Kunii untua’ko, kadanNa PUANG.

SARAMBU PEADA’ 28:2

Iake pabali-balii tu pa’tondokan, la buda tu arungna, apa tete dio tau unnampui pakita penaa sia tangnga’ kinaa, nanii marendeng tu atoran malambu’.

2 SAMUEL 1:23

Iatu Saul sia Yonatan, tu naala penaanna sia nakamasei to buda lan katuoanna, tae’ duka nasitampe lan kamateanna. Mandu ia malinta’ sola duai anna langkan maega sia matoto’ anna singa.

KADADIAN 49:9

Iatu Yehuda butung anak singa; ke mangkamoko mangrampa, e anakku, kendekmoko langngan sule. Kumuku sia mamma’ susi singa, sia susi singa birang: mindara la untundanni!

1 KORINTUS 14:20

E, kamu siulu’ku, da mimapia-pia lan tangnga’mi, sangadinna lan kakadakean sipatukomi la mapia-pia; apa lan tangnga’mi sipatukomi la matona’.

KADIBILANGAN 24:9

Umbukku kalena, anna sumpandan susito singa laki, sia butung to misa’ singa birang; mindara la umpabendanni? Nadipassakkemora tu to umpassakkeko sia naditampakkimora ropu tu to untampakkiko ropu!

KADIBILANGAN 23:24

Tiromi, misa’ bangsa tu bendan butung to misa’ singa birang, sia tunannang butung to misa’ singa laki, tu tae’ nabambangan kalena, ke tae’pi nakande pealanna sia unniru’ rara to mate tibambang.

KADA OMBO’ LAKO RASULU’ YOHANES 6:3

Iatonna bungka’i Anak domba tu ca’ ma’penduanna, kurangimi tu a’gan kepenaa ma’penduanna ma’kada, nakua: Maimoko.

KADA OMBO’ LAKO RASULU’ YOHANES 6:5

Iatonna bungka’i tu ca’ ma’pentallunna, kurangi tu a’gan kepenaa ma’pentallunna ma’kada, nakua: Maimoko. Sia kutiro den misa’ darang bolong, na iatu to ussakei untoe timbangan.

KADA OMBO’ LAKO RASULU’ YOHANES 6:7

Iatonna bungka’mi Anak domba tu ca’ ma’penna’pa’na, kurangi tu gamara a’gan kepenaa ma’penna’pa’na ma’kada, nakua: Maimoko.