KADA OMBO’ LAKO RASULU’ YOHANES 19:5 - Sura' Madatu

⁵ Denmi gamara dirangi dao mai isungan kapayungan iato nama’kada nakua: Pudi tu Puangta, e kamu mintu’ taunNa tu ungkataku’I, la to bitti’ la to kapua!

KADA OMBO’ LAKO RASULU’ YOHANES 19:5 Referans Kwoze

PA’PUDIAN 134:1

Nanian Hamaa’lot. Pudimi tu PUANG, e kamu, mintu’ taunNa Puang, tu bendan kebongi lan banuanNa PUANG.

PA’PUDIAN 150:6

Mintu’ angge menaa la umpudi PUANG Haleluya!

PA’PUDIAN 135:1

Haleluya! Pudimi tu sanganNa PUANG, pudimi, e mintu’ taunNa PUANG,

KADA OMBO’ LAKO RASULU’ YOHANES 7:15

Iamo bannangna to anna dio olo isungan kapayunganNa Puang Matua, sia anna menomba lako Kalena allo bongi lan inan kabusunganNa; sia Puang tu unnisung dao isungan kapayunganNa la ungkulambu tarunoi.

PA’PUDIAN 22:23

La kupa’peissanan tu sangamMi lako mintu’ sangsiulurangku, sia lan lu kombongan la kunii umpudiKomi.

KADA OMBO’ LAKO RASULU’ YOHANES 20:12

Kutiromi tu mintu’ to mate, la kapua, la bitti’ bendan dio olo isungan kapayungan iato, sia ba’tu pira-pira sura’ dibungka’, sia dibungka’ pole misa’ sura’ senga’, iamo sura’ katuoan; na mintu’ tu to mate iato, dipaolai salunna unturu’ tu disura’ lan mintu’ sura’ iato sitinaya mintu’ penggauranna.

KADA OMBO’ LAKO RASULU’ YOHANES 16:17

Na ia tu malaeka’ ma’pempitunna umbolloan gori-gorinna dao langi’, denmi misa’ gamara kapua tassu’ lan mai banuanNa Puang Matua, dio mai isungan kapayungan iato, ma’kada nakua: Dadi nasangmo.

PA’PUDIAN 115:13

sia la Napamasakke tu mintu’ to ungkataku’ PUANG, la bitti’ la kapua.

KADA OMBO’ LAKO RASULU’ YOHANES 13:16

Sia umpalalo gau’ anna mintu’ tau, bitti’, kapua, sugi’, bongko, to makaka, ba’tu kaunan, diben nasang misa’ tanda dio lima kananna ba’tu dio kidena;

KADA OMBO’ LAKO RASULU’ YOHANES 19:18

dikua ammi kandei tu duku’na mintu’ datu, sia duku’na pangulu sangsa’bu surodadu, sia duku’na to lalong, sia duku’na mintu’ darang na mintu’ tu to ussakei, sia duku’na mintu’ tau, la to makaka, la kaunan, la bitti’ la kapua.