PA’PUDIAN 97:2 - Sura' Madatu

² Iatu gaun sia kamalillinan untikui lao, sia kamaloloan sia katonganan napoparandangan isungan kapayunganNa.

PA’PUDIAN 97:2 Referans Kwoze

PA’PUDIAN 89:14

Kamumo tu ma’takia’ bassi. Mawatang tu limamMi, sia matande tu lima kananMi.

KATASSURAN 19:9

Ma’kadami PUANG lako Musa, Nakua: Tonganna songlo’Na’ lako kalemu lan misa’ gaun malillin, kumua anna rangii to buda, ke ma’kadaNa’ lako kalemu, sia anna patonganko tontong sae lakona. Naparampoomi Musa lako PUANG tu mintu’ kadanna to buda.

SARAMBU PEADA’ 16:12

Nakagalli datu umpogau’i tu katangmekaalukan, belanna tete dio kamaloloan nadipabantang tu isungan kapayunganna.

PA’PUDIAN 99:4

Belanna iatu kamatotoranNa Datu ungkabarii katonganan. Mangkamo Mipantok tu atoran malolo, sia mangkamo Mipogau’ tu katonganan sia kamaloloan dio lu bati’na Yakub.

KADADIAN 18:25

Toyang ia tondonna lalan dio mai Puang la umpogau’i tu susinnato, la umpasipatei to kadake tu to malambu’, butung Napasangtinti to kadake tu to malambu’; toyang ia tondonna lalan dio mai Puang to. Ma’apari Ia tu To Ma’paolai salunna te mintu’ lino anna tae’ra Nala umpasalunnai tu salunna?

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

NAHUM 1:3

Iatu PUANG kalando pesuka’, moi anna kapua kamatotoranNa, tae’ duka Ia na la tang mangukung. Lumingka naturu’ talimpuru’ sia angin bara’, sia salebu’ butung barra’-barra’ diong to’ lette’Na.

PA’PUDIAN 77:19

Iatu oni guntu’Mi menanan, sia iatu kila’ unnarrang lino, na iatu lino rumonting sia tiseno.

KATASSURAN 20:21

Iatu to buda toyang bendan, apa iatu Musa umpentireke’i gaun malillin, tu Naninna Puang Matua.

AYUB 23:14

Belanna Puang la umpalanda’i tu apa dilampakanna’, sia budapa tu susinnato lan penaanNa.

AYUB 26:9

Nasaludungi tu isungan kapayunganNa, natae’ napaan, belanna Nasamboi salebu’Na.

PA’PUDIAN 89:15

Iatu kamaloloan sia tang pakayun bimbang iamo parandanganna isungan kapayungamMi, na iatu kamasokanan sia kamarurusan dolo dio oloMi.