KADA OMBO’ LAKO RASULU’ YOHANES 4:4 - Sura' Madatu

⁴ Sia tiku lao isungan kapayungan iato den duangpulo nna’pa’ isungan kapayungan sia mintu’ isungan kapayungan iato nanii unno’ko’ duangpulo nna’pa’ penatua ma’tamangkale mabusa sia ma’makota bulaan dao ulunna.

KADA OMBO’ LAKO RASULU’ YOHANES 4:4 Referans Kwoze

KADA OMBO’ LAKO RASULU’ YOHANES 11:16

Iatu duangpulo nna’pa’ penatua tu unnisung dao isungan kapayunganna dio oloNa Puang Matua tukku umpenombai Puang Matua,

MATIUS 19:28

Nakuami Yesu lako tinde tau: Tonganna tongan Kukua lako kalemi, iake dipaba’rui lino, to ke unno’ko’mi tu Anak rampan dilino dao isungan kapayungan mala’bi’Na, kamu duka te undinnamo urrundu’Na’, la unno’ko’ duka dao sangpulo dua isungan kapayungan sia urrengnge’ sangpulo dua sukunna to Israel.

KADA OMBO’ LAKO RASULU’ YOHANES 4:10

kapayungan iato, sia tu tuo tontong sae lakona, tukkuomi tu duangpulo nna’pa’ penatua dio olona tu To unno’ko’ dao isungan kapayungan iato, anna penombai tu To tuo tontong sae lakona, anna lendokanni tau iato mai tu makotana dio olo isungan kapayungan iato, nakuami:

KADA OMBO’ LAKO RASULU’ YOHANES 7:11

Bendanmi tu mintu’ malaeka’ ullilingi tu isungan kapayungan sia ullilingi mintu’ penatua sia iatu a’pa’ a’gan kepenaa, anna tukku dio olo isungan kapayungan sia umpenombai Puang Matua,

KADA OMBO’ LAKO RASULU’ YOHANES 20:4

Pakalan kutiromi tu ba’tu pira-pira isungan kapayungan den tau unno’ko’ dao, nadiben kuasa ma’paolai salu; sia kutiropa tu mintu’ bombona to dipoloi ulunna belanna mentoe lako apa Nakatottonginna Yesu sia kadanNa Puang Matua, sia iatu to tang umpenombai olo’-olo’ iato sola rapang-rapang dipodeatanna, sia iatu to tang untarima tandana dio kidena ba’tu dio limanna. Mintu’ tau iato mai tuo sule anna ma’parenta sisola Kristus sangsa’bu taunna.

KADA OMBO’ LAKO RASULU’ YOHANES 5:14

Iatu a’pa’ a’gan kepenaa ma’kada, nakua: Amin. Sia mintu’ tu penatua tukku menomba.

KADA OMBO’ LAKO RASULU’ YOHANES 5:8

Iatonna alami tu sura’ iato, tukkumi tu a’pa’ a’gan kepenaa sia iatu duangpulo nna’pa’ penatua dio oloNa Anak domba iato, pada untoe katapi sia gori-gori bulaan ponno kemenian, iamo mintu’ pangandona to masallo’.

LUKAS 22:30

anta misa’ kao’koran sola ma’talimbungan kumande sia mangiru’ lan ParentaKu sia unnisungi isungan kapayungan umparessai tu sangpulo dua sukunna to Israel.

2 TIMOTIUS 4:8

Na undinna sakka’mo makota kamalamburan, tu la Napa’kamasean Puang lako kaleku ke Allo iato, tu Tomangra’ta’ malambu’, sia tangia lako manna kaleku, sangadinna lako duka mintu’ to ungkamali’mi tu kasaeanNa.

KADA OMBO’ LAKO RASULU’ YOHANES 19:4

Iatu duangpulo nna’pa’ penatua sia ia duka tu a’pa’ a’gan kepenaa tukku umpenombai Puang Matua tu unno’ko’ dao isungan kapayungan iato, nama’kada nakua: Amin! Haleluya!

KADA OMBO’ LAKO RASULU’ YOHANES 7:9

Undinnato kutiro den misa’ kasirampunan kapua, na moi misa’ tau tae’ nakulle umbilangi, tu lu dio mai mintu’ bangsa sia suku sia mintu’ to sangpetayanan sia mintu’ basa, bendan nasangmi dio olo isungan kapayungan sia dio oloNa Anak domba, ma’bayu lamba’ busa, sia lan limanna den palapa kambuno;

PA’PUDIAN 21:3

Mibenmo tu lalan penaanna, sia tae’ Mitumpui tu palaku nasa’bu’ randan dipudukna. Sela

KADA OMBO’ LAKO RASULU’ YOHANES 19:14

Mintu’ ma’dandan maritik dao suruga umbaananni Puang ussakei darang busa’, ma’tamangkale kasa bussang sia mase’rok.

KADA OMBO’ LAKO RASULU’ YOHANES 6:11

Dipapantannimi bayu lamba’ mabusa, sia dipokadan kumua la melayopa sattu’, sae lako ganna’na tu bilanganna mintu’ to nasolan Napotau Puang Matua; iamotu sangsiuluranna tu la dipatei duka susi tau iato mai.

KADA OMBO’ LAKO RASULU’ YOHANES 9:7

Iatu rupa batik butung to darang tumaya parari, nadao ulunna den susi makota takua bulaan, sia lindona susi lindo tau.

KADA OMBO’ LAKO RASULU’ YOHANES 2:10

Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.

ESTER 8:15

Tassu’mi tu Mordekhai ma’pake pakean kadatuan ma’rupa lango-lango sia lenang, ma’tali bulaan sia ma’bayu lamba’ lenang mellong sia lango-lango makaseda. Siarrakammi sia parannu-rannumi tu mintu’ to lan Susan.

KADA OMBO’ LAKO RASULU’ YOHANES 3:18

iamoto Kupakilalako ammu allii lako Kaleku tu bulaan mangka disudi api, ammu sugi’; sia pakean mabusa, ammu ma’tamangkale, da nasombo tu kamasirisammu ma’kambelang, sia palakoi pedampi minna’ tu matammu, ammu pakita.

KADA OMBO’ LAKO RASULU’ YOHANES 4:6

Sia dio olona isungan kapayungan iato butung to tasik sammin, susi kinang rupanna; lan tangngana sia tiku lao isungan kapayungan iato den a’pa’ a’gan kepenaa, natikui mata tu olona sia boko’na.

KADA OMBO’ LAKO RASULU’ YOHANES 5:6

Kutiromi lan tangnga-tangnga isungan kapayungan sia a’pa’ a’gan kepenaa sia lan tangnga-tangngana mintu’ penatua ke’de’ misa’ Anak domba, butung to mangkamo direre’, pitu tandukna, sia pitu matanna, iamotu pitu PenaanNa Puang Matua, tu mangka disua lako mintu’ lili’na’ lino.

KADA OMBO’ LAKO RASULU’ YOHANES 5:11

Kutiromi sia kurangimi tu gamaranna malaeka’ buda ullilingi isungan kapayungan sia mintu’ a’gan kepenaa sia mintu’ penatua; iatu budanna pessanglampa sisanglampa sia massa’bu-sa’bu,

KADA OMBO’ LAKO RASULU’ YOHANES 14:3

iatu tau iato mai umpopenani misa’ nanian ba’ru dio olo isungan kapayungan iato, sia olona a’pa’ a’gan kepenaa, sia mintu’na penatua; sia moi misa’ tau tae’ anna kullei umpelada’i tu nanian iato, sangadinna ia manna tu tau saratu’ patangpulo nna’pa’ sa’bunna tu to dila’bak dio mai lino.