KADA OMBO’ LAKO RASULU’ YOHANES 1:3 - Sura' Madatu

³ Maupa’ tu mintu’ to umbasai sia mintu’ to urrangii kada nubua’ iate, sia umpalan penaai tu mintu’ apa disura’ lan, belanna mandappi’mo tu attunna.

KADA OMBO’ LAKO RASULU’ YOHANES 1:3 Referans Kwoze

LUKAS 11:28

Apa Nakua Yesu: Ia ria maupa’ tongan tu mintu’nato umperangii kadanNa Puang Matua sia ungkaritutuinnai.

KADA OMBO’ LAKO RASULU’ YOHANES 22:10

Nakuami lako kaleku: Da mumanda’i tu ca’na mintu’ kada pa’nubua’ lan sura’ iate, belanna iatu attunna mandappi’mo.

ROMA 13:11

Tenmito, belanna miissanmo tu diona attunna, kumua nalambi’mo tu attu la minii ta’pa malimbangun dio mai kamammarammi. Belanna totemo samandappi’-dappi’namo tu kamakarimmanan lako kaleta na iatonta mane ma’patongan.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

SARAMBU PEADA’ 8:34

Maupa’ ia tu mintu’ to umperangiina’, sia kiallo-kiallo ma’kampa dio to’ ba’baku sia ma’kampa dio to’ ampang babangangku.

KADA OMBO’ LAKO RASULU’ YOHANES 22:12

Kilalai, la saeNa’ madoi’, na iatu pepakkan dio mai Kaleku Kubaa len, dikua angKu papakkanni simisa’-misa’i tu tau sitinaya penggauranna.

2 PETRUS 3:8

Apa iate misa’na te da mitang umpalan ara’i, e mintu’ pa’kaboro’ku, kumua sangallo Nasanga Puang pada bangsia sangsa’bu taunna sia sangsa’bu taunna pada bangsia sangallo.

KADA OMBO’ LAKO RASULU’ YOHANES 22:20

Iatu To umpamanassai te mintu’na apa iate, Nakua ma’kada: Tonganna, la saeNa’ madomi’. Amin, maimoKomi, o Puang Yesu!

MATIUS 24:15

Iamoto, iammi kitami tu kamaparrangan megi’giran tu umpabu’tu kasanggangan bendan dio inan masero, susitu napokada nabi Daniel minda-minda tu umbasai natangnga’ mandalanni –

ROMA 13:12

Mambelamo bongi, la madomi’mo masiang. Iamoto sipatu tarampanan tu mintu’ penggauran malillin, anta angkaran maserona tapopa’buno.

KADA OMBO’ LAKO RASULU’ YOHANES 3:11

Madoi’ tu kasaeangKu, toe manda’i tu apa dio kalemu, da naden misa’ tau umpasayu’ko makotamu.

YEREMIA 51:61

Ma’kadami Yeremia lako Seraya nakua: Iammu rampomo lako Babel, pengkilalai, ammu basai tu mintu’ kada iate.