KADA OMBO’ LAKO RASULU’ YOHANES 11:11 - Sura' Madatu

¹¹ Undinnato tallung allo ssangpolo natamaimi penaa ma’patuo lu dio mai Puang Matua sola duai, anna malimbangun bendan; saemi kamatakuran kapuana tu mintu’ to untiroi sola duai.

KADA OMBO’ LAKO RASULU’ YOHANES 11:11 Referans Kwoze

KADADIAN 2:7

Nakombongmi PUANG Kapenomban tu tolino dio mai litak, Napamurru’i tama to’tok illongna tu penaa napotuo, susimoto tu tolino mendadi misa’ a’gan tuo.

ROMA 8:11

Apa iake PenaanNa tu To umpamalimbangun Yesu dio mai to’ to mate torro lan kalemi, iamotu To umpamalimbangun Kristus Yesu dio mai to’ to mate, la umpatuo dukai tu batang kale tang marendengmi tete dio PenaanNa tu torro lan kalemi.

ROMA 8:2

Belanna iatu lalan biasanNa Penaa tu umpa’kamasean katuoan lan Kristus Yesu mangkamo umpopentorro to makakana’ dio mai lalan biasanna kasalan sia kamatean.

KADA OMBO’ LAKO RASULU’ YOHANES 11:9

Ba’tu pira-pira tau dio mai mintu’ bangsa sia suku sia basa sia to sangpetayanan untiroi tu batang rabuk iato tallung allo sangpolo, sia tae’ naeloranni tau iato mai tu batang rabukna dilamun.

PENGGAURANNA RASULU’ 5:5

Iatonna rangii Ananias tu kada iate songkami, naka’tu penaanna. Lendu’mi mataku’na tu mintu’ to urrangii tu iannato.

PENGGAURANNA RASULU’ 5:11

Lendu’mi mataku’na tu mintu’ tau lan kombongan sia mintu’ tu to urrangii tu iannato.

HOSEA 3:5

Undinnato la mengkatoba’ tu to Israel, sia undaka’ PUANG Kapenombanna, sia Daud datunna, na sae mennolo ma’parondo tu tau iato mai lako PUANG sia lako kameloanNa, – lan attu la sae.

YEREMIA 33:9

Attu iato kota iato la dadi misa’ sanga Kupoparannu, sia kadipudian sia kadipangkeran dio lu mintu’ bangsa lan lino, tu la urrangi kareba diona mintu’ kameloan tu Kupogau’ lako tau iato mai; la tiakka’ sia tigega’ penaanna diona mintu’ kameloan sia kasalamaran tu Kupogau’ lako tau iato mai.

KADA OMBO’ LAKO RASULU’ YOHANES 11:13

Iatonna attu ia dukato saemi lino’ kapua, naurunganni mangsan taa sangpulona tu tondok iato; pitungsa’bu tau mate belanna lino’ iato, na iatu torronapa lendu’ mataku’na, anna pakala’bi’i tu Puang Matua dao suruga.

YOSUA 2:9

anna ma’kada lako nakua: Kuissanmo kumua iate tondok iate Nasorongmo PUANG lako kalemi sia iatu kadikatakurammi narampoimokanni sia mintu’ tau lan tondok ma’parondomo ungkataku’komi.