KADA OMBO’ LAKO RASULU’ YOHANES 17:1 - Sura' Madatu

¹ Saemi misa’ tu malaeka’ pitu tu umbaa pitu gori-gori iato, umpa’kadaina’ nakua: Maiko la kupakitangko ukungan lako pa’gau’ sala masarrang tu unno’ko’ dio to’ uai buda;

KADA OMBO’ LAKO RASULU’ YOHANES 17:1 Referans Kwoze

KADA OMBO’ LAKO RASULU’ YOHANES 19:2

belanna mintu’ tu pa’paolainNa salu tongan sia malambu’; belanna Naukungmo tu pa’gau’ sala masarrang iato, tu ussanggang lino diona gau’ salana, sia Naalammo bala’ tu rarana mintu’ taunNa lako to ma’gau’ sala iato.

YEREMIA 51:13

E iko tu unno’ko’ dio to’ uai luang sia ma’ianan buda, nalambi’mo lampakmu sia nadete’mo sumpu suka’mu.

KADA OMBO’ LAKO RASULU’ YOHANES 16:19

Na tondok kapua iato piak tipa’tallu, sia ro’pok tu tondokna mintu’ bangsa, sia iatu tondok Babel kapua iato tae’ anna dikalupai dio oloNa Puang Matua, naurungan diben irusan uai anggoro’, iamotu kamaparranganna kasengkeanNa.

KADA OMBO’ LAKO RASULU’ YOHANES 21:9

Saemi misa’ tu malaeka’ pitu tu mangka untoe pitu gori-gori nanii ponno pitu kamaparrisan ma’katampakanna, nama’kada lako kaleku nakua: Maiko, la kupatiroangko baine la ma’kapa’, iamotu baineNa Anak domba.

YEREMIA 2:20

Belanna tempon diopa mai ammu tessei tu ayokamu sia muka’tuan tu peporimmu ammu ma’kada kumua: Manokamo’ la dipokaunan. Apa dio lu mintu’ tanete malangka’ sia diong lu garonto’ kayu maluna munii mamma’ ma’gau’ sala.

YESAYA 1:21

A’a, umba nakua tu tondok maruru’ namembalimo passulo bongi? Iato pirangbongi’ ponno ia katonganan sia natonangi kamaloloan, anna totemo to papatean mannamo lan.

KADA OMBO’ LAKO RASULU’ YOHANES 15:1

Kutiro polemi misa’ tanda senga’ dao langi’, kapua sia kalle-kallean, iamotu pitu malaeka’, tu umbaa pitu kamaparrisan ma’katampakanna; belanna iamo naposundun kasengkeanNa Puang Matua.

YESAYA 57:3

Apa kamu, mengkareke’komi mai, e anakna baine ma’balik mata, bati’ muane umpoka rampanan kapa’ sia baine ma’pangan buni.

KADA OMBO’ LAKO RASULU’ YOHANES 21:15

Iatu to umpa’kadaina’ untoe pesuka’, iamo tekken bulaan, ussuka’ tondok iato sia babanganna sia bentengna.

KADA OMBO’ LAKO RASULU’ YOHANES 4:1

Undinnato kutiromi tu misa’ ba’ba tibungka’ dao suruga, na iatu gamara bunga’-bunga’na susito oni tarompe’ pua ma’kada lako kaleku, Nakua: Kendekko mai, angKu pakitangko tu apa tae’ nasalai tang la dadi undinna.

LUKAS 24:32

Sipa’kada-kadami, nakua: Tang mamali’raka penaanta, tonNa pa’kadaiki’ dio lu lalan sia tonna pokadan nasangki’ tu lanna mai Sura’ Madatu?

LUKAS 9:30

Pakalan denmi da’dua tau Nasipa’kada-kadan, iamo Musa na Elia,

YEHEZKIEL 31:4

Napalobo’ uai sia napakalando uai lempan diong mai liku mandalan; iatu uai lempan umpalolong uainna untikui inan tu dinii untananni sia umpalolong uainna diong kalo’ lako mintu’ kayu dao padang.

KADA OMBO’ LAKO RASULU’ YOHANES 1:1

Iamote tu kada ombo’ dio mai Yesu Kristus, tu NakamaseanNi Puang Matua, dikua anNa pakitanni mintu’ taunNa tu mintu’ apa inang manassa la dadi madoi’: Nasuami tu malaeka’Na umpamanassanni Yohanes, taunNa.

KADA OMBO’ LAKO RASULU’ YOHANES 18:1

Undinnato kutiromi misa’ malaeka’ senga’ songlo’ dao mai langi’ tu kapua kuasanna, na iatu lino naarrang kamala’biranna.

KADA OMBO’ LAKO RASULU’ YOHANES 19:9

Nakuami lako kaleku: Sura’i susite: Maupa’ tu mintu’ to ditoratu lako pa’maruasan rampanan kapa’Na Anak domba iato. Ma’kadami lako kaleku, nakua: Iamote tu kadanNa Puang Matua, tu kada tongan.