PA’PUDIAN 98:3 - Sura' Madatu

³ Nakilalai tu kamasokananNa, sia kamarurusanNa lako bati’na Israel, mintu’ duka lelean uran untiromo kamakarimmanan lu dio mai Kapenombanta.

PA’PUDIAN 98:3 Referans Kwoze

PA’PUDIAN 22:27

Iatu to umpamadiongan penaanna la kumande sadia’na, sia mintu’ to undaka’ PUANG la umpudiI. Sangapaoi anna paya tu sumanga’mi tontong sae lakona.

PENGGAURANNA RASULU’ 28:28

Iamoto la miissan kumua iate kamakarimmanan lu dio mai Puang Matua diparampo lako to kapere’; tau iamoto mai tu la umperangii.

PENGGAURANNA RASULU’ 13:47

Apa Napepasanan Puang lako kaleki, Nakua: Kupopendadimokomi arrang lako mintu’ to kapere’, ammi pasae kamakarimmanan sae lako randanna langi’.

LUKAS 1:72

kumua Nasundunni tu mamaseNa lako nene’ to dolota sia Nakilalai pole’ tu pangallu’ madatunNa;

PA’TOLE 4:31

Belanna iatu PUANG, Kapenombammu, iamo Kapenomban, masokan, tae’ Natampeko sia tae’ Nasanggangko sia tae’ Nakalupai tu basseNa sola nene’ to dolomu, tu Natananan sola Napalaoi sumpa.

YESAYA 52:10

Nakalili’mo PUANG tu takia’ maseroNa dio tingayona mintu’ bangsa sia la natiro mintu’ randan langi’ tu kasalamaran dio mai Kapenombanta.

PA’PUDIAN 98:2

Na’pa’peissanammo PUANG tu kasalamaran lu dio mai Kalena, sia umpaombo’ kamaloloanNa dio tingayona mintu’ bangsa.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.

ROMA 10:12

Belanna tae’ silaenanna to Yahudi anna to Yunani. Apa misa’ri Puang umpuangi mintu’na sia sumpu mamase lako mintu’ to metamba lako Kalena.

LUKAS 3:6

sia mintu’na ma’rupa tau la untiro kasalamaran dio mai Puang Matua.

MIKHA 7:20

La Mipatiroan Yakub tu kamarurusan sia kamasokanan lako Abraham, susitu sumpaMi dolo-dolona lako nene to doloki.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

YESAYA 45:22

Lu maikomi Kaleku, ammi makarimman, e mintu’ randan langi’, belanna Akumo tu Puang Matua tae’ senga’na.

PA’PUDIAN 106:45

Sia belanna diona la napomelona tau iato mai, Nakilalaimi Puang tu basseNa, anNa maturu-turu sitinaya kamasokanan budanNa.

PA’PUDIAN 67:7

Iatu padang umpakendekmo burana, na Puang Matua, Kapenombanta, umpamasakkeki’;

ROMA 10:18

Apa kukua: Tae’paraka narangii? Tonganna tongan! Memannamo tu gamaranna lan mintu’ lino, sia iatu kadanna landa’mo lako randanna langi’.

SURA’ KATOMINAAN 26:42

attu iato la Kukilalai tu basseKu sola Yakub, sia iatu basseKu sola Ishak sia iatu basseKu sola Abraham la Kukilalai, sia la Kukilalai duka tu tondok.

YESAYA 52:7

Tang pada melona dao lu buntu tu lentekna to umpatale’ kareba diona kasendean tu umpa’peissanan kamarampasan, tu umbaa kareba melo, tu umpakalelean kasalamaran, tu ma’kada lako Sion, nakua: Iatu Kapenombammu iamo Datu.