KADA OMBO’ LAKO RASULU’ YOHANES 3:15 - Sura' Madatu

¹⁵ Kuissan mintu’ penggaurammu, iatu iko tang madingin, tang malassu. Kemmu madingin pissanora ba’tu malassu pissan!

KADA OMBO’ LAKO RASULU’ YOHANES 3:15 Referans Kwoze

ROMA 12:11

Da milangga’ lan sara’mi; paparrukki tu penaammi, mengkaolakomi lako Puang.

MATIUS 6:24

Tae’ misa’ kaunan ma’poperuranni lako da’dua puangna, belanna tae’ nasalai tang nakasorro tu misa’na, naporai tu misa’, ba’tu la’ka’ lakoi misa’na nasarroanni tu misa’na. Tae’ mima’din umpekapuangi Puang Matua mipengkaolai dukai tu Mamon.

YAKOBUS 1:8

iamotu to ma’ranga’-ranga’ penaanna, sia tang ma’rundunan mintu’ lalanna.

1 DATU 18:21

Attu iato napentireke’imi Elia tu mintu’ to buda, anna ma’kada nakua: Sangapaporokomi la lumingka sondo’ patomali? Iake PUANG tu Kapenomban, pengkaolaimi, ianna Baal, pengkaolaimi. Moi sangbuku kada tae’ napebalii to buda lako.

KADA OMBO’ LAKO RASULU’ YOHANES 2:4

Apa den misa’ Kusayuangko, iamotu untampemoko pa’kaboro’ dolomu.

MATIUS 24:12

Sia belanna sadipisik-pisikna tu sukaran aluk, budami tau la moro’ kamamaseanna.

SARAMBU PEADA’ 23:26

E anakku, sorongi tu penaammu lako kaleku, sia la naposende matammu tu diona lalanku.

1 PETRUS 1:22

Tu mangkamokomi usseroi deatammi diona kamengkaolammi lako kamanapparan miurunganni ungkarampa’i tonganni tu mintu’ siulu’, iamoto sipatu la lantuk penaa tongankomi siala mase,

FILIPI 1:9

Na inde sia tu kupalaku, dikua anna sakerangngan-rangnganna tu pa’kaboro’mi diona kapatandaian sia mintu’ kapaissanan.

2 KORINTUS 12:20

Belanna mataku’na’ saena’ manii mati’ angku kabu’tuikomi, tae’ nasusi tu kuporainna, susi duka aku, ke mikabu’tuina’, tae’ nasusi tu miporainna; mataku’na’ den manii kasigagan, kamagallian, kare’dekan ara’, kasisala-salan, pa’palele beko, ma’parampo sala, kapabe’sean, kamarukkan.

MATIUS 10:37

Minda-minda tu umpalosong ambe’na ba’tu indo’na nakamali’ na Aku, tae’ nasipatu lako Kaleku; sia minda-minda tu umpalosong anakna muane ba’tu anakna baine nakamali’ na Aku, tae’ nasipatu lako Kaleku.

PA’TOLE 5:29

Melo ke tontong siai dio lu tau iato mai tu penaa susito tu la ungkataku’Na’ sia la ungkaritutui tu mintu’ pepasanKu, kumua anna malaga’-laga’ sola tu mai anakna tontong sae lakona!

KADA OMBO’ LAKO RASULU’ YOHANES 3:1

Surasanni malaeka’ kombongan Sardis susite: Iamote tu kada lu dio mai Puang tu unnampui tu pitu PenaanNa Puang Matua, sia iatu pitu bintoen; Kuissan tu mintu’ penggaurammu, kumua disanga tuoko, apa iatu tonganna mateko.

KADA OMBO’ LAKO RASULU’ YOHANES 2:2

Kuissan tu mintu’ penggaurammu sia kamara’tasammu sia kabattarammu, sia kutandai kumua tae’ mutananni tu mintu’ to kadake, apa mangkamo musudi tu mintu’ to ussanga kalena rasulu’, apa tangngia, sia muappa’ to mo’rang tu tau iato mai;

2 TESALONIKA 1:3

E sangsiulurangku, sipatukanni tontong ma’kurre sumanga’ langngan Puang Matua diona kamu, susitu sielle’na siamo, belanna sakendek-kendekna tu kapatonganammi sia iatu kasialamaseammi tang dikemba’mo lako kamu simisa’-misa’mi sola nasang,

HOSEA 10:2

Mo’rang tu penaanna, totemo la napassan tu bua kasalanna: la Nasanggang Puang tu inan pemalaranna sia la Naro’pok tu mintu’ batu dipodeatanna.

1 KORINTUS 16:22

Iake denni misa’ tau tang ungkamali’ Puang, nake narampoi tampak ropu. Maranata!

HOSEA 7:8

Iatu Efraim umpasirau kalena mintu’ bangsa. Iatu Efraim susi misa’ pa’ranggina tang dibaliangan.

KADA OMBO’ LAKO RASULU’ YOHANES 3:16

Belanna makula’ tauko, tang malassu tang madingin, dadi la Kuluako lan mai sadangKu.