KADA OMBO’ LAKO RASULU’ YOHANES 19:15 - Sura' Madatu

¹⁵ Sia lan mai pudukNa sun misa’ pa’dang mataran la Naba’tan mintu’ to kapere’. Ia duka la umparentai tekken bassi sia iamo ullullu’ bua anggoro’ lan panglulluran, iamo kamaparranganna kasengkeanNa Puang Matua Umpoissan angge maritik.

KADA OMBO’ LAKO RASULU’ YOHANES 19:15 Referans Kwoze

KADA OMBO’ LAKO RASULU’ YOHANES 1:16

Lima kananNa untoe pitu bintoen, nalan mai pudukNa nanii tassu’ misa’ pa’dang mataran patomali, sia lindoNa parrang susi mata allo ke attu mapannang.

KADA OMBO’ LAKO RASULU’ YOHANES 2:27

anna parentai unnoong tekken bassi; butung kurin tana la dinisak-nisak, tete dio kuasa, susitu Kutarimanna dio mai Ambe’Ku

PA’PUDIAN 2:9

Ammu nisak-nisakki tekken bassi, sia la mutesse-tesse susi kurin litak.

2 TESALONIKA 2:8

Attu iapito namane dipasombo tu to umparri-parri kasalan, anna sanggangi penaa sun dio pudukNa Puang (Yesu) sia nasabu’i arrang kasaeanNa.

YESAYA 11:4

Sangadinna iatu to bitti’ la napaolai malolo salunna sia nasanda tonganni situang kamalamburan tu to umpamadiong penaanna; apa tete dio pebamba tongka’ dililana la napa’dikan lino, sia penaa sun dipudukna la napateanni tu to tang mekaaluk.

KADA OMBO’ LAKO RASULU’ YOHANES 19:21

Sia mintu’ tu to senga’ mate napongko pa’dangna To-ussakei darang iato, iamotu pa’dang sun lan mai pudukNa. Na mintu’ manuk-manuk iato nadia’imo duku’na tau iato mai.

KADA OMBO’ LAKO RASULU’ YOHANES 12:5

Undadiammi misa’ pia muane, tu dadi muane, la umparentai tekken bassi mintu’ to kapere’; ta’pa disintakmi tu Anakna nadibaa lako Puang Matua sia lako to’ isungan kapayunganNa.

KADA OMBO’ LAKO RASULU’ YOHANES 2:16

Iamoto mengkatoba’ko; iake tae’i la saeNa’ mati’ madoi’, angKu rarii pa’dang dio te pudukKu tu tau iato mai.

KADA OMBO’ LAKO RASULU’ YOHANES 2:12

Surasanni malaeka’ kombongan Pergamus susite: Iamote tu kada lu dio mai Puang tu ma’pa’dang mataran patomali.

YESAYA 30:33

Belanna masaimo tiparandan tu inan pantunuan lako tau iato mai sia lako duka datunna; maluangan sia mandalan tu Nagaragai dapo’, na kapua tu api sia ma’toppo’-toppo’ tu kayu; iatu penaanNa PUANG lolong susi solo’ la umballai.

YOËL 3:13

Popa’ka’ta’mi tu pesae’, belanna matasakmo tu bura padang. Maikomi ammi manglullu’, belanna ponnomo tu pa’parran; iatu inan uai anggoro’ lempanmo. Belanna kapuamo tu kakadakeanna tau iato mai.

MALEAKHI 4:6

Iamo la umpatibalikki tu penaanna mintu’ ambe’ lako anakna sia penaanna mintu’ anak lako ambe’na, kumua da Kusae ussabu’i tu tondok butung pepayu.

KADA OMBO’ LAKO RASULU’ YOHANES 14:10

la nairu’ duka tu uai anggoro’ iamotu kare’dekanNa Puang Matua, tu sakka’mo tang dito’bo’ lan irusan kasengkeanNa; sia la dipakario-rio api sia solo’ dio olona mintu’ malaeka’ masallo’ sia dio oloNa Anak domba,