KADA OMBO’ LAKO RASULU’ YOHANES 21:6 - Sura' Madatu

⁶ Ma’kadami lako kaleku Nakua: Sundunmo. Akumote tu Alfa sia Omega, iamo pamulanna sia ma’katampakanna. Iatu to ma’rang la Kupairu’ uai kalimbuang katuoan, tu tang dialli.

KADA OMBO’ LAKO RASULU’ YOHANES 21:6 Referans Kwoze

YOHANES 4:10

Mebalimi Yesu Nakua ungkuanni: Iakemmu tandai tu pa’kamaseNa Puang Matua sia minda tu umpa’kadaiko, kumua: benNa’ uai Kuiru’i, tae’ mutang malakumo lako, sia mangkamoko Naben tu uai marendeng.

KADA OMBO’ LAKO RASULU’ YOHANES 7:17

belanna Anak domba tu lan tangnga isungan kapayunganNa la ungkambi’i sia la urrambai lako mintu’ to’ mata uai katuoan; anNa Puang Matua umpa’dii mintu’ uai matanna tau iato mai.

YOHANES 4:14

Apa minda-minda unniru’i tu uai la Kubenni, tae’ nala ma’rang len sae lakona, belanna iatu uai Kubenni la mendadi kalimbuang lan kalena natikula’dak-la’dak sae lako katuoan tontong sae lakona.

PA’PUDIAN 36:9

Tau iato mai la dipedia’i sanda mammi’na lan banuamMi, sia la Mipairu’ dio mai to’ salu marasamMi.

ROMA 8:32

Ia duka Ia tang umbudanan AnakNa sangadinna Nasorong belanna kita sola nasang, ma’apai Nala tang umpa’kamaseanni tu mintu’na sisola tu AnakNa lako kaleta?

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

KADA OMBO’ LAKO RASULU’ YOHANES 1:8

Akumote tu Alfa sia Omega, kadanNa Puang Kapenomban, tu Den, sia inang Den tempon dio mai, sia la saeMo, Iamotu Umpoissan angge maritik.

ROMA 3:24

sia dikamasei bangri nadibilang malolo tete dio pa’kamaseanNa Puang Matua, belanna pangla’bakNa Kristus Yesu.

KADA OMBO’ LAKO RASULU’ YOHANES 22:13

Akumote tu Alfa sia Omega. Bunga’-bunga’na sia Undi’-undi’na, Pamulanna sia Ma’katampakanna.

KADA OMBO’ LAKO RASULU’ YOHANES 16:17

Na ia tu malaeka’ ma’pempitunna umbolloan gori-gorinna dao langi’, denmi misa’ gamara kapua tassu’ lan mai banuanNa Puang Matua, dio mai isungan kapayungan iato, ma’kada nakua: Dadi nasangmo.

YESAYA 12:3

Sia la parannu paimankomi untimba uai dio mai bubun kamakarimmanan.

KADA OMBO’ LAKO RASULU’ YOHANES 1:17

Iatongku tiromi, songkamo’ rokko to’ lentekNa susito mate. Naremme’mo’ lima kananNa, nama’kada Nakua: Da mumataku’. Akumo tu pamulanna sia ma’katampakanna,

1 KORINTUS 2:12

Apa kita te, tangngia penaanna a’gan lino tu taappa’mo, sangadinna Penaa lu dio mai Puang Matua, kumua anta tandai tu apa Napa’kamasean Puang Matua lako kaleta.

YEREMIA 2:13

Belanna napogau’mo taungKu tu da’dua penggauran kadake: Iatu Aku, kalimbuang boba, tu natampemo tau iato mai, anna paran bubun batu kalena, iamotu bubun batu rutu’, tu tang nanii sampe uai.

KADA OMBO’ LAKO RASULU’ YOHANES 10:6

anna menggata ussa’bu’ sanganNa Puang tu tuo matontongan, tu umpadadi langi’ sola mintu’ issinna sia lino sola mintu’ issinna sia tasik sola mintu’ issinna, kumua: tae’mo nala disorong.

YOËL 3:18

Allo iato la dadi kumua iatu mintu’ buntu umpato’do uai anggoro’ ba’ru sia mintu’ tanete la umpalolong uai pangandu’ sia mintu’ salu’-salu’ Yehuda la saba’ uainna; sia misa’ mata uai ma’kalimbuang-buang lan mai banuanNa PUANG sia la ussakka’i lombok Sitim.

HOSEA 14:4

Tae’mo anna Asyur tu la urrampanangkanni, tae’mo angki la ma’darang. Sia tae’mo angki la ma’kada lako panggaraga limangki kumua: O Kapenombangki! Belanna diori mai Kalemi nanii unnappa’ kamamasean tu pia biung.

1 KORINTUS 3:12

Iake napa’bangunni tau banua bulaan dao tu parandangan, ba’tu salaka, ba’tu parimata ballo, ba’tu kayu, ba’tu riu rangke, ba’tu dadame,

KADA OMBO’ LAKO RASULU’ YOHANES 1:11

nakua: Apa-apa tu mutiro, sura’i lan misa’ sura’, ammu pakatui lako pitu kombongan, iamotu lako Efesus, sia Smirna, sia Pergamus, sia Tiatira, sia Sardis, sia Filadelfia na Laodikia.

1 KORINTUS 3:21

Iamoto dadi da naden misa’ tau ussattuan tolino. Belanna mintu’na angge maritik kamu nasang puangna,

1 KORINTUS 3:5

Mindara pale’ tu Apolos? Sia mindara tu Paulus? Iatu tau iato to ma’kamaya bangri, tu tete dio kalena ammi tama kapatonganan susitu mangka pantan Nakamaseanni Puang.

YOHANES 4:11

Nakuami tinde baine lako: O Puang, tae’ bang apa iti’ la Mipa’timban anna mandalan rokko te bubun; naumbara la Minii unnalai tu uai marendeng?

KADA OMBO’ LAKO RASULU’ YOHANES 3:14

Surasanni malaeka’ kombongan Laodikia susite: Iamote tu kada lu dio mai Puang tu disanga Amin, iamo sa’bi maruru’ sia tongan, pamulanna mintu’ pa’padadinNa Puang Matua.