PA’PUDIAN 94:7 - Sura' Madatu

⁷ Nakua: Tae’ Natiroi PUANG, sia tae’ anNa issanni Kapenombanna bati’na Yakub.

PA’PUDIAN 94:7 Referans Kwoze

ZEFANYA 1:12

La dadi attu iato, kumua la Kubia’i Kuparessa tu Yerusalem; la Kuukung tu mintu’ muane malompona tu mari’pi bang unniru’ anggoro ponno tainna, sia iatu ma’tangnga’ lan penaanna, nakua: Iatu PUANG tae’ Napogau’ melo sia tae’ Napogau’ kadake.

YESAYA 29:15

Upu’ allona tu to ullammakanni PUANG tu lalan tangnga’na sia iatu mai to naluang kamalillinan tu gau’na sia iatu to ma’kada kumua: Mindara la untiroki’ sia mindara la unnissanki’?

YEHEZKIEL 9:9

Ma’kadami lako kaleku Nakua: Iatu kakadakeanna to Israel sia to Yehuda tarru’ makambanmo, naurunganni iatu tondok iato naponnoi indan to’doan rara sia iatu kota naponnoi penggauran umbulang leko’ salunna belanna nakua tau iato mai lan penaanna: Natampemo PUANG tu tondok iate sia tae’mo Nasailei PUANG.

YEHEZKIEL 8:12

Ma’kadami lako kaleku Nakua: E ma’rupa tau, mutiromoraka tu apa napogau’ mintu’ pekaamberan to Israel lan kalillinanna pantan lan lu bilikna, nanii patta? Belanna nakua lan penaanna: Tae’ Natiroki’ PUANG. Natampemo PUANG tu tondok iate.

PA’PUDIAN 59:7

Bongi-bongi sae sule tu tau iato mai, sia mengua’-ngua’ susi asu sia sisellukan len lan kota.

YESAYA 47:10

Apa urrannuangko kakadakeammu, mukua: Tae’ misa’ tau untirona’. Kamatarrusammu sia kapaissanammu umpapusako, muurunganni ma’kada lan penaammu susite, kumua: Aku mannari, tae’ to senga’ umpadanna’.