PA’PUDIAN 99:3 - Sura' Madatu

³ Sipatu mintu’ la umpudi tu kakapuanna sangamMi sia kametakuranna; Masero Ia.

PA’PUDIAN 99:3 Referans Kwoze

YESAYA 6:3

Metambami tu misa’ ungkuanni tu misa’ nakua: Maindan, maindan, maindan tongan tu PUANGna mintu’ ma’dandan maritik, iatu mintu’ lino naponnoi kamala’biranNa.

PA’TOLE 28:58

Iake tae’i mukaritutui tonganni tu mintu’ kada Sukaran aluk, tu disura’ lan te sura’, sia iake tae’i mukataku’i te Sanga mala’bi’ sia metakuran, iamotu PUANG, Kapenombammu,

PA’PUDIAN 111:9

Napadenan kadilendokan tu taunNa, sia Naarra’i tu basseNa tontong sae lakona; iatu sanganNa masero sia metakuran.

KADA OMBO’ LAKO RASULU’ YOHANES 4:8

Iatu a’pa’ a’gan kepenaa pada kepani’ siannan, natikui mata male salian sia lanna lu; tang tore sola a’pa’i allo bongi ma’kada: Maindan, maindan, maindan Puang Kapenomban, tu Umpoissan angge maritik, tu inang Den tempon dio mai, sia Den sia la saemo.

YOHANES 17:11

Tae’mo Kulan lino, apa tau iato lan lino, na Aku te saeNa’ lako Kalemi, o Ambe’ masero, karimmanni tu tau iato umpoparinding sangamMi, tu mangka Mipa’kamasean lako Kaleku, kumua anna mendadi misa’ susi Kita.

PA’PUDIAN 145:17

Malambu’ tu PUANG dio mintu’ lalanNa, sia masokan lan mintu’ penggauranna.

PA’PUDIAN 66:3

La ma’kadakomi lako Puang Matua, kumua: Lendu’ metakuranna tu mintu’ penggauramMi, mintu’ duka ualimMi pudukna bangri mengkanorong Mati’ belanna kuasa kapuamMi.

NEHEMIA 4:14

Kutiromi angku ke’de’ sia ma’kada lako tu mai to la’bi’, pangulu sia mintu’ to buda, kukua: Da mikataku’i tu tau iato mai; kilalai tu Puang pasareongan sia dikabangnga’, ammi pararian mintu’ siulu’mi, anakmi muane sia anakmi baine, bainemi sia banuammi.

NEHEMIA 1:5

kukua: O PUANG, Puang Matua dao suruga, o Puang Matua pasareongan sia dikabangnga’, tu ungkanana’i basse sia kamasokanan lako tu mintu’ tau ungkamali’Komi sia ungkaritutui pepasanMi.

YOSUA 24:19

Apa ma’kada tu Yosua lako bangsa iato nakua: Tang miatta umpengkaolai PUANG, belanna Iamo Kapenomban sumpu masero. Iamo Kapenomban noka ditimba oloNa. Tae’ nala umpagarri’i tu kapatodo-tintingammi sia kasalammi.

PA’TOLE 7:21

Da muma’parondo ungkataku’i tu tau iato, belanna iatu PUANG, Kapenombammu, den musisolan, iamotu Kapenomban pasareongan sia metakuran.

PA’PUDIAN 76:1

Lu lakona pangala sengo. Dipasiala oni katapi. Misa’ sengo pa’pudianna Asaf.

1 SAMUEL 2:2

Moi misa’ tau tae’ namasero susi PUANG, sia tae’ misa’ tu kapenomban senga’ sangadinna Kamu manna, sia tae’ tu buntu batu susi Kapenombangki.

YEREMIA 20:11

Apa PUANG urrondongna’ susi misa’ pa’barani lalong; iamoto mintu’ to unnula’na’ la tisumbang sia tang pakulle; la kasirisan tongan, belanna tae’ nalalo tu natangnga’na, iamo kaditattan matontongan sia tang dikalupai.

PA’PUDIAN 76:12

Mangallonankomi sia palesso’i tu pangallonammi lako PUANG, Kapenombammi; mintu’ tu to tiku lao ungguririkki Puang, pennoloanni tu pamengan lako Puang metakuran.

NEHEMIA 9:32

Totemo, o Kapenombangki, Kapenomban pasareongan, mawatang sia dikabangnga’, tu ungkaritutui basse sia kamasokanan, da Misanga maringanni tu mintu’ kamandasan urruakanni, la datungki la pangulungki, la tominaangki la nabingki la nene’ todoloki sia mintu’ taumMi, randuk dio mai linona datu Asyur sae lako allo iate.

NEHEMIA 9:5

Ma’kadami tu to Lewi Yesua, Kadmiel, Bani, Hasabneya, Serebya, Hodia, Sebanya na Petahya, nakua: Ke’de’komi, pudii tu PUANG, Kapenombammi, tempon dio mai landa’ lako attu situran; la napudi tau tu sanga mala’bi’Mi, tu ussamboi mintu’ kadipudian sia kadipangkeran.

PA’PUDIAN 100:4

Unnola tamakomi babanganNa situang pa’kurre sumanga’, sia tamakomi tarampakNa sitonda pa’pudi-pudian, la mipudi sia la mipakala’bi’ tu sanganNa!

PA’PUDIAN 103:1

Pa’pudianna Daud. Pudimi tu PUANG, e sumanga’ku, sia sanga maseroNa, e mintu’na lan tondon to batangku;