PA’PUDIAN 97:1 - Sura' Madatu

¹ PUANG tu untoe kapayungan: la mela’tek tu lino, sipatu tu lebukan ma’lako-lakoan la sende paiman.

PA’PUDIAN 97:1 Referans Kwoze

KOLOSE 1:13

Iamotu mangka urrampanangki’ dio mai kuasa kamalillinan sia umpalengka’ki tama parentaNa Anak pa’kaboro’Na,

PA’PUDIAN 99:1

PUANG tu untoe kapayungan – la ma’parondo mintu’ bangsa. Ia unnisungi karubion la rumonting te lino.

PA’PUDIAN 93:1

PUANG untoe kapayungan; Ia umpobayu sielle’ kabarrealloan; Iamo bayu sielle’Na Puang to, sia umpotambeke’ kapaan. Iate lino bantangmo, tae’ anna la tiberu susuk.

KADA OMBO’ LAKO RASULU’ YOHANES 11:17

anna ma’kada: Ma’kurre sumanga’kanni mati’ oloMi, o Puang Kapenomban, tu Umpoissan angge maritik, tu den, sia inang den tempon dio mai, belanna untoeKomi kuasa kapuaMi sia ma’parentamoKomi.

MARKUS 11:10

Kurre sumanga’na tu saena umpotete sanganNa Puang; Maupa’ tu kadatuanna nene’ to dolota Daud te sae te; Hosanna dao masuanggana.

ZEFANYA 2:11

La masarrang tu PUANG lako tau iato mai, belanna la Napisanni tu mintu’ deatanna kuli’na padang, anna dio oloNa la nanii tukku menomba tu mintu’ bangsa dio mai tondok ma’biring tasik’ pantan lu dio mai inanna.

YESAYA 49:13

Siarrakangkomi, e langi’ sia sikumalasiangko, e lino, unnangnga’komi, e buntu, belanna PUANG umpakatanai tu mai taunNa sia ungkaturu-turui mintu’ to dipandasaNa.

KADADIAN 10:5

Tau iamote mai tu nanii sun mintu’ bangsa dio lu biring tasik tumale’ lako lili’ tondok pantan umpobasa basana sia pa’rapuanna, nalili’ bangsa iato.

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

MATIUS 6:10

Anna patalo tu ParentaMi anna dadi tu pa’poraiamMi lan te lino susi dao suruga.

MATIUS 3:3

Belanna ia bangsiamote tu napokadanna nabi Yesaya, kumua: Den gamaranna tau metamba-tamba dio padang pangallaran: Pasakka’mi tu batattaNa Puang, ranteimi tu lalanNa.

OBAJA 1:21

Iatu to mangrampanan la kendek langngan buntu Sion, sia la unnukung buntunna Esau, na iatu kadatuan iato PUANG umpoissanni.

YESAYA 66:19

La Kupaden misa’ tanda dio lu tau iato mai sia mintu’ tu to tilendokmo la Kusua lako mintu’ bangsa – iamotu lako Tarsis, Pul sia Lud, to ma’pana, lako Tubal sia Yawan, sia lako mintu’ randan tasik mambela, tu tae’ lenpa narangi karebangKu sia tae’pa natiro kamala’birangKu –, anna tau iato mai umpatale’i tu kamala’birangKu dio lu mintu’ bangsa.

YESAYA 60:9

Belanna Aku la napeagi tu to ma’biring tasik; na iatu mai kappala’ dio mai Tarsis iamo bunga’na sae umbaa mintu’ anakmu muane dio mai padang mambela; la nabaa duka tu mai salakana sia bulaanna, la umpangke’ sanganNa PUANG, Kapenombammu, To maserona Israel, belanna Napakala’bi’ko.

YESAYA 51:5

Mengkareke’mo lako kalemi tu kapataloan dio mai Kaleku sia kasalamaran dio mai Kaleku la bu’tumo, sia limangKu la umpaolai salunna tu mintu’ bangsa; mintu’ randan tasik untayanNa’ sia urrannuan limangKu.

YESAYA 49:1

PerangiiNa’, e mintu’ lebukan, sia tananni talinga, e kamu mintu’ bangsa mambela. Tempon lanpa mai pa’tambukan Nanii untambaina’ PUANG sia randuk lan mai inan tau Nanii ussa’bu’i tu sangangku.

YESAYA 42:4

Tae’ anna la ma’millo mannamo ba’tu dira’pak sae lako napantokna tu malolona lan lino; na mintu’ biring tasik la untayanni tu pangadaranna diona sukaran aluk.

YESAYA 41:5

Iatu mintu’ biring tasik mataku’ untiroi tu iannato; mintu’ randan langi’ ma’parondo, anna pada sae mengkareke’.

YESAYA 11:11

Allo ia dukato la dadi kumua Puang la unnete’ pole limanNa la ulla’bakki sule tu taunNa tu mai torronapa, tu mai torronapa dio Asyur, dio Mesir, dio Patros, dio Etiopia, dio Elam, dio Sinear, dio Hamat na dio lu tondok ma’randan tasik.

PA’PUDIAN 2:11

Mengkaolakomi lako PUANG situang kamatakuran, sia sende paimankomi situang kama’parondoan.

ZAKHARIA 14:9

Sia PUANG la dadi datu lan mintu’ lino; allo iato la misa’ri tu PUANG sia iatu sanganNa la misa’ dukari.