KADA OMBO’ LAKO RASULU’ YOHANES 11:10 - Sura' Madatu

¹⁰ Mintu’ tu to untorroi kuli’na padang umpoparannui sia sende-sende sia siben ben apa, belanna iatu nabi sola duai umpakario-rio mintu’ to untorroi kuli’na padang.

KADA OMBO’ LAKO RASULU’ YOHANES 11:10 Referans Kwoze

1 DATU 18:17

Iatonna tiromi Ahab tu Elia, nakuami lako: Inderokoka te, e to umpamandasa to Israel?

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.

PENGGAURANNA RASULU’ 5:33

Iatonna rangii tinde tau te kada iate, lendu’mi re’dekna ara’na sia la morai umpatei tu mai rasulu’.

YOHANES 7:7

Tae’ nabelai tu issinna te lino la ungkabiri’komi, apa nakabiri’Na’ Aku, belanna Kukatottongi tu a’ganna, kumua kadake tu penggauranna.

MATIUS 10:22

La nakabiri’komi mintu’ tau tu belanna sangangKu, apa minda-minda tu mengkabatta’ sae lako ma’katampakanna, iamo la dikarimmanni.

MIKHA 7:8

Da muposendei tu a’gangku, e uali baine: moi angku tobang, manassa la bendanna’ sule; moi angku unno’ko’ lan kapittukan, manassa PUANG la dadi arrangku.

1 DATU 22:8

Nakuami tu datu to Israel lako Yosafat: Den siapa misa’ tau, tu tapotete ma’din mekutana lako PUANG, apa kukabiri’, belanna tae’ bang maelona tu napokada diona kaleku, sangadinna kadakena manna, iamo tu Mikha anakna Yimla. Nakuami Yosafat. Da nama’kada susito tu datu.

KADA OMBO’ LAKO RASULU’ YOHANES 13:14

Napapusai tu mintu’ to torro lan te lino tete dio ma’rupa-rupa tanda kalle-kallean tu dibenni la napogau’ dio tingayona olo’-olo’ iato. Nasuami tu mintu’ to torro lan te lino unggaraganni rapang-rapang dipodeata tu olo’-olo’ mangka nabangkei pa’dang, apa tuo sia.

KADA OMBO’ LAKO RASULU’ YOHANES 13:8

Mintu’na tu to torro lan te lino la umpenombai, iamotu to randuk dio mai diparandanganninna te lino, tang disura’ sanganna lan sura’ katuoanNa Anak domba, tu mangkamo direre’.

1 KORINTUS 13:6

tang umpomarannu kadakena, sangadinna malolona.

YOHANES 16:20

Tonganna tongan Kukua mati’, kumua la tumangi’komi sia umbating, apa iatu issinna te lino parannu; iate kamu te la masussakomi, apa iatu kamasussammi la membali kaparannuan.

YEREMIA 38:4

Mebalimi tu mintu’ arung lako datu, nakua: Nake dipatei te tau iate, belanna iake susito naparaang tu penaanna mintu’ surodadu, tu torropa lan kota iate sia mintu’ to buda, ke napokadai lako tau iato mai tu kada susito, belanna iate tau iate tae’ nadaka’i tu kameloanna to buda, sangadinna napokadakena.

SARAMBU PEADA’ 24:17

Iake tobangi tu ualimmu, da muparannu; iake tipessusukki, da nasende penaammu,

PA’PUDIAN 89:42

Mintu’ to unnolai lalan iato, umpangrampai, sia kadibelleran lako sangbanuanna:

PA’PUDIAN 13:4

Tirona’ sia perangiina’, o PUANG, Kapenombangku! Pamabaliga’i tu matangku, da angku mamma’ kupourungi mate.

1 DATU 22:18

Ma’kadami tu datu to Israel lako Yosafat nakua: Tang kukuaraka mati’, kumua tae’ napa’nubuaranna’ tu apa melo, sangadinna kadakena manna?

1 DATU 21:20

Nakuami Ahab lako Elia: Mukabu’tuimora’ka, e ualingku? Nakuami tu Elia: Tonganna kukabu’tuimokomi, belanna umbalukmokomi kalemi umpogau’ apa kadake dio pentiroNa PUANG.

KADA OMBO’ LAKO RASULU’ YOHANES 16:10

Na iatu malaeka’ ma’pellimanna umbolloan gori-gorinna rokko isunganna olo’-olo’ iato, nakalillinan tu kadatuanna, anna pantan ungkeke’-keke’ lilana, belanna mapa’di’,

KADA OMBO’ LAKO RASULU’ YOHANES 12:13

Iatonna tiromi naga tipembuangmo tu kalena tama lino, naula’ sumpumi to baine undadian pia muane ina’.

OBAJA 1:12

Da musende untiroi tu allona siulu’mu, iamo allo kamandasanna, sia da muparannu diona to Yehuda ke allo kasangganganna tau iato mai, da mupakapua kada ke allo kapu’duranna.

YEREMIA 50:11

Moi parannu-rannukomi sia unnarrak-arrak, e mintu’ pangrampa mana’Ku, moi mekkondong-kondongkomi susitu anak sapi lan lu to’ riu kamban sia ma’mehe’-mehe’ susi darang laki,

PA’PUDIAN 35:19

Da anna parannu tu to tae’ bannangna nanii unnualina’, sia da maro’ Mieloranni tu to ungkabiri’ punala bangna’ untelle-tellena’ pa’kidi’ matanna.