KADA OMBO’ LAKO RASULU’ YOHANES 21:14 - Sura' Madatu

¹⁴ Benteng tondok iato sangpulo dua parandanganna, nadisura’ dao tu sanganna sangpulo dua rasulu’Na Anak domba.

KADA OMBO’ LAKO RASULU’ YOHANES 21:14 Referans Kwoze

IBRANI 11:10

Belanna urrannuan tondok diparandanganni, tu Nabangun sia Napabendan Puang Matua.

EFESUS 2:20

tu dibangun dao parandangan naparokko mintu’ rasulu’ sia nabi, na iatu batu petaunna iamotu Kristus Yesu.

YESAYA 54:11

E iko, to mandasa sia to narua angin bara’ sia to tang dipakatana, tiroi, la Kuato’ tu batummu Kupi’da’ batu tambaga sia la Kuparandanganniko parimata lasuri’.

KADA OMBO’ LAKO RASULU’ YOHANES 18:20

E, lanna suruga, sia mintu’ to masallo’ sia mintu’ rasulu’, sia mintu’ nabi arrakki, belanna Napaolaiammokomi salunna Puang Matua.

YUDAS 1:17

Apa kamu te, e pa’kaboro’ku, la mikilalai tu apa napokada dolomo mintu’ rasulu’Na Puangta Yesu Kristus;

EFESUS 3:5

– tu tae’ bangpa nadipa’peissanan len tonna dolona lako mintu’ tarukna Adam, susitu Napaombo’ Penaa totemo lako mintu’ rasulu’ sia nabi masallo’Na –

MATIUS 16:18

Sia Aku Kukua mati’ kumua, ikomo te tu Petrus, sia dao batu iate la Kunii umpabendan kombongangKu, sia bambana mukkun tae’ nabelai untaloi.

EFESUS 4:11

Ia dukamo mangka unnalai rasulu’ tu mai tau pira, nabi pira, to umpalolang Kareba-kaparannuan pira, pangkambi’ pira sia guru,

GALATIA 2:9

iatonna kanassami tinde tau tu pa’kamasean disorong lako kaleku, sitoe limamo’ sola Barnabas tu mai sia Yakobus na Kefas na Yohanes, tu dibilang paloloan kombongan, tanda kasisanginaan, kumua angki lu lako to kapere’, anna lu lako ia to disunna’.

PENGGAURANNA RASULU’ 1:26

Nabiangammi tinde tau sola duai, na Matias nakitanan; naalami bilangan rasulu’, sangbilangan tu tau sangpulo misa.

KADA OMBO’ LAKO RASULU’ YOHANES 21:13

Dio rampe matallo tallu babangan, lu rekke tallu babangan, lu sau’ tallu babangan, na lu rokko matampu’ tallu babangan.