KADA OMBO’ LAKO RASULU’ YOHANES 3:10 - Sura' Madatu

¹⁰ Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.

KADA OMBO’ LAKO RASULU’ YOHANES 3:10 Referans Kwoze

2 PETRUS 2:9

iake susito, payanmo kumua Naissan Puang urrampanan mintu’ to mengkaola lan mai kadirosoan, sia umpattang mintu’ to kelok penaanna sae lako allo pangukungan, anNa pakario-rioi,

KADA OMBO’ LAKO RASULU’ YOHANES 14:12

Lan mintu’na te sipatu mintu’ to masallo’ umpa’pekitanan kabattaran, iamotu to ungkaritutui mintu’ parentaNa Puang Matua, sia kapatonganan lako Yesu.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

DANIEL 12:10

Buda tu tau la dipamasero sia dipamatasak sia la disudi, apa iatu to tang mekaaluk la tontong lolang tang mekaaluk; moi misa’ tu to tang mekaaluk tae’ la untandai, apa iatu to unnampui tangnga’ kinaa la untandai tu iannato.

KADA OMBO’ LAKO RASULU’ YOHANES 2:10

Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.

1 KORINTUS 10:13

Belanna ia manna tu petoba biasa urrampoi tolino tu mangka urrampoikomi. Apa maruru’ tu Puang Matua, tae’ Napopa’elo’nakomi dipatondonni petoba, sangadinna la pada Napabu’tu petoba tu katilendokan, kumua ammi batta’ umpengkanannangi.

1 PETRUS 4:12

E pa’kaboro’ku, da mikamangngai tu kadipakario-rioan maparrang tu rampo ussudikomi, butung misa’ apa makalaen-laen urruakomi,

KADA OMBO’ LAKO RASULU’ YOHANES 1:9

Akumo Yohanes te, siulu’mi sia sangmuanemi lan kadipakario-rioan sia lan Kadatuan sia lan kabattaran tu lan Yesu, indemo’ lebukan disanga Patmos, belanna kadanNa Puang Matua sia apa Napamanassanna’ Yesu.

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

KADA OMBO’ LAKO RASULU’ YOHANES 13:10

Minda-minda mangrampa tau, manassa la dirampa; minda-minda la umpatei tau unnoong pa’dang, tae’ nasalai tang dipatei duka pa’dang. Lan mintu’na te sipatu mintu’ to masallo’ umpa’pekitanan kabattaran sia kapatonganan.

EFESUS 6:13

Iamoto, toei tu pa’buno sanda pareaNa Puang Matua, ammi batta’ tumanan, ke allo kadakei sia bantang bendan, ke mangkakomi umpogau’i tu mintu’na.

YESAYA 24:17

Katirambanan sia patuang sia poya urrandannikomi, e to untorroi kuli’na padang.

KADA OMBO’ LAKO RASULU’ YOHANES 8:13

Kutiromi sia kurangi misa’ langkan maega mettia’ lan tangngana langi’ ma’kada umpekapuai gamaranna; A’a, a’a, a’a, masolang tu mintu’ to untorroi kuli’na padang tu belanna oni tarompe’ pua senga’na, iamotu lu dio mai tallu malaeka’ tu la umpannonii undinna.

KADA OMBO’ LAKO RASULU’ YOHANES 6:10

Metambami umpekapuai gamaranna nakua: Sangapapi, o Puang maindan sia tongan, Mimane unnukungi sia umpembalaran raraki lako mintu’ to untongkonni kuli’na padang?

KADA OMBO’ LAKO RASULU’ YOHANES 17:8

Iatu olo’-olo’ mutiro, dolona den apa totemo pa’demo, la kendek diong mai garonggong posi’ tana lambe’, namentama kasanggangan. Mintu’na tau lan lino tu randuk dio mai diparandanganninna te lino tu tang disura’ sanganna lan sura’ katuoan, la mangnga, ke natiroi tu olo’-olo’ tu dolona den, apa totemo pa’demo sia la bu’tu pole.

KADA OMBO’ LAKO RASULU’ YOHANES 13:14

Napapusai tu mintu’ to torro lan te lino tete dio ma’rupa-rupa tanda kalle-kallean tu dibenni la napogau’ dio tingayona olo’-olo’ iato. Nasuami tu mintu’ to torro lan te lino unggaraganni rapang-rapang dipodeata tu olo’-olo’ mangka nabangkei pa’dang, apa tuo sia.

KADA OMBO’ LAKO RASULU’ YOHANES 13:8

Mintu’na tu to torro lan te lino la umpenombai, iamotu to randuk dio mai diparandanganninna te lino, tang disura’ sanganna lan sura’ katuoanNa Anak domba, tu mangkamo direre’.

MATIUS 26:41

Ma’penandakomi sia massambayangkomi da naruakomi peroso; tonganna la morai tu penaa, apa langga’ tu kale.

MATIUS 24:14

Iatu Kareba kaparannuan diona ParentaNa Puang Matua la dipa’peissanan lan mintu’ lili’na te lino la mendadi tanda sa’binna lako mintu’ bangsa; undinnato, maneri sae tu katappuranna.

ROMA 1:8

Tipamulanna ma’kurre sumanga’na’ langngan Kapenombangku diona kamu tete dio Yesu Kristus, belanna kaleleammo tu kapatonganammi lan mintu’ lino.

KADA OMBO’ LAKO RASULU’ YOHANES 11:10

Mintu’ tu to untorroi kuli’na padang umpoparannui sia sende-sende sia siben ben apa, belanna iatu nabi sola duai umpakario-rio mintu’ to untorroi kuli’na padang.

MARKUS 14:9

Tonganna Kukua lako kalemi; umba-umba nanii lan te lino dinii umpa’peissanan Kareba kaparannuan, dio duka dinii unnannanni batu silambi’ tu penggauranna te baine.

LUKAS 2:1

Den pissan tonna iato, sunmi parenta dio mai datu Agustus mesua ussura’ sanganna mintu’ tau lan parentana.

YAKOBUS 3:12

E sangsiulurangku ma’dinraka tu garonto’ ara la membua saitun, ba’tu garonto’ anggoro’ la membua ara? Ten dukamoto tae’ nama’din nanii sun uai malino tu naninna sun uai ma’sin.

YOHANES 17:6

Kusomboammo tu sangamMi lako tu to mangka Misorong lako Kaleku lan mai te lino; tau iato taumMi, amMi sorongi lako Kaleku, sia nakaritutuimo tu kadamMi.

2 TIMOTIUS 2:12

sia iake batta’ki’ umpatananni, la ma’parentaki’ Sola; iake tapeonganni, la Napeonganni dukaki’;

KADA OMBO’ LAKO RASULU’ YOHANES 3:8

Kuissan tu mintu’ penggaurammu – tiromi Kupopentingoammoko misa’ ba’ba tibungka’, tu moi misa’ tau tae’ nabelai untutu’i –, belanna moi sidi’ri tu kamatotorammu, apa mukaritutuimo tu kadangKu sia tae’ mupeonganni tu sangangKu.

KADA OMBO’ LAKO RASULU’ YOHANES 14:6

Kutiromi misa’ malaeka’ senga’ mentia’ lan tangngana langi’, sia umbaa Kareba-kaparannuan matontongan, la napa’peissanan lako mintu’ to untorroi te kuli’na padang, iamotu mintu’ bangsa sia suku sia basa sia to sangpetayanan,

KADA OMBO’ LAKO RASULU’ YOHANES 16:14

belanna sola tallui to, iamo penaa deata masussuk, tu umpabu’tu ba’tu pira-pira tanda kalle-kallean sia male umpellambi’i mintu’ datu lino la umpasipulungi la unnea ke allo kapuai, iamotu alloNa Puang Matua Umpoissan angge maritik.

KADA OMBO’ LAKO RASULU’ YOHANES 17:2

iamora nasigau’-salan mintu’ datu lan lino, sia mintu’na issinna lino nalangomo uai anggoro’ gau’ salana.