PA’PUDIAN 93:1 - Sura' Madatu

¹ PUANG untoe kapayungan; Ia umpobayu sielle’ kabarrealloan; Iamo bayu sielle’Na Puang to, sia umpotambeke’ kapaan. Iate lino bantangmo, tae’ anna la tiberu susuk.

PA’PUDIAN 93:1 Referans Kwoze

PA’PUDIAN 96:10

Pokadai dio lu mintu’ bangsa, kumua: PUANG untoe kapayungan, iamoto anna bantang tu lino, naurunganni tang tibendon; Puang tang pakayun bimbang la umpaolai salu tu mintu’ bangsa.

PA’PUDIAN 99:1

PUANG tu untoe kapayungan – la ma’parondo mintu’ bangsa. Ia unnisungi karubion la rumonting te lino.

1 OSSORANNA DATU 29:12

Belanna iatu kasugiran sia iatu kamala’biran bu’tu dio mai Kalemi, sia Kamumo umparentai tu mintu’na sia lan limamMi tu kamatotoran sia kamawatangan, sia Kamuri unnampui kuasa la umpatarompo’ sia umpamatoto’ mintu’ tau.

KADA OMBO’ LAKO RASULU’ YOHANES 19:6

Den kurangi susi gamara to buda sia susi ongngo’ uai buda, sia guntu’ menanan ma’kada nakua: Haleluya! Belanna ma’parentamo tu Puang Kapenombanta, Puang Umpoissan angge maritik.

PA’PUDIAN 103:19

Napatunannangmo PUANG tu isungan kapayunganNa lan suruga, sia iatu kadatuanNa umparenta mintu’ angge maritik.

PA’PUDIAN 65:6

Tete dio penggauran kalle-kallean la Minii umpebaliikan tu diona kamaloloan, o Puang Matua, oto’na kasalamarangki, sissareanna mintu’ randan langi’ sia mintu’ lelean uran.

YESAYA 45:18

Belanna nakua kadanNa PUANG, tu mangka umpadadi mintu’ langi’ iamotu Puang Matua – tu ungkombong lino sia umpadadii, Naparandanganni; tangia kumua la Napatangtibori’i, sangadinna Nakombong la ditorroi: Akumo PUANG, tae’ senga’na.

YESAYA 45:12

Akumo tu umpadadi lino sia ungkombong tolino tu untongkonni dao; limangKumo umpalumbang mintu’ langi’ sia Aku dukamo umparentai tu mintu’ ma’dandan maritik dao.

PA’PUDIAN 97:1

PUANG tu untoe kapayungan: la mela’tek tu lino, sipatu tu lebukan ma’lako-lakoan la sende paiman.

PA’PUDIAN 59:13

Iatu motokan lilana, iamo kasalan sun dio pudukna, iamoto melo ke ditingkanni natumang matampona, sia belanna tampak ropunna sia mo’rang nasa’bu’.

IBRANI 1:8

Apa diona tu Anak nakua kadanNa: IsungamMi, o Kapenomban, tontong sae lakona; sia tekken kamalamburan iamo tekken kapayunganNa.

YESAYA 59:17

Umpotamangkale kamaloloan butung bayu rante sia umposongko’ songko’ bassi kasalamaran; umpotamangkale pepakkan butung bayu sia umpolullung kamakaritutuan butung bayu lamba’.

YESAYA 49:8

Nakua kadanNa PUANG: Kutanannimoko talinga lan attu kamasorokan sia Kutunduiko lan attu kamanamanan: la Kurinding pala’ko sia la Kupadadiko basse lako bangsa iato mai, la umpasulei tama dandanna tu padang iato sia napourungi umpoapa polei sule tu padang mana’ talona tau iato mai,

YESAYA 11:5

La umpopa’bakkan kamaloloan sia la umpotambeke’ kamarurusan.

PA’PUDIAN 145:13

Iatu kadatuamMi misa’ kadatuan matontongan sae lakona, sia iatu kapayungamMi tontong sipapa’.

PA’PUDIAN 18:32

Belanna mindara senga’na tu Kapenomban, ke tang PUANG, sia mindara senga’na tu buntu batu, ke tang Kapenombanta?

AYUB 40:10

Tiroi tu darang Nil, tu mangka Kupadadi susi iko. Ungkande riu susito sapi.

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

YESAYA 63:1

Mindaraka tu sae dio mai Edom, tu lu dio mai Bozra ma’pakean rarrang, tu ma’pakean ballo, lumingka maamba-amba to lalong sia mawatang? Akumorato, tu umpokada kamaloloan sia matoto’ parampanan.

YESAYA 52:7

Tang pada melona dao lu buntu tu lentekna to umpatale’ kareba diona kasendean tu umpa’peissanan kamarampasan, tu umbaa kareba melo, tu umpakalelean kasalamaran, tu ma’kada lako Sion, nakua: Iatu Kapenombammu iamo Datu.

YESAYA 51:9

MatangkinKomi, matangkinKomi, pakei tu kamawatangammi e takia’Na PUANG! MatangkinKomi susito pirambongi’, tonna linona to dolo-dolo. Tae’raka na Kamu tu umba’ta Rahab sia urrok naga tasik?

PA’PUDIAN 75:3

Iake Kulambi’mi tu allu’na, tae’ nasalai tang Kupaolai maloloi salunna:

YESAYA 51:16

Kupadiomo pudukmu tu kadangKu sia Kuongannimoko pala’ limangKu, Akumo tu umpalumbang langi’ sia umparandanganni lino sia ma’kada lako Sion, kumua: Kamumo tu taungKu.

1 OSSORANNA DATU 16:30

La ma’parondokomi dio oloNa, e mintu’ issinna lino: Bantang bang tu lino, naurunganni tang tibendon.

1 OSSORANNA DATU 16:31

Melo ke sende paimanni, anna mela’tek tu lino, Sia la napokada tau dio lu mintu’ bangsa, kumua: PUANG untoe kapayungan.

PA’PUDIAN 65:7

Tu diona kamatotoramMi amMi pabantang buntu, belanna umpotambeke’Komi kakuasan.