PA’PUDIAN 99:5 - Sura' Madatu

⁵ Pakala’bi’i tu PUANG, Kapenombanta. Sia tukkukomi menomba diong to’ pelleseanNa; Masero Ia.

PA’PUDIAN 99:5 Referans Kwoze

PA’PUDIAN 132:7

Melo ke tamaki’ tendaNa, sia melo ke tukkuki’ menomba diong to’ pelleseanNa!

YESAYA 66:1

Nakua kadanNa PUANG: Iatu langi’ iamo isungan kapayungangKu, na iatu lino iamo pelleseangKu; umbamira tu banua la migaraganNa’, ba’tu umbamira tu inan kapelayoangKu?

PA’PUDIAN 108:5

Belanna iatu kamasokanamMi untongloi langi’, sia iatu kamarurusamMi tu’tun dao massaliu’na!

PA’PUDIAN 34:3

Iatu deatangku massattuan dio PUANG, sangapaoi anna rangii to umpamadiongan penaanna anna parannu-rannu!

KATASSURAN 15:2

PUANGmo tu oto’na kamatotorangku sia oto’na pa’pudiangku, Nanii bu’tu kamakarimmanangku. Iamo Kapenombangku, Iamoto angku la umpangke’i, Iamo Kapenombanna ambe’ku, iamoto angku la umpudii.

YESAYA 25:1

O PUANG tu Kapenombangku: Kamumo tu la kupakala’bi’, la kupudi-pudi tu sangamMi, belanna umpogau’moKomi apa kalle- kallean, mintu’ tu apa Mipondok tempon dio mai. Mipalolang malambu’mo sia maruru’.

YESAYA 12:4

Pudimi tu PUANG, sia meongli’komi ussa’bu’ sanganNa, pakaleleanni tu penggauranNa dio lu mintu’ bangsa, pa’peissananni, kumua matande tu sanganNa.

PA’PUDIAN 99:3

Sipatu mintu’ la umpudi tu kakapuanna sangamMi sia kametakuranna; Masero Ia.

PA’PUDIAN 118:28

Kamumo tu Kapenombangku, la kupudiKomi, o Kapenombangku, la kupakasalleKomi.

PA’PUDIAN 107:32

Sangapaoi anna pakala’bi’I lan kombongan pa’tobudan, sia napudi-pudi lan kombongan ada’na pekaamberan.

PA’PUDIAN 99:9

Pakala’bi’i tu PUANG, Kapenombanta, sia tukkukomi menomba umpennoloi buntu maindanNa, belanna masero tu PUANG, Kapenombanta.

PA’PUDIAN 21:13

Belanna Mipatipero’mo sule tu tau iato mai, sia Miparundu’imo bulianMi tu lindona.

SURA’ KATOMINAAN 19:2

Ma’kadako lako mintu’ kasirampunan to Israel sia kuanni kumua: La maserokomi, belanna maseroNa’, te Aku PUANG, Kapenombammi.

1 OSSORANNA DATU 28:2

Bendanmi tu datu Daud nama’kada nakua: Perangiina’, e mintu’ siulu’ku sia taungku; den bu’tu lan penaangku la umbangunanni misa’ banua nanii mari’pi tu patti basseNa PUANG sia bangku pelleseanNa Kapenombanta; sia kupasakka’ tu mintu’ apa dipake la umpabendanni.

HOSEA 11:7

Manassa iatu taungKu tontong bang memboko’ dio mai Kaleku. Moi anna meongli’ langngan PUANG, inang tae’ Nala unnendekanni.