PA’PUDIAN 98:8 - Sura' Madatu

⁸ Mintu’ salu la massala’pa-la’pa, sia mintu’ buntu la siangngaran.

PA’PUDIAN 98:8 Referans Kwoze

YESAYA 55:12

Belanna la tassu’komi situang kasendean sia la direnden marampa’komi, iatu buntu sia tanete la unnangnga’ dio tingayomi sia mintu’ kayu dio lu padang la massala’pa-la’pa.

PA’PUDIAN 89:12

Kamumo puangna langi’ sia Kamu duka puangna lipu daenan; iatu lino sola mintu’ issinna, Kamumo unnotonni tu parandanganna.

PA’PUDIAN 93:3

Mintu’ salu mongngo’mo, o PUANG, mintu’ salu mongngo’mo. Sia mintu’ salu umpemandui ongngo’ darra’na.

PA’PUDIAN 47:1

Lu lakona pangala sengo. Pa’pudianna to Korah.

2 DATU 11:12

Nasolammi lako salian tu anakna muane datu, napasongko’i makota, sia naben Kasa’bian. Susimoto tu tau iato mai unnangka’ datu; natokko, anna massala’pa-la’pa tu tau iato mai sia metamba-tamba nakua: Na maupa’mora tu datu!

PA’PUDIAN 89:13

Iatu ulunna salu kalua’ sola pollo’na uai Kamu umpadenni: Iatu buntu Tabor sola Hermon mela’tek tete dio sangamMi.