PA’PUDIAN 96:2 - Sura' Madatu

² Penaniammi tu PUANG, sia pudii tu sanganNa; pasitarru’-tarru’i tu allo Minii umpa’peissanan kasalamaran lu dio mai Kalena.

PA’PUDIAN 96:2 Referans Kwoze

MARKUS 16:15

Nakuami ungkuanni tinde tau: Malemokomi lako mintu’na lino, mipa’peissananni tu Kareba-kaparannuan lako angganna issinna lino.

PA’PUDIAN 71:15

La nasa’bu’ tongka’ dililaku tu kamaloloamMi, sia kasalamaran lu dio mai Kalemi kiallo-kiallo, belanna tang kukemba’ kuia’ tu bilanganna.

PA’PUDIAN 40:10

Kupa’peissanammo tu kareba kaparannuan lan kombongan kalua’ iamotu diona kamaloloamMi; manassa tae’ kutampun pudukku. O PUANG, Miissan tu iannato.

YESAYA 40:9

E Sion, ikomo tu umbaa kareba melo, la kendekko langngan misa’ buntu malangka’; e Yerusalem, ikomo tu umbaa kareba melo, pekapuai tonganni tu gamarammu; pekapuai tu gamarammu, da mumataku’; pokadanni mintu’ kota Yehuda kumua: Inde sia tu Kapenombammi!

PA’PUDIAN 145:1

Nanian pa’pudi-pudianna Daud. La kupakarayaKomi, o Kapenombangku, o Datungku, sia la kupudi tu sangamMi tontong sae lakona.

KADA OMBO’ LAKO RASULU’ YOHANES 5:13

Kurangimi mintu’ panampa lan suruga, sia lan lino, sia diong mangapi’na tana sia lan tasik, sia mintu’na issinna ma’kada, nakua: Lako Puang tu unno’ko’ dao isungan kapayungan sia lako Anak domba nanii tu kadipudian sia kadipangkeran sia kadipakala’biran sia kapaan sae lakona.

EFESUS 1:3

Mintu’na kadipudian lu langngan Puang Matua, tu Ambe’Na Puangta Yesu Kristus, tu mangka umpasiriaki’ mintu’ kamauparan mempenaa dao suruga lan Kristus.

PENGGAURANNA RASULU’ 13:26

Kamu tu siulu’ki, tarukna Abraham sia mintu’mi tu ungkataku’Na Puang Matua, diparampomo lako kaleta tu kareba-kamakarimmanan iate.

PA’PUDIAN 145:10

Mintu’ penggauramMi la umpudiKomi, o PUANG, sia mintu’ to masallo’Mi la umpangke’Komi;

PA’PUDIAN 103:20

Pudimi tu PUANG, e mintu’ malaeka’Na, e mintu’ to lalong, tu umpogau’ kadanNa. Sia umperangii kadanNa!

1 OSSORANNA DATU 29:20

Mangkato nakuami Daud lako mintu’ kombongan: Pudimi tu PUANG, Kapenombammi. Napudimi mintu’ kombongan tu PUANG, Kapenombanna nene’ to dolona, anna malinguntu’ sia tukku menomba dio oloNa PUANG sia dio olona datu.

PA’PUDIAN 145:2

La kupakarayaKomi kiallo-kiallo; sia la kupudi tu sangamMi tontong sae lakona.