KADA OMBO’ LAKO RASULU’ YOHANES 22:4 - Sura' Madatu

⁴ sia la untiro lindoNa, sia iatu sanganNa den dio kidena tau iato mai.

KADA OMBO’ LAKO RASULU’ YOHANES 22:4 Referans Kwoze

KADA OMBO’ LAKO RASULU’ YOHANES 14:1

Tiramban kutiroi tu Anak domba bendan dao buntu Sion, sia sisola tau saratu’ patangpulo nna’pa’ sa’bunna, tu to disura’ dio kidena tu sanganNa Anak domba sia sanganNa Ambe’Na.

MATIUS 5:8

Maupa’ tu mintu’ to masallo’ penaanna, belanna tau iato la untiro lindo Puang Matua.

KADA OMBO’ LAKO RASULU’ YOHANES 3:12

Iatu to patalo, la Kupadadi misa’ lentong lan banuanNa KapenombangKu, sia inang tae’ ia nala tassu’ inde to lan mai; sia la Kusurasan tu sanganNa KapenombangKu sia sanga tondokNa KapenombangKu, iamotu Yerusalem ba’ru tu songlo’ dao mai suruga dao mai KapenombangKu, sia iapa tu sanga ba’rungKu.

AYUB 33:26

Massambayang langngnan Puang Matua, anNa paiman untarimai, naurungan silindo Puang situang kamela’tekan, anNa Puang umbenni sule tu kamaloloanna tolino.

IBRANI 12:14

Ula’i tu kasikaeloan lako mintu’ tau na kadipamaseroan, na iake tae’i tu kadipamaseroan, tae’ duka misa’ tau untiro lindo Puang.

KADA OMBO’ LAKO RASULU’ YOHANES 7:3

nakua: Da misanggangi tu lino ba’tu tasik ba’tu iato mai garonto’ kayu sae lako kica’na tu mintu’ taunNa Puang Matua dio kidena.

1 KORINTUS 13:12

Belanna totemo te untiroki’ apa tang manassa lan sammin; apa iake attu iato la sitontongan rupaki’. Totemo te buda tang palambi’na kapaissanangku, apa attu iato la kutandai susitu kaditandaiangku.

YOHANES 17:24

O Ambe’, Kuporai ke sisolaNa’ tu to mangka Misorong lako Kaleku umba-umba Kunii, anna kitai tu kamala’birangKu tu mangka Mipa’kamasean lako Kaleku, belanna Mipakaboro’Na’ tempon dio mai tonna tang dikombongpa te lino.

YOHANES 12:26

Iake den tau mengkaola lako Kaleku, la undi urrundu’Na’, sia iatu inan Kunii, inde dukamoto la nanii tu taungKu. Iake den tau mengkaola lako Kaleku, iamo Napamala’bi’ Ambe’.

YESAYA 33:17

La natiro matammu tu Datu situang kamala’biranNa sia la natiro undinna tu misa’ padang mandu kalua’.

PA’PUDIAN 17:15

Apa iatu aku situang kamaloloan la untiro lindoKomi, iake malimbangunmo’i, dia’ penaangku untiro rupamMi.

YESAYA 40:5

Iatu kamala’biranNa PUANG la dipaombo’ sia mintu’ tolino pada la untiroi, belanna sunmo dio pudukNa PUANG.

PA’PUDIAN 4:6

Pennoloanni tu pesuru’ situru’ tu pato’na, sia patonganNi tu PUANG!

YESAYA 35:2

La loboran sia membunga sia sikumalasi-lasian, la sikumalasi-lasian tongan sia siarrakan. Na mintu’ kamala’biranna Libanon dikamaseammi sola kameloanna Karmel sia Saron; tau iato mai la untiro kamala’biranNa PUANG sia kamaballoanNa kapenombangki.

YEHEZKIEL 33:23

Rampomi tu kadanNa PUANG lako kaleku Nakua:

PA’PUDIAN 42:2

Susi donga ungkabarii salu, ten dukamoto tu penaangku ungkamali’Komi, o Puang Matua.