PA’PUDIAN 95:3 - Sura' Madatu

³ Belanna iatu PUANG iamo Kapenomban mala’bi’, sia iamo Datu kapua, tu untongloi mintu’ deata!

PA’PUDIAN 95:3 Referans Kwoze

PA’PUDIAN 96:4

Belanna pasareongan tu PUANG sia sipatu tongan dipudi, mandu metakuran Ia na mintu’ deata.

PA’PUDIAN 145:3

Iatu PUANG pasareongan, sipatu tongan dipudi, iatu kapasareongananNa tang dilambi’ diukkunni.

PA’PUDIAN 135:5

Kuissan, kumua pasareongan tu PUANG, sia iatu Puangta untongloi mintu’ deata.

PA’PUDIAN 97:9

Belanna Kamumo, o PUANG, tu patodoranna lan mintu’ narande tana, sia Kamumo tu layukna anna mintu’ deata.

KATASSURAN 18:11

Totemo kuissanmo kumua tarompo’ tu PUANG anna iatu mintu’ deata, belanna Narampanammo te bangsa iate lan mai limanna to Mesir belanna matampo tu to Mesir lako tau iato mai.

MATIUS 5:35

ba’tu lino, belanna iamo pelleseanNa, ba’tu Yerusalem, belanna iamo kotana Datu kabarre-alloan;

PA’PUDIAN 47:2

E mintu’ bangsa, massala’pa-la’pakomi, sia unnarrak langngan Puang Matua situang la’tek kaparannuan.

MALEAKHI 1:14

Tampak ropu duka lako tu to ma’pakena, ke denni misa’ patuoan laki lan tuntunanna, tu mangka nadandi lan pangallonanna, apa napennoloan tu misa’ patuoan tu den tattanna lako PUANG! Belanna Aku te, Datu pasareongan, kadanNa PUANGna mintu’ ma’dandan maritik, sia metakuran tu sangangKu dio lu mintu’ bangsa.

MALEAKHI 1:11

Belanna dio mai tu inan nanii berre’ mata allo sae lako naninna lambun, pasareongan tu sangangKu dio lu mintu’ bangsa, sia dio mintu’ inan dinii umpennoloan dupa sia pemala’ masero tu sangangKu, belanna pasareongan sangangKu dio lu mintu’ bangsa, kadanNa PUANGna mintu’ ma’dandan maritik.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

YEREMIA 46:18

La lelukraka tuoKu, kadanNa Datu, tu diganti PUANGna mintu’ ma’dandan maritik, kumua: Susitu buntu Tabor dio lu mintu’ buntu sia buntu Karmel dio randan tasik, susimo kasaeanna to.

YESAYA 44:8

Da mitiramban sia mataku’. Tang tempon dioraka mai Kunii umpokadangkomi sia umpaissannikomi? Kamumo tu sa’bingKu: denraka tu Kapenomban senga’ saliananna Aku? Tae’ senga’na tu Buntu batu, tae’ Kutandai tu senga’na.

YEREMIA 48:15

Sanggangmo tu Moab sia iatu mai tondokna sia mintu’ to mangura pa’tonno’na solo’mo la ditunu, kadanNa Datu, tu diganti PUANGna mintu’ ma’dandan maritik.

KATASSURAN 12:12

Bongi ia dukamote angKu la ussalongi tondok Mesir sia la umpata’pai lima tu mintu’ anak pa’bunga’ lan Mesir, la to lino sia olo’-olo’; sia la Kupaolai salunna tu mintu’ deatanna to Mesir, tonganna Akumo tu PUANG.

PA’TOLE 7:21

Da muma’parondo ungkataku’i tu tau iato, belanna iatu PUANG, Kapenombammu, den musisolan, iamotu Kapenomban pasareongan sia metakuran.

NEHEMIA 8:6

Nabungka’mi Ezra tu sura’ iato natiro mintu’ bangsana, belanna bendan madao na iatu mintu’ tau iato mai. Iatonna bungka’mi tu sura’ iato, bendanmi tu mintu’ bangsana.

PA’PUDIAN 47:3

Belanna iatu PUANG Patodoranna metakuran, Iamo Datu kapua lan mintu’ narande tana.

PA’PUDIAN 104:1

Pudimi tu PUANG, e sumanga’ku! O PUANG, Kapenombangku, Kamumo tu ma’iringanna kapua; Kamumo tu umpobelo kakapuan sia kamala’biran.