KADA OMBO’ LAKO RASULU’ YOHANES 4:10 - Sura' Madatu

¹⁰ kapayungan iato, sia tu tuo tontong sae lakona, tukkuomi tu duangpulo nna’pa’ penatua dio olona tu To unno’ko’ dao isungan kapayungan iato, anna penombai tu To tuo tontong sae lakona, anna lendokanni tau iato mai tu makotana dio olo isungan kapayungan iato, nakuami:

KADA OMBO’ LAKO RASULU’ YOHANES 4:10 Referans Kwoze

KADA OMBO’ LAKO RASULU’ YOHANES 5:8

Iatonna alami tu sura’ iato, tukkumi tu a’pa’ a’gan kepenaa sia iatu duangpulo nna’pa’ penatua dio oloNa Anak domba iato, pada untoe katapi sia gori-gori bulaan ponno kemenian, iamo mintu’ pangandona to masallo’.

KADA OMBO’ LAKO RASULU’ YOHANES 19:4

Iatu duangpulo nna’pa’ penatua sia ia duka tu a’pa’ a’gan kepenaa tukku umpenombai Puang Matua tu unno’ko’ dao isungan kapayungan iato, nama’kada nakua: Amin! Haleluya!

KADA OMBO’ LAKO RASULU’ YOHANES 11:16

Iatu duangpulo nna’pa’ penatua tu unnisung dao isungan kapayunganna dio oloNa Puang Matua tukku umpenombai Puang Matua,

PA’PUDIAN 95:6

Maikomi anta tukku menomba, anta malinguntu’ dio oloNa PUANG, Totumampata.

KADA OMBO’ LAKO RASULU’ YOHANES 4:4

Sia tiku lao isungan kapayungan iato den duangpulo nna’pa’ isungan kapayungan sia mintu’ isungan kapayungan iato nanii unno’ko’ duangpulo nna’pa’ penatua ma’tamangkale mabusa sia ma’makota bulaan dao ulunna.

KADA OMBO’ LAKO RASULU’ YOHANES 7:11

Bendanmi tu mintu’ malaeka’ ullilingi tu isungan kapayungan sia ullilingi mintu’ penatua sia iatu a’pa’ a’gan kepenaa, anna tukku dio olo isungan kapayungan sia umpenombai Puang Matua,

KADA OMBO’ LAKO RASULU’ YOHANES 5:14

Iatu a’pa’ a’gan kepenaa ma’kada, nakua: Amin. Sia mintu’ tu penatua tukku menomba.

KADA OMBO’ LAKO RASULU’ YOHANES 15:4

Mindara tu tang mataku’, o Puang, sia tang umpakala’bi’ sangamMi? Belanna kamu manna tu maindan, na mintu’ bangsa la mennolo sia umpenombaiKomi, apa payanmo tu mintu’ pangra’ta’ malambu’Mi.

PA’PUDIAN 72:11

Sangapaoi anna mintu’ datu tukku sae rokko padang dio olona, sia angganna bangsa la mengkaola lako,

KADA OMBO’ LAKO RASULU’ YOHANES 4:9

Iake napakala’bi’oi sia napangke’oi a’gan kepenaa sia ma’kurre sumanga’ lako tu To unno’ko’ dao isungan,

1 OSSORANNA DATU 29:20

Mangkato nakuami Daud lako mintu’ kombongan: Pudimi tu PUANG, Kapenombammi. Napudimi mintu’ kombongan tu PUANG, Kapenombanna nene’ to dolona, anna malinguntu’ sia tukku menomba dio oloNa PUANG sia dio olona datu.

MATIUS 2:11

Malemi tinde tau tama banua iato, nakitai tu Pia’-pia’ sola Maria, indo’Na; tukkumi umpenombaI, nabungka’ nasangi tu pa’pannianna napasunni tu iananna, anna penombanni lako tu pa’kasianan, iamotu mai bulaan sia dupa sia muru.

2 OSSORANNA DATU 7:3

Iatonna tiromi mintu’ to Israel tu api sia iatu kamala’biranNa PUANG songlo’ dao banua iato, malinguntu’mi tu tau iato mai natukku sae rokko padang diong sali, anna menomba umpudi-pudi PUANG, nakua: Belanna masokan Ia, belanna iatu kamasokananNa tang leluk sae lakona.

LUKAS 24:52

Sulemi tinde tau lako Yerusalem lendu’ parannunna penaanna.

PA’PUDIAN 115:1

O PUANG, tae’ anna kami, tae’ anna kami, sangadinna sangamMiri tu sipatu dipakala’bi’, tu belanna kamasokanamMi sia diona kamarurusamMi.

AYUB 1:20

Attu iato ke’de’mi tu Ayub, na kake-kakei tu bayu lamba’na sia naku’ku’i tu ulunna, nalumbang rokko padang, tukku menomba, anna ma’kada nakua:

1 KORINTUS 15:10

Apa belanna pa’kamaseanNa Puang Matua angku dadi susite totemo; sia iatu pa’kamaseanNa lako kaleku, tae’ anna tae’ bua’na, belanna ondongmo aku mara’takku na iatu mintu’i; apa tangngia aku, sangadinna pa’kamaseanNa Puang Matua tu urrondongna’.

PA’TOLE 32:40

Tonganna, Kuangka’ tu limangKu langngan langi’ sia ma’kadaNa’ Kukua: La lelukraka tuoKu sae lakona:

PA’PUDIAN 47:8

Belanna Puang Matua undatui sangullele lino, pakendekanNi nanian kebattuan.

YESAYA 6:1

Iatonna taun namatean datu Uzia, payanmi lako kaleku tu Puang unnisung dao isungan kapayungan masuanggana sia mala’bi’, na iatu Banua Kabusungan nasitutu’i rombe-rombe bayunNa.

DANIEL 4:34

Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

DANIEL 12:7

Kurangimi umpalao sumpa tu to ma’tamangkale lenang, tu bendan daona lu salu, unnangka’ lima kananna sia lima kairinna langngan langi’, sia ussa’bu’ sanganNa Totuo tontong sae lakona: Misa’ attu sia ba’tu pirang-pirang attu, na sangtangnga attu; na ianna lambi’mi katappuranna unnisak-nisak kuasanna bangsa masero, maneri diganna’i tu mintu’na apa iate.

KADA OMBO’ LAKO RASULU’ YOHANES 4:2

Ta’pa narampoimo’ a’gan Penaa, napayan tu isungan kapayungan tongkonan dao suruga, sia iatu To unno’ko’ dao isungan kapayungan iato.

KADA OMBO’ LAKO RASULU’ YOHANES 10:6

anna menggata ussa’bu’ sanganNa Puang tu tuo matontongan, tu umpadadi langi’ sola mintu’ issinna sia lino sola mintu’ issinna sia tasik sola mintu’ issinna, kumua: tae’mo nala disorong.

KADA OMBO’ LAKO RASULU’ YOHANES 15:7

Misa’i tu a’pa’ a’gan kepenaa iato untadoan pitu gori-gori bulaan lako pitu malaeka’ iato, nanii ponno kasengkeanNa Puang Matua matontongan sae lakona.