KADA OMBO’ LAKO RASULU’ YOHANES 22:9 - Sura' Madatu

⁹ Nakuami lako kaleku: Da mususi to. Aku te padaki’ taunNa Puang Matua, sia susi duka mintu’ sangsiulurammu, nabi sia mintu’nato ungkaritutui mintu’ kada lan sura’ iate. Puang Matua Ia mupenombai.

KADA OMBO’ LAKO RASULU’ YOHANES 22:9 Referans Kwoze

KADA OMBO’ LAKO RASULU’ YOHANES 19:10

Tukkumo’ umpenombai, apa nakua lako kaleku: Da mususi to! Aku te, padaki’ taunNa Puang Matua, sia susi duka mintu’ sangsiulurammu tu untoena apa Nakatottonginna Yesu; Puang Matua Ia tu la mupenombai! Belanna iatu apa Nakatottonginna Yesu, iamo napopenaa pa’nubua’.

KADA OMBO’ LAKO RASULU’ YOHANES 14:7

anna metamba nakua: Kataku’i tu Puang Matua sia pangke’I, belanna rampomo tu attu kapa’paolaianNa salu, sia penombai tu Puang umpadadi langi’ sola lino sia tasik na mintu’ kalimbuang.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.

KADA OMBO’ LAKO RASULU’ YOHANES 4:10

kapayungan iato, sia tu tuo tontong sae lakona, tukkuomi tu duangpulo nna’pa’ penatua dio olona tu To unno’ko’ dao isungan kapayungan iato, anna penombai tu To tuo tontong sae lakona, anna lendokanni tau iato mai tu makotana dio olo isungan kapayungan iato, nakuami:

KATASSURAN 34:14

Belanna tae’ muma’din tukku menomba lako deata senga’ belanna iatu sanganNa PUANG iamo Puang noka ditimba oloNa, sia Iamo Kapenomban noka ditimba oloNa.

KADA OMBO’ LAKO RASULU’ YOHANES 22:10

Nakuami lako kaleku: Da mumanda’i tu ca’na mintu’ kada pa’nubua’ lan sura’ iate, belanna iatu attunna mandappi’mo.

KADA OMBO’ LAKO RASULU’ YOHANES 15:4

Mindara tu tang mataku’, o Puang, sia tang umpakala’bi’ sangamMi? Belanna kamu manna tu maindan, na mintu’ bangsa la mennolo sia umpenombaiKomi, apa payanmo tu mintu’ pangra’ta’ malambu’Mi.

KADA OMBO’ LAKO RASULU’ YOHANES 9:20

Sia mintu’ tolino senga’ tu tae’ napatei te mintu’ kasanggangan iate, tae’ duka namengkatoba’ dio mai penggauranna, kumua da natontong umpenombai mintu’ deata masussu’ sia umpa’deatai bulaan, salaka, tambaga, batu, ba’tu kayu, tu tae’ napakita ba’tu parangi ba’tu lumingka.

PA’PUDIAN 45:11

Perangii, e Lai’, kilalai sia patananni talingammi. Paboko’imi penaa tu bangsami sia to lan banuanna mendadiammi.

PA’TOLE 4:19

Sia da duka mumentingara langngan langi’ sia mentiro langngan mata allo sia bulan na bintoen, iamotu mintu’ ma’dandan maritik dao langi’ sia da nanaranko la umpenombai sia umpengkaolai, tu Nataai PUANG, Kapenombammu, lako mintu’ bangsa nasambo langi’ –

KADA OMBO’ LAKO RASULU’ YOHANES 22:18

Kusedan sarong lako mintu’ to urrangii tu kada pa’nubua’ lan sura’ iate, kumua iake denni tau urrangnganni tu kada iato, manassa la Narangnganni Puang Matua lako kalena te mintu’ kamaparrisan disura’ lan sura’ iate;

LUKAS 4:7

Iamoto, iake Mipenombaina’, manassa Kamu nasangmo puangna.

2 DATU 17:36

Sangadiri PUANG tu ussolangkomi tassu’ lan mai tondok Mesir tete dio kamatotoran kapuaNa sia tete dio lima tie’te’Na, manassa Iamo la mipangke’, sia la minnii tukku menomba sia lakori la minnii umpennoloan pemala’.

MATIUS 4:9

sia nakua ungkuanNi: Mintu’nate la kuben nasangKomi, ke tukkuKomi umpenombaina’.

KADA OMBO’ LAKO RASULU’ YOHANES 1:1

Iamote tu kada ombo’ dio mai Yesu Kristus, tu NakamaseanNi Puang Matua, dikua anNa pakitanni mintu’ taunNa tu mintu’ apa inang manassa la dadi madoi’: Nasuami tu malaeka’Na umpamanassanni Yohanes, taunNa.

KADA OMBO’ LAKO RASULU’ YOHANES 1:11

nakua: Apa-apa tu mutiro, sura’i lan misa’ sura’, ammu pakatui lako pitu kombongan, iamotu lako Efesus, sia Smirna, sia Pergamus, sia Tiatira, sia Sardis, sia Filadelfia na Laodikia.

KADA OMBO’ LAKO RASULU’ YOHANES 22:7

Kilalai, la madoi’Na’ sae. Maupa’ tu to ungkaritutui mintu’ kada pa’nubua’ lan sura’ iate.