KADA OMBO’ LAKO RASULU’ YOHANES 3:2 - Sura' Madatu

² Mareako sia pamatoto’i tu mintu’ torrona sia la matena; belanna tae’ bang Kuappa’ tu penggaurammu keissi dio oloNa KapenombangKu.

KADA OMBO’ LAKO RASULU’ YOHANES 3:2 Referans Kwoze

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

KADA OMBO’ LAKO RASULU’ YOHANES 16:15

Kilalai, kumua la saeNa’ butung to boko; maupa’ tu to ma’penanda-nanda anna karitutui tu tamangkalena, dikua da anna ma’kambelang sia da napayan tu kasirisanna.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

YESAYA 35:3

Pamatoto’i tu lima langga’ sia pabatta’i tu guntu’ ma’parondo.

2 OSSORANNA DATU 25:2

Napogau’mi tu apa malolo dio pentiroNa PUANG, apa tae’ nalantuk penaanna.

PENGGAURANNA RASULU’ 18:23

Iatonna ba’tu sangapa-apamo torro inde to dio, ke’de’mi namale ussalongi mintu’ tana Galatia sia Frigia, napabatta’i penaanna tu mai to menturu’.

MATIUS 25:13

Iamoto la ma’penandakomi, belan- na tae’ miissanni tu allona ba’tu attunna.

PA’TOLE 3:28

Apa iatu parentamu pokadanni Yosua, pamatoto’i sia pabatta’i, belanna iamo la undoloanni te bangsa lamban lian sia la napaketaa mana’ lako bangsa iato te tondok, tu la mutiro.

KADA OMBO’ LAKO RASULU’ YOHANES 2:4

Apa den misa’ Kusayuangko, iamotu untampemoko pa’kaboro’ dolomu.

YEHEZKIEL 34:16

Iatu mai pa’dena la Kudaka’ sia iatu pusanna la Kupasule; iatu dibangkeinna la Kubimbin sia iatu masakinna la Kupamatoto’, apa iatu malompona sia iatu mawatangna la Kusanggangi. La Kukambi’ susi sipatunna dipogau’.

MATIUS 23:5

Napogau’ bang tu mintu’ penggauranna kumua nakitai tau; napekalua’i tu beke’ napake massambayang sia napekalandoi tu rombe-rombe sambu’na.

DANIEL 5:27

Tekel, battuananna: Ditimbangkomi lan timbangan apa maringan maro’komi;

YESAYA 57:12

La Kupa’peissanan tu kamaloloammu sia mintu’ penggaurammu, kumua iatu iannato tang kebattuan lako kalemu.

YESAYA 56:10

Iatu mintu’ tu to ma’kampana tau iato mai buta, moi misa’ tae’ natandai, mintu’i susi asu mamang, tu tang naissan ma’buroro; tikkaru’du’ anna umbambang rokko, sia naporai bang mamma’.

1 DATU 15:3

Naturu’ bang tu mintu’ kasalanna ambe’na, tu napogau’ ambe’na dolona, sia iatu penaanna tang lantuk langngan PUANG Kapenombanna, susi kalantukanna penaanna Daud, nene’ to dolona.

1 DATU 11:4

Belanna iatonna matuamo tu Salomo, napasepangmi mintu’ bainena tu penaanna umpenombai kapenomban senga’, naurunganni tae’mo nalantuk tu penaanna lako PUANG, Kapenombanna, susi Daud, ambe’na.

ZAKHARIA 11:16

Belanna manassa la Kupadenan misa’ tu to mangkambi’ lan tondok, iamotu tang umparinaa apa la sanggang, tang undaka’ apa tisambo’, tang umpoinaa umpamondo apa bangke, tang ungkaritutui apa tang pakulle, sangadinna la ungkande duku’ olo’-olo’ malompo sia la nase’bu kanukunna.

AYUB 16:5

Pudukku la umpabatta’ penaammi sia pa’pakatanangku la umpamaringankomi.

KADA OMBO’ LAKO RASULU’ YOHANES 3:1

Surasanni malaeka’ kombongan Sardis susite: Iamote tu kada lu dio mai Puang tu unnampui tu pitu PenaanNa Puang Matua, sia iatu pitu bintoen; Kuissan tu mintu’ penggaurammu, kumua disanga tuoko, apa iatu tonganna mateko.

KADA OMBO’ LAKO RASULU’ YOHANES 3:3

Iamoto, kilalai umba nakua tu mangkanna mutarima sia murangi; karitutui to sia mengkatoba’ko. Iake tae’i mumarea, la saeNa’ butung to boko, sia tae’ mukapangi tu attungKu sae ullaoiko.

MATIUS 25:7

Millik nasangmi tinde anak dara napada umparandan palitanna.