PA’PUDIAN 96:12 - Sura' Madatu

¹² Melo ke lo’dok to kaiyanganni tu padang sola mintu’ tu denna; attu iato mintu’ kayu lan pangala’ la unnarrak.

PA’PUDIAN 96:12 Referans Kwoze

YESAYA 35:1

Iatu padang aak sia padang talo la sende paiman sia padang pangallaran la sikumalasi-lasian sia la membunga susi danga-danga busa.

YESAYA 44:23

Kumalasi-lasikomi, e langi’, belanna PUANGmo tu mangka umpogau’i; unnarrakkomi, e to diong mangapi’na tana, rambankomi sikula’dakan, e buntu sia pangala’ sola mintu’ kayu lan, belanna mangkamo Narampanan PUANG, tu Yakub sia umpamala’bi’ Kalena lan Israel.

YESAYA 35:2

La loboran sia membunga sia sikumalasi-lasian, la sikumalasi-lasian tongan sia siarrakan. Na mintu’ kamala’biranna Libanon dikamaseammi sola kameloanna Karmel sia Saron; tau iato mai la untiro kamala’biranNa PUANG sia kamaballoanNa kapenombangki.

YESAYA 49:13

Siarrakangkomi, e langi’ sia sikumalasiangko, e lino, unnangnga’komi, e buntu, belanna PUANG umpakatanai tu mai taunNa sia ungkaturu-turui mintu’ to dipandasaNa.