KADA OMBO’ LAKO RASULU’ YOHANES 3:3 - Sura' Madatu

³ Iamoto, kilalai umba nakua tu mangkanna mutarima sia murangi; karitutui to sia mengkatoba’ko. Iake tae’i mumarea, la saeNa’ butung to boko, sia tae’ mukapangi tu attungKu sae ullaoiko.

KADA OMBO’ LAKO RASULU’ YOHANES 3:3 Referans Kwoze

KADA OMBO’ LAKO RASULU’ YOHANES 2:5

Iamoto kilalai tobang lu umbako nii, sia mengkatoba’ko sia pogau’i sule tu penggauran dolomu; iake tae’i, la mati’Na’, angKu palelei tu tongkonan palitammu dio mai inanna, sangadi ke mengkatoba’ko.

2 PETRUS 3:10

Apa iatu alloNa Puang la sae butung to boko; allo iato mintu’ langi’ la sappi anna mongngo’, sia mintu’na anasi’ la nakande api nasisarak-sarak, sia iatu lino sola mintu’ penggauran lan, la dimampu’i.

1 TESALONIKA 5:2

Belanna inang miissan melomo, kumua iatu alloNa Puang la susito boko sae ke mabongii.

KADA OMBO’ LAKO RASULU’ YOHANES 16:15

Kilalai, kumua la saeNa’ butung to boko; maupa’ tu to ma’penanda-nanda anna karitutui tu tamangkalena, dikua da anna ma’kambelang sia da napayan tu kasirisanna.

MATIUS 25:13

Iamoto la ma’penandakomi, belan- na tae’ miissanni tu allona ba’tu attunna.

IBRANI 2:1

Iamoto la losong tapalan ara’ tu mintu’na apa mangka tarangi, dikua da anta tipero’ senga’.

1 TIMOTIUS 6:20

E Timotius, karitutui tu pangingko’ dipa’pekambiran lako kalemu, sia boko’i tu ulelean punala bang sia tae’ gai’na sia kasita’genan ussita’genni kapaissanan tang pato’ disanga kapaissanan;

MARKUS 13:36

Kumua nakelokomi manii tu kasaeanna, anna kabu’tuikomi mamma’.

MARKUS 13:33

Mainga’ tongankomi, ma’penandakomi sia massambayangkomi, belanna tae’ miissanni, piranra tu attunna to.

YEHEZKIEL 36:31

Attu iato la mikilalai tu kedo kadakemi sia penggauran tang melomi sia mikagi’gi’ tu kalemi natumang kakadakeammi sia penggauran megallianmi.

KADA OMBO’ LAKO RASULU’ YOHANES 3:19

Samami to Kupakaboro’, Kutarru’i sia Kuada’; iamoto pengkullei sia mengkatoba’ko.

2 PETRUS 3:1

E pa’kaboro’ku, iamote tu sura’ ma’penduanna kupakatuangkomi; lan to sura’ da’dua kunii umpamabalisa inaa malambu’mi tete dio kakupakilalammi,

KADA OMBO’ LAKO RASULU’ YOHANES 3:11

Madoi’ tu kasaeangKu, toe manda’i tu apa dio kalemu, da naden misa’ tau umpasayu’ko makotamu.

KADA OMBO’ LAKO RASULU’ YOHANES 2:25

Apa iatu apa den dio kalemi, toe manda’i sae lako saeKu.

2 PETRUS 1:13

Iatu kusanganna pato’, ke lan siapa’ tenda iate la kupamabalisakomi, ke kupakilalakomi;

2 TIMOTIUS 1:13

Alai passangkaran dio mai mintu’ kada tongan, tu mangka murangi dio mai kaleku naturu’ kapatonganan sia pa’kaboro’ tete dio Kristus Yesu.

YEHEZKIEL 20:43

Sia inde to la minii ungkilalai tu mintu’ gau’mi sia penggaurammi, tu mipobannang urruttakki kalemi belanna mintu’ penggauran kadake tu mangka mipogau’.

KADA OMBO’ LAKO RASULU’ YOHANES 3:2

Mareako sia pamatoto’i tu mintu’ torrona sia la matena; belanna tae’ bang Kuappa’ tu penggaurammu keissi dio oloNa KapenombangKu.

KADA OMBO’ LAKO RASULU’ YOHANES 22:7

Kilalai, la madoi’Na’ sae. Maupa’ tu to ungkaritutui mintu’ kada pa’nubua’ lan sura’ iate.