PA’PUDIAN 96:5 - Sura' Madatu

⁵ Belanna iatu mai deatanna mintu’ bangsa, dipa’deatainna bangri, apa PUANG Ia tu ungkombong langi’;

PA’PUDIAN 96:5 Referans Kwoze

PA’PUDIAN 115:15

Kamumo tu to Napamasakke PUANG, tu Puang mangka ungkombong langi’ na lino.

YESAYA 42:5

Inde sia tu kadanNa Puang Matua, Iamotu PUANG, tu umpadadi sia umpalumbang batara, tu umballa’ lipu daenan sia mintu’ apa tuo lan; tu umpatamai penaa mintu’ to untongkonni kuli’na padang sia umpatamai sumanga’ tu mintu’ to lolang lan.

1 KORINTUS 8:4

Iatu diona ungkande kande dipemalaran lako deata, taissan kumua iatu deata moi misa’ tae’ lan te lino, sia tae’ kapenomban senga’ sangadinna Misa’ri.

PA’PUDIAN 135:18

Iatu to unggaragai to, la ten to apa iato, susi dukato tu to umposande’i.

PENGGAURANNA RASULU’ 19:26

Na mitiromo sia mirangimo kumua tangngia inde manna te Efesus, sangadinna kari’ la mintu’mo lili’na Asia nanii te Paulus unna’pan sia umpabalik buda tau, nakua kumua iatu panggaraga tolino tangngia deata.

PA’PUDIAN 135:15

Iatu rapang-rapang dipodeatanna to kapere’ bulaan sia salaka digaraga, iamo panggaraga tolino.

KADADIAN 1:1

Iatonna tipamulanna, Napadadii Puang Matua tu langi’ sola lino.

PA’PUDIAN 8:4

Iangku tingara langi’Mi, panggaraga limamMi, sia bulan na bintoen tu mangka Mikombong:

YESAYA 41:29

Tau iato mai susi bang to apa tae’, sia mintu’ penggauranna tang kebattuan; mintu’ rapang-rapang dipodeata dipati’no’ angin bangri sia tae’ gai’na.