PA’PUDIAN 94:2 - Sura' Madatu

² Ke’de’Komi, o To ma’paolai salu lako te lino, parampoi pepakkan tu mintu’ to matampo.

PA’PUDIAN 94:2 Referans Kwoze

PA’PUDIAN 7:6

elo’na naula’ sumpuna’ ualingku anna alaina’, sia nalullu’i rokko padang tu sunga’ku, sia nalamma’i rokko litak tu deatangku. Sela

2 KORINTUS 5:10

Belanna tae’ nasalai tang payan nasangki’ dio tingo isungan pangra’tasanNa Kristus, anta pantan untarimai tu pakkanna, tumba tu mangkanna tapogau’ tonta lanpa batang kaleta, la melo la kadake.

PA’PUDIAN 31:23

Tiramban tu penaangku angku ma’kada, kumua: Disualemo’ dio mai oloMi! Apa Mitananni sia talinga tu pengkamoyaku, tongku meongli’ Mati’.

KADADIAN 18:25

Toyang ia tondonna lalan dio mai Puang la umpogau’i tu susinnato, la umpasipatei to kadake tu to malambu’, butung Napasangtinti to kadake tu to malambu’; toyang ia tondonna lalan dio mai Puang to. Ma’apari Ia tu To Ma’paolai salunna te mintu’ lino anna tae’ra Nala umpasalunnai tu salunna?

1 PETRUS 5:5

Susi duka kamu, e to mangura, la tundukkomi lako mintu’ penatua sia la situndu-tunduangkomi sola nasang umpotambeke’ kaumpamadiongan penaa; belanna Nabali Puang Matua tu to matampo, apa Napa’kamasean tu pa’kamasean lako to madiongan penaanna.

MIKHA 5:9

La dadi allo iato, kadanNa PUANG, kumua la Kupisanni tu mintu’ darangmu dio mai kalemu sia la Kusanggangi tu mintu’ karetamu.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

YESAYA 37:29

Belanna kapabali-balian masarrangmu lako Kaleku sia kamatampoammu, tu rampomo tama pa’perangingKu, manassa Aku la umpalakoi kale’ke’Ku tu illongmu sia sanga’Ku tu sadangmu, angKu pasuleko lako tu lalan muola sae.

YESAYA 37:23

Mindara tu mube’se sia mupa’kada solangi, sia mindara mupekapuan gamarammu sia mupasolo’i matammu? Lako To maserona Israel!

YESAYA 10:12

Apa la dadi ke tepumi tu Puang umpogau’ pengkaranganNa dao buntu Sion sia dio Yerusalem, la rampoNa’ unnukungi tu napabu’tunna penaa madaona datu Asyur sia matampo patiro solo’na.

YESAYA 2:17

Allo iato la dipatunduk tu mintu’ kamasuangganna tolino sia la dipampa lu rokko tu mintu’ kamatampoanna pia muane, PUANG manna tu layuk misa.

PA’PUDIAN 74:22

Ke’de’Komi, o Puang Matua, amMi pasombo katonganamMi, kilalai umba nakua tu to baga ullangdoKomi kiallo-kiallo.

PA’PUDIAN 68:1

Lu lakona pangala sengo. Misa’ nanian pa’pudianna Daud.

PA’PUDIAN 50:6

Langi’ umpasomboi tu kamaloloanNa. Belanna Puang Matua tu To ma’paolai salu. Sela

2 OSSORANNA DATU 20:12

O Kapenombangki, tae’raka Mila unnukungi tu tau iato mai? Belanna iake kami tang pa’belakanni la umpatananni tu surodadu pada budannato, tu sae ullaoikan, sia tae’ kitandai tu apa sipatu la kipogau’, apa lako Kalemi kinii mentingara.

PA’PUDIAN 82:8

Ke’de’Komi, o Puang Matua, paolaimi salunna te lino, belanna poissanMi tu mintu’ bangsa.