KADA OMBO’ LAKO RASULU’ YOHANES 16:16 - Sura' Madatu

¹⁶ Narampunmi penaa deata masussuk tu mintu’ datu lino sirampun dio misa’ inan tu disanga lan basa Ibrani: Harmagedon.

KADA OMBO’ LAKO RASULU’ YOHANES 16:16 Referans Kwoze

ZAKHARIA 12:11

Allo iato la den bating kapua dio Yerusalem, susi bating diona Hadad-Rimon diong lombok Megido.

TO PARENGNGE’ 5:19

Saemi tu mintu’ datu anna parari, attu iato pararimi tu mintu’ datu Kanaan, dio Taanakh, dio biring salu Megido; moi sangti’pek salaka tae’ duka narampa.

KADA OMBO’ LAKO RASULU’ YOHANES 9:11

Sia umpodatu malaeka’na garonggong posi’ tana lambe’, lan basa Ibrani disanga Abadon, sia lan basa Grika disanga Apolion.

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.

YOHANES 19:13

Iatonna rangii Pilatus te kada iate, nabaami lako salian tu Yesu, naunno’ko’ dao kadera biasa nanii unno’ko’ mangra’ta’ kara-kara, tu inan disanga Sali batu, ke basa Ibrani disanga Gabata.

PENGGAURANNA RASULU’ 26:14

Iatongki songka nasangmo rokko padang, kurangimi tu gamara umpa’kadaina’, ma’basa Ibrani, nakua: E Saulus, Saulus ma’apari mupakario-rioRa’. Masussako la unteba’ pebamba ma’duri bassi.

YOHANES 19:17

Naalami tau tu Yesu; Nasun umpassan Kalenai tu kayu pea’ta’Na ma’palulako inan disanga Inan ma’kararo ulu, ke basa Ibrani disanga Golgota.

YOHANES 5:2

Dio Yerusalem sikandappi’ babangan Domba den misa’ limbong, iake basa Ibrani disanga Betesda; inde to dio den lima lantang.

TO PARENGNGE’ 4:7

Na dio biring salu’-salu’ Kison la Kunii umpasaeangko tu Sisera, kamandang lompona Yabin sola mintu’ kareta pararinna sia surodadunna, sia la Kusorong tama limammu.

2 OSSORANNA DATU 35:22

Apa iatu Yosia tae’ namemboko’ dio mai, sangadinna umbaliliora kalena la urrarii; tang naperangiimo tu kadanna Nekho, tu ombo’ dio pudukNa Puang Matua sangadinna randukmo parari dio rante Megido.