PA’PUDIAN 94:4 - Sura' Madatu

⁴ Tau iato mai ma’be’se sia ma’kada matampo, mintu’i tu to umpogau’ kakadakean ussattuan kalena;

PA’PUDIAN 94:4 Referans Kwoze

PA’PUDIAN 31:18

O PUANG, da Mieloranna’ kasirisan, belanna meongli’na’ mati’ Kalemi; melo ke mintu’ to tang mekaaluk kasirisan, da’ito nakatiro-tiro lan lino to mate.

PA’PUDIAN 52:1

Lu lakona pangala sengo. Misa’ gelong bangunan ada’na Daud.

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

PA’PUDIAN 140:3

tu untannun sanda kadake lan ba’tangna, sia kiallo-kiallo umpabu’tu kasipakkan.

MATIUS 12:34

E bati’ ula’ rame, umba la mikua umpokadai tu melona, anna kamu kalena to kadake? Belanna kala’biammira diong penaa anna ma’kada tu puduk.

MATIUS 12:24

Apa iatonna rangii to Farisi tu iannato, nakuami: Iari Naurrambai deata masussuk te tau iate, pa’tunduannari Beelzebul, pangulunna deata.

DANIEL 8:11

Umpatarompo’ duka kalena unnea arungna ma’dandan maritik, sia naputtai tu pemala’ allo-allo lako Puang sia nasongkan tu inan maindanNa.

DANIEL 7:11

Kupenunu tu diona gamaranna tanduk tu umpokada kada matampo; marassan bangsia kupenunu, ta’kala nadipateimo tu olo’-olo’ iato sia iatu kalena disanggang sia disorong la diballa api.

DANIEL 7:8

Iatongku marassan umpenunui tu tanduk iato, ta’kala anna tuomo tu misa’ tanduk bitti’ lan alla’na, tu untumangi nadilampi’i tallu tanduk dio mai tanduk dolo; kutiro lan tanduk iato, nanii mata susi mata tolino sia puduk ussa’bu’ bang kada matampo.

YEREMIA 18:18

Attu iato ma’kadami tu tau iato mai nakua: Maikomi tadakaran tangnga’ Yeremia, belanna tae’ lenpa napa’de tu pangadaran dio lu mintu’ to minaa ba’tu pa’timbangan dio lu mintu’ to matarru’ ba’tu kada dio lu mintu’ nabi. Maikomi taotton kadai; sia da taperangii moi misa’ tu kadanna.

SARAMBU PEADA’ 30:14

Iamotu to ma’isi susi pa’dang sia to ma’buang susi piso, la unnimbakan mintu’ tobongko, anna mata’pimo lan tondok sia tappumo tu to kalala’ dio lu pa’tondokan.

PA’PUDIAN 59:12

Da Mipatei tu tau iato mai, da natang ungkilalai bangsaku; sangadinna pasalamba-salaoi tu tau iato mai tete dio kuasamMi, sia tibei lao, o Puang, balulang toto’ki.

PA’PUDIAN 59:7

Bongi-bongi sae sule tu tau iato mai, sia mengua’-ngua’ susi asu sia sisellukan len lan kota.

1 SAMUEL 2:3

Da mitarru’ ma’kada layuk, dan nasun tu kada matampo dio pudukmi. Belanna iatu PUANG mandu paissan sia mintu’ penggauran Nasudi.

AYUB 20:5

Manassa iatu arrakna to tang mekaaluk sangparaanri, sia iatu kaparannuanna to tang umbilang Puang Matua sangattu’ bangri.

PA’PUDIAN 125:5

Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!