KADA OMBO’ LAKO RASULU’ YOHANES 13:13 - Sura' Madatu

¹³ Sia umpadadi tanda kalle-kallean kapua, naurunganni umpasonglo’ api dao mai langi’ tama lino dio tingayona tolino.

KADA OMBO’ LAKO RASULU’ YOHANES 13:13 Referans Kwoze

MATIUS 24:24

Belanna ba’tu pira-pira tu Kristus tang tongan sia nabi tang tongan la bendan, tu umpabu’tu tanda kalle-kallean tongan sia penggauran memangngan, kumua anna ma’papusa moi na iatu to ditonno’, ke la ma’din siai.

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

KADA OMBO’ LAKO RASULU’ YOHANES 16:14

belanna sola tallui to, iamo penaa deata masussuk, tu umpabu’tu ba’tu pira-pira tanda kalle-kallean sia male umpellambi’i mintu’ datu lino la umpasipulungi la unnea ke allo kapuai, iamotu alloNa Puang Matua Umpoissan angge maritik.

KADA OMBO’ LAKO RASULU’ YOHANES 20:9

Kendekmi ussitutu’i kuli’na padang, anna patama limbui tu inanna to pararinna mintu’ to masallo’ sia tondok Nakamali’na; songlo’mi tu api dao mai langi’ ummampu’i tu tau iato mai.

1 DATU 18:38

Ta’kala songlo’mi dao mai tu apinNa PUANG, anna imbakanni nakande tu pemala’ ditunu pu’pu’ sia kayunna sia mintu’ batu sia litak, sia iatu uai diong kalo’ pura nalepa’i.

MARKUS 13:22

Belanna ba’tu pira-pira tu Kristus tang tongan sia nabi tang tongan la bendan, tu umpabu’tu tanda kalle-kallean sia penggauran memangngan, kumua anna ma’papusa moi na iatu to ditonno’, ke la ma’din siai.

KADA OMBO’ LAKO RASULU’ YOHANES 11:5

Iake denni tau la morai ussanggangi to sola duai, sunmi tu api lan mai sadangna ungkandei tu mintu’ ualinna; sia iake denni misa’ tau la ussanggangi sola duai, manassa la mate susi duka iato.

2 TIMOTIUS 3:8

Susi Yanes sola Yambres umbali Musa, susi dukamo tu tau iato mai umbali tu kamanapparan, iamoto tang ma’rundunan tangnga’na sia tang diangga’ tu kapatongananna.

MATIUS 16:1

Saemi tu to Farisi sia to Saduki la untoba Yesu, umpalakui lako la Napakitan misa’ tanda kakuasan dao mai langi’.

KADIBILANGAN 16:35

Songlo’mi tu api dao mai PUANG, anna pisanni tu muane duaratu’ llimangpulo, tu to umpemalaran dupa.

KATASSURAN 9:11

Naurunganni iatu mintu’ to unnampui issan-issan tang naatta bendan dio olona Musa, napobua’ puru iato; belanna pada puruammo tu mintu’ to unnampui issan-issan sia mintu’ to Mesir.

KATASSURAN 8:7

Iatu to paissan-issan umpogau’ dukai susito tete dio pa’basa-basana, napakendekki tokko’ tu tondok Mesir.

KATASSURAN 7:22

Apa mintu’ to Mesir unnampui issan-issan umpogau’ dukai susito tete dio basa-basana, naurunganni makarra’ tu penaanna Firaun, sia tae’ naturu’i tu kadanna sola duai, susito Napokadanna PUANG.