KADA OMBO’ LAKO RASULU’ YOHANES 18:4 - Sura' Madatu

⁴ Kurangi polemi misa’ gamara senga’ dao mai langi’ nakua: Mallaikomi dio mai kalena, e taungKu, da ammi perapii tu mintu’ kasalanna, sia da anna pada urruakomi kamaparrisanna;

KADA OMBO’ LAKO RASULU’ YOHANES 18:4 Referans Kwoze

2 KORINTUS 6:17

Iamoto tassu’komi dio mai to’ to kapere’, sia messarakkomi, susimoto tu kadanNa Puang, sia da mirumbui tu apa maruttak; na Aku umpaalaikomi bilangan,

YEREMIA 51:6

Mallaikomi lan mai Babel, pantan la umpallaiangkomi katuoammi; da misanggang, ke naukungi Puang tu kakadakeanna, belanna attu iamote tu pa’bala’Na PUANG, la Nanii umbenni poleanna sitinaya penggauranna.

YEREMIA 51:45

E mintu’ taungKu, tassu’komi lan mai, ammi pantan umpallaian katuoammi dio mai kare’dekanNa PUANG.

YESAYA 52:11

Ke’de’komi, ke’de’komi, tassu’komi dio mai; da mirumbui lako tu apa maruttak, tassu’komi lan mai tondok iato, seroi kalemi, e kamu to umbulle pareaNa PUANG.

YEREMIA 50:8

Mallaikomi lan mai Babel sia tassu’komi lan mai tondok to Kasdim sia la susikomi domba laki tu undoloan domba ma’baanan.

1 TIMOTIUS 5:22

Da ammu sa’ka’ bang urremme’i lima moi misa’ tau, sia da mutamai kasalanna to senga’. Karitutui maindanko kalemu.

YESAYA 48:20

Tassu’komi lan mai Babel, mallaikomi dio mai to Kasdim; sikumalasilasiangkomi umpa’peissananni, sia umpa’perangianni sia umpatale’i sae lako randan langi’, kumua: Narampanammo PUANG tu Yakub, taunNa.

PA’PUDIAN 50:18

Iammu tiro misa’ to boko, ma’papada landomoko sola, sia iatu to pasandak salu lako rampanan kapa’ mutamai.

2 YOHANES 1:11

Belanna minda-minda umbenni passalama’, manassa natamai tu penggauran kadakena.

YEREMIA 51:50

E kamu tu tilendok dio mai kandean pa’dang tarru’ liukomi male, da mitorro len; la mikilalai tu PUANG dio mai inan mambela sia Yerusalem, la mipalan bang penaammi.

MATIUS 23:30

Mikuami: Iakengki denmo tonna linona nene’ to doloki, inang tae’ kila sanginaa tu tau iato umpato’doi tu rarana tu nabi-nabi.

KADADIAN 19:14

Sunmi tu Lot anna sipa’kada-kada minintunna, tu la sibali anakna baine, nakua: Ke’de’komi, tassu’komi lan mai te inan iate, belanna la Nasanggang PUANG te tondok iate! Apa nasanga minintunna kumua nabarrugai.

YEREMIA 51:9

Mangkamo tadampi tu Babel, apa tang dampi-dampianna; tatampemi anta pantan sule lako tondokta; belanna landa’mo langngan langi’ sia sumpumo langngan massaleu’na tu ukunganna.