PA’PUDIAN 98:1 - Sura' Madatu

¹ Pa’pudian. Penanianni misa’ nanian ba’ru tu PUANG, belanna mangkamo umpogau’ apa kalle-kallean, lima kananNa sia takia’ maindanNa umpadenanni kapataloan.

PA’PUDIAN 98:1 Referans Kwoze

KATASSURAN 15:6

O PUANG, mala’bi’ tu lima kananMi diona kamatotoran, O PUANG, lima kananMi unnisak-nisakki tu uali iato.

YESAYA 52:10

Nakalili’mo PUANG tu takia’ maseroNa dio tingayona mintu’ bangsa sia la natiro mintu’ randan langi’ tu kasalamaran dio mai Kapenombanta.

KADA OMBO’ LAKO RASULU’ YOHANES 14:3

iatu tau iato mai umpopenani misa’ nanian ba’ru dio olo isungan kapayungan iato, sia olona a’pa’ a’gan kepenaa, sia mintu’na penatua; sia moi misa’ tau tae’ anna kullei umpelada’i tu nanian iato, sangadinna ia manna tu tau saratu’ patangpulo nna’pa’ sa’bunna tu to dila’bak dio mai lino.

PA’PUDIAN 96:1

Penaniammi PUANG tu misa’ nanian ba’ru, sia penaniamMi tu PUANG, e mintu’ issinna lino.

PA’PUDIAN 33:3

PenanianNi Puang tu sengo ba’ru, pemellongi tu dedekna sia pemandui.

PA’PUDIAN 96:3

Pakaleleammi tu kamala’biranNa dio lu mintu’ bangsa, sia iatu penggauran kalle-kalleanNa dio lu mintu’ to sangpetayanan.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.

KOLOSE 2:15

Iatonna mangka ungkalosso’i tu mai to ma’parenta sia to paa, Napalaomi siri’na, anNa pakitanni tu kapataloanNa dio kayu pea’ta’.

YOHANES 16:33

Mintu’nate kupokada lako kalemi, kumua misiria kamarampasan ussisolanNa’. Lan te lino umperasaikomi kamaparrisan; apa pabatta’komi penaammi, belanna Aku te mangkaMo’ untaloi te lino.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

PENGGAURANNA RASULU’ 2:11

nala batang to Yahudi nala to Yahudi dipasada’, to Kreta sia to Arab, tarangi sola nasang tinde tau umpokadai tu penggauran kalle-kallean kapuanNa Puang Matua umpobasa basata.

LUKAS 1:49

belanna penggauran kapua Napabu’tumo dio kaleku tu To umpoissan angge maritik. Dadi madatu todamo tu sanganNa,

YEREMIA 31:22

Sangapapako la ma’marempa-rempa, e anak dara, magasa penaanna? Belanna Napadenmo PUANG tu misa’ apa ba’ru lan lino, iamotu baine umpakatuan pangngan muane.

YESAYA 63:5

Mentiro tikuNa’, apa tae’ patunduan; magiangNa’, apa moi misa’ tau tae’ umbaliiNa’. Iamoto anna limangKu kalena untunduiNa’ sia kare’dekangKu umbaliiNa’.

YESAYA 42:10

PakendekanNi nanian ba’ru tu PUANG, sia kadipudianNa dio mai mintu’ randan langi’, e kamu to massombaran lan lu tasik sia mintu’ tu issinna; e kamu randan tasik sia mintu’ to umpa’tondokki.

PA’PUDIAN 149:1

Haleluya! Penanianni PUANG tu misa’ nanian ba’ru, tu dipudianni lan kombongan to masallo’.

KATASSURAN 15:11

O, PUANG, iatu mintu’ deata mindara tu la ussitinti-batuangKomi, mindara tu susimMi, dipatarompo’ tete dio kamaindanan, metakuran tete dio penggauran kapudian, tu umpogau’ tanda kalle-kallean.

YESAYA 59:16

Natiro kumua tae’ bangmo tau misa’, bangngomi ara’Na, belanna tae’mo misa’ tau umpangeai katonganan. LimanNa kalena umbenni pa’tunduan sia kamaloloanNa ussande’I.

PA’PUDIAN 139:14

KupudiKomi, belanna memangngan tongan tu kakombongangku; sia memangngan tu mintu’ penggauramMi. Nakanassai tongan penaangku tu diona to.

PA’PUDIAN 136:4

ia manna ia tu umpogau’ tanda kalle-kallean kapua, belanna iatu kamasokananNa tang tileluk sae lakona;

PA’PUDIAN 105:5

Kilalai tu mintu’ tanda memangngan mangka Napogau’, sia mintu’ tanda kalle-kalleanNa sia mintu’ panglampakNa tu ombo’ dio randan pudukNa,

PA’PUDIAN 86:10

Belanna Kamumo tu pasareongan umpogau’ kalle-kallean, Kamu manna tu Puang Matua.

PA’PUDIAN 77:14

O Puang Matua, iatu lalanMi naepun kamaseroan; mindara tu Kapenomban pada tande Puang Matua?

KADADIAN 3:15

La Kupaden tu kasiualiammu na iate baine sia bati’mu anna bati’na; iamo la unnisak-nisakki tu ulummu ammu totokki tu kambutu’na!

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.

PENGGAURANNA RASULU’ 19:20

Susimoto tu kadanNa Puang Matua sarorak-rorakna sia sapatalo-talona tete dio kuasanNa Puang.

KADA OMBO’ LAKO RASULU’ YOHANES 6:2

Kutiromi den misa’ darang busa’, na iatu to ussakei untoe pana; dikamaseimi misa’ makota, sunmi patalo sia kumua anna patalo tarru’.

AYUB 40:9

Iake susito Aku duka la umpudiko, belanna iatu lima kananmu umpapataloko.

PA’PUDIAN 72:18

Mintu’na kadipudian lu langngan nasang PUANG Kapenomban, tu Kapenombanna Israel, Ia mannari ia tu umpogau’ penggauran kalle-kallean.

PA’PUDIAN 89:14

Kamumo tu ma’takia’ bassi. Mawatang tu limamMi, sia matande tu lima kananMi.

YESAYA 12:5

Pakendekanni pa’pudian tu PUANG, belanna umpogau’ apa kalle-kallean. Pa’peissanan nasangi te iannate lako mintu’ lino.