KADA OMBO’ LAKO RASULU’ YOHANES 18:5 - Sura' Madatu

⁵ belanna ma’tombon-tombonmo sumpu langngan langi’ tu mintu’ kasalanna, sia Nakilalaimo Puang Matua tu mai kakelokanna.

KADA OMBO’ LAKO RASULU’ YOHANES 18:5 Referans Kwoze

EZRA 9:6

sia ma’kadana’ kukua: O Kapenombangku, masiri’na’ sia maila’na’ mentingara lako Kalemi, o Kapenombangku, belanna iatu kakadakeangki kendekmo ussamboi ulungki sia iatu kasalangki sumpumo langngan langi’.

KADA OMBO’ LAKO RASULU’ YOHANES 16:19

Na tondok kapua iato piak tipa’tallu, sia ro’pok tu tondokna mintu’ bangsa, sia iatu tondok Babel kapua iato tae’ anna dikalupai dio oloNa Puang Matua, naurungan diben irusan uai anggoro’, iamotu kamaparranganna kasengkeanNa.

YEREMIA 51:9

Mangkamo tadampi tu Babel, apa tang dampi-dampianna; tatampemi anta pantan sule lako tondokta; belanna landa’mo langngan langi’ sia sumpumo langngan massaleu’na tu ukunganna.

YUNUS 1:2

Ke’de’ko ammu male lako Niniwe, tu kota kapua ammu pokadanni tu kamandasanna, belanna iatu kakadakeanna kendekmo dio oloKu.

2 OSSORANNA DATU 28:9

Apa den dio tu misa’ nabinNa PUANG, disanga Oded. Malemi tu Oded umpessitammui surodadu, tu male lako Samaria sia ma’kada lako nakua: Manassa belanna kare’dekanNa PUANG, Kapenombanna nene’ to dolomi, lako Yehuda, Nasorongi tu tau iato mai tama kuasammi, apa mipasiapanan mipatei situang kamasa’garammi, naurungan sumpu langngan langi’ tu sarrona.