KADA OMBO’ LAKO RASULU’ YOHANES 14:5 - Sura' Madatu

⁵ Sia tae’ ia mo’rang diappa’ dio pudukna sia tae’ sayuanna.

KADA OMBO’ LAKO RASULU’ YOHANES 14:5 Referans Kwoze

EFESUS 5:27

sia kumua anna Ia kalena umpabendanni tu kombongan dio oloNa sikambi’ kamala’biran tang den kadakena ba’tu tingkurrungna ba’tu senga’na, sangadinna masero tae’ sayuanna.

ZEFANYA 3:13

Iatu to torrona Israel tae’mo nala ma’pakario-rio ba’tu ma’kada tang tongan sia iatu lila pa’pakenan la tae’mo lan sadangna, belanna tau iato mai la ungkande riu dio padang kariuan sia la matindo sia tae’mo misa’ tau la umpatirambanni.

PA’PUDIAN 32:2

Maupa’ tu to tang Nareken PUANG tu kakadakeanna, sia to tae’ kalando-pa’duan lan ba’tengna.

YUDAS 1:24

Na lako Puang, tu kuasa ungkarimmannikomi dio mai katitodoan, anNa popennolo tang sayuangkomi dio olo mala’bi’Na, situang kaparannuan kapua,

YOHANES 1:47

Nakitami Yesu tu Natanael sae lako Kalena, Nama’kada umpokadai tu a’ganna Nakua: Tiromi tu misa’ to Israel tongan, tu tae’ tangnga’ kadake dio kalena!

KOLOSE 1:22

apa totemo mangkamokomi Napasikaelo diona kamateanNa lan kale tolinoNa, la umpopennolo maserokomi sia tae’ attanganmi sia sayuammi dio oloNa Puang Matua,

LUKAS 23:4

Mangkato nakuami Pilatus lako mintu’ pangulu to minaa sia lako to buda: Tae’ra kuappa’ tu la Naposalana te tau iate.

1 PETRUS 3:10

Belanna: Iatu to morai la tuo sia unnappa’ attu melo, la napakari’pi tu lilana umpokada kadakena, sia pudukna, tang la narandan kalandopa’duan;

MATIUS 12:34

E bati’ ula’ rame, umba la mikua umpokadai tu melona, anna kamu kalena to kadake? Belanna kala’biammira diong penaa anna ma’kada tu puduk.

HOSEA 10:2

Mo’rang tu penaanna, totemo la napassan tu bua kasalanna: la Nasanggang Puang tu inan pemalaranna sia la Naro’pok tu mintu’ batu dipodeatanna.

DANIEL 6:4

Attu iato iatu Daniel losong tu kamatarrusanna na iatu mintu’ to maraa akkele’na datu na iatu mintu’ to maraa lompo, belanna to natorroi penaa ma’iringan naurunganni iatu datu la morai unnangka’i la umparenta mintu’ kadatuan iato.

SARAMBU PEADA’ 8:8

Mintu’ tu kada sun dio pudukku situang kamaloloan; moi misa’ tu mintu’nato tae’ dibalittua’ sia dileko’.

PA’PUDIAN 34:13

Mindara morai tuo, sia ungkaduangi kamalamberan sunga’ anna tiroi tu maelona?

YESAYA 53:9

Iatu lamunanna dipalan lu to’ panglamunanna mintu’ to palutu tombang, apa iatonna mate lan lu tangnga to sugi’, belanna tae’ napogau’ kakadakean sia tae’ pa’pakena tassu’ dio pudukna.

PA’PUDIAN 55:11

Allo bongi lumiling ma’kampa dao lu bentengna, kakadakean sia kasanggangan untonangi;

PA’TENDENG BALLO 4:7

Melo tu pa’kaleammu, e rindungku, sia moi sidi’ tae’ sayuammu.

MALEAKHI 2:6

Iatu pangadaran manappa’ diona Sukaran aluk lan sadangna na iatu kakelokan tae’ diappa’ dio pudukna. Lolang tu tau iato mai ussikadamakanNa’ situang kamarampasan sia bulo lollong, sia buda tau napatibalik dio mai kakadakean.

IBRANI 9:14

ontong polepa tu raraNa Kristus, tu mangkamo umpemalaran Kalena tang sayuan lako Puang Matua tete dio Penaa matontongan, usseroi tu batu ba’tangta dio mai penggauran mate, kumua anta mengkaola lako Puang Matua matontongan.

1 PETRUS 1:19

sangadinna rara mala’bi’Na Kristus, tu butung rara anak domba tae’ sayuanna sia tae’ attanganna.

1 PETRUS 2:22

Iamo Ia, tu tang umpogau’ kasalan, tae’ duka naombo’ dio mai randan pudukNa tu kada patua’ ba’tang;