KADA OMBO’ LAKO RASULU’ YOHANES 15:4 - Sura' Madatu

⁴ Mindara tu tang mataku’, o Puang, sia tang umpakala’bi’ sangamMi? Belanna kamu manna tu maindan, na mintu’ bangsa la mennolo sia umpenombaiKomi, apa payanmo tu mintu’ pangra’ta’ malambu’Mi.

KADA OMBO’ LAKO RASULU’ YOHANES 15:4 Referans Kwoze

PA’PUDIAN 86:9

Mintu’na bangsa tu mangka Mikombong la sae menomba dio oloMi, o Puang, sia umpakala’bi’ sangamMi.

MALEAKHI 1:11

Belanna dio mai tu inan nanii berre’ mata allo sae lako naninna lambun, pasareongan tu sangangKu dio lu mintu’ bangsa, sia dio mintu’ inan dinii umpennoloan dupa sia pemala’ masero tu sangangKu, belanna pasareongan sangangKu dio lu mintu’ bangsa, kadanNa PUANGna mintu’ ma’dandan maritik.

YEREMIA 10:7

Mindara tu la tang ungkataku’Komi, o Datunna mintu’ bangsa? Manassa Kamu tu sipatu dikataku’! Belanna dio lu to matarru’na mintu’ bangsa sia mintu’ datunna tau iato mai tae’ tu padamMi.

PA’PUDIAN 22:27

Iatu to umpamadiongan penaanna la kumande sadia’na, sia mintu’ to undaka’ PUANG la umpudiI. Sangapaoi anna paya tu sumanga’mi tontong sae lakona.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

KADA OMBO’ LAKO RASULU’ YOHANES 14:7

anna metamba nakua: Kataku’i tu Puang Matua sia pangke’I, belanna rampomo tu attu kapa’paolaianNa salu, sia penombai tu Puang umpadadi langi’ sola lino sia tasik na mintu’ kalimbuang.

ZAKHARIA 14:16

Mintu’ tu torronapa tu mintu’ bangsa, tu ullaoi Yerusalem, la male, ke taunoi menomba lako olona Datu, iamo tu PUANGna mintu’ ma’dandan maritik, sia la umpakaraya allo kapua pekalumban.

YESAYA 25:3

Iamoto anna pakala’bi’Komi bangsa mawatang, sia la nakataku’Komi bentengna tu mai bangsa lalong.

YESAYA 45:23

Belanna mangkaMo’ umposumpa Kaleku, na iatu sunnamo dio randan pudukKu, tonganna, moi sangbuku kada tae’ Kuriu’ sule, kumua: mintu’ guntu’ la malinguntu’ lako Kaleku sia mintu’ lila la umposumpaNa’.

KADA OMBO’ LAKO RASULU’ YOHANES 4:8

Iatu a’pa’ a’gan kepenaa pada kepani’ siannan, natikui mata male salian sia lanna lu; tang tore sola a’pa’i allo bongi ma’kada: Maindan, maindan, maindan Puang Kapenomban, tu Umpoissan angge maritik, tu inang Den tempon dio mai, sia Den sia la saemo.

1 PETRUS 1:16

belanna mangkamo disura’ kumua: La maserokomi, belanna maseroNa’.

ZAKHARIA 2:11

Allo iato buda bangsa la mengkara’pa lako PUANG sia dadi taungKu. Sia la torroNa’ lan lu tangngamu. Attu iato la mutandai, kumua mangkamo’ Nasua PUANGna mintu’ ma’dandan maritik lako kalemu.

KADA OMBO’ LAKO RASULU’ YOHANES 16:7

Kurangi dio mai to’ inan pemalaran ma’kada nakua: Tonganna, o Puang Matua, Puang Umpoissan angge maritik, tongan sia malambu’ tu mintu’ ukungamMi.

KADA OMBO’ LAKO RASULU’ YOHANES 19:2

belanna mintu’ tu pa’paolainNa salu tongan sia malambu’; belanna Naukungmo tu pa’gau’ sala masarrang iato, tu ussanggang lino diona gau’ salana, sia Naalammo bala’ tu rarana mintu’ taunNa lako to ma’gau’ sala iato.

YESAYA 26:9

Kalebu tallang tu penaangku lan ungkamali’Komi ke bongi, ondongpi iatu ba’tengku lan undaka’ bangKomi; belanna iake rampomi tama lino tu mai ukungamMi, attu iato mintu’ issinna lino umpelada’i kamaloloan.

PA’PUDIAN 89:7

Belanna mindara lan ba’tangna langi’ tu ma’din la dipasitenderan PUANG? Sia mindara tu mai disanga pekapuangan tu la sitinti batunna PUANG?

ROMA 15:9

sia anna pakala’bi’i to kapere’ tu Puang Matua belanna kamamaseanNa, susitu disura’ nakua: Iamora bannangna to angku pudiKomi dio lu to kapere’ sia umpopenani pa’pudian umpudi sangamMi.

HOSEA 3:5

Undinnato la mengkatoba’ tu to Israel, sia undaka’ PUANG Kapenombanna, sia Daud datunna, na sae mennolo ma’parondo tu tau iato mai lako PUANG sia lako kameloanNa, – lan attu la sae.

YESAYA 6:3

Metambami tu misa’ ungkuanni tu misa’ nakua: Maindan, maindan, maindan tongan tu PUANGna mintu’ ma’dandan maritik, iatu mintu’ lino naponnoi kamala’biranNa.

PA’PUDIAN 111:9

Napadenan kadilendokan tu taunNa, sia Naarra’i tu basseNa tontong sae lakona; iatu sanganNa masero sia metakuran.

KADA OMBO’ LAKO RASULU’ YOHANES 6:10

Metambami umpekapuai gamaranna nakua: Sangapapi, o Puang maindan sia tongan, Mimane unnukungi sia umpembalaran raraki lako mintu’ to untongkonni kuli’na padang?

HABAKUK 1:12

O PUANG, tae’raka na Kamu tu Kapenombangku tempon dio mai sia To maseroku? Tae’ kila mate. O PUANG, Kamumo umpadenni tu tau iato mai la mangukung, sia o Buntu Batu, Kamu umpamanassai tu tau iato mai la umpalalo peada’.

KADA OMBO’ LAKO RASULU’ YOHANES 3:7

Surasanni malaeka’ kombongan Filadelfia susite: Iamote tu kada lu dio mai Puang maindan sia tongan, tu untoe gontingna Daud, tu umbungka’i, nata’e misa’ tau ungkullei untutu’i, sia Ia untutu’i natae’ misa’ tau ungkullei umbungka’i:

PA’PUDIAN 105:7

Iatu PUANG, Iamo Kapenombanta, sia mintu’ pa’paolainNa salu lalo lan mintu’ lino.

PA’PUDIAN 99:9

Pakala’bi’i tu PUANG, Kapenombanta, sia tukkukomi menomba umpennoloi buntu maindanNa, belanna masero tu PUANG, Kapenombanta.

PA’PUDIAN 22:3

O Kapenombangku, iake allona meongli’na’, apa tae’ Mimebali, sia iake mabonginna, tae’ duka angku rapa’.

1 SAMUEL 2:2

Moi misa’ tau tae’ namasero susi PUANG, sia tae’ misa’ tu kapenomban senga’ sangadinna Kamu manna, sia tae’ tu buntu batu susi Kapenombangki.

YESAYA 60:5

Attu iato la mutirro sia la dukku-dukku tu rupammu situang kaparannuan, iatu penaammu la tiakka’ parannu kapua, belanna iatu kasugiranna tasik ma’palulakomo kalemu sia iatu iananna mintu’ bangsa la rampo duka lako kalemu.

YEREMIA 16:19

O PUANG, Kamumo kamatotorangku sia tambakukungku sia pentirerungangku ke allo kapussakan! Lakomo Kalemi la nanii sae tu mintu’ bangsa dio mintu’ randan langi’ sia ma’kada nakua: Kabuttokan manna tu mana’na nene’ to doloki sia apa tae’ gai’na, tu moi misa’ tae’ apa kebattuan napaden.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

YESAYA 24:15

Iamoto pangke’I tu PUANG lan lu tondok napanta’ allo, sia pakala’bi’I dio lu mintu’ biring tasik tu sanganNa PUANG, Kapenombanna to Israel.

PA’PUDIAN 99:5

Pakala’bi’i tu PUANG, Kapenombanta. Sia tukkukomi menomba diong to’ pelleseanNa; Masero Ia.

PA’PUDIAN 97:8

Iatu iannato narangimo Sion, anna parannu, sia mintu’ anak dara Yehuda sila’tekan, tu belanna mintu’ pa’paolaimMi salu, o PUANG.

PA’PUDIAN 22:23

La kupa’peissanan tu sangamMi lako mintu’ sangsiulurangku, sia lan lu kombongan la kunii umpudiKomi.

YEREMIA 5:22

Tae’raka mila ungkataku’Na’, kadanNa PUANG, tae’raka mila ma’parondo dio oloKu, tu umpadadi bungin naposapa’ tasik, sia napokatonan tontong tu tang nalendu’i? Moi umbassan-bassan tu bombangna, tang nalambi’ duka lako, moi mematu-matu, tae’ duka naleanni.

KADA OMBO’ LAKO RASULU’ YOHANES 16:5

Kurangimi tu malaeka’na mintu’ uai iato ma’kada nakua: Tang pakayun bimbangKomi, o Puang, tu inang Den, si inang Denmo dolona sia maindan, belanna Mipaolaimo salunna susito.

KADA OMBO’ LAKO RASULU’ YOHANES 19:8

Nadikamasei, dikua anna umpakei kalena sampin kasa dadi’, pandila-dila sia masero; belanna iatu sampin kasa dadi’ iamo dipasangtinti mintu’ penggauran malolona to mai to masallo’.