PA’PUDIAN 92:6 - Sura' Madatu

⁶ Tangpada kapuanna tu penggauramMi, o PUANG; sia mintu’ tangnga’Mi tang dilambi’ diukkunni.

PA’PUDIAN 92:6 Referans Kwoze

PA’PUDIAN 73:22

Attu iato bagana’ sia tang paissan, butungna’ olo’-olo’ tae’ inaanna dio oloMi.

PA’PUDIAN 94:8

Palan ara’i, e to baga pu’pu’ lan bangsa iate, e to tang keinaa, piranra mimane la kinaa?

SARAMBU PEADA’ 1:22

Sangapapira, e to tang paissan, la minii ungkamali’i tu katangpaissanan, sia to pa’tellean umporai ma’telle, sia tobaga ungkabiri’ kapaissanan?

PA’PUDIAN 49:10

Kumua anna marendeng tuo, sia da nasitiro tang merambu.

1 KORINTUS 2:14

Apa iatu to umbudanan mentolinona tae’ natarimai tu apa lu dio mai PenaanNa Puang Matua, belanna iatu apa iato nasanga pa’popetaa lako kalena, sia tae’ nabelai untandai, belanna apa iato la ditimbang dio a’gan mempenaa.

YEREMIA 10:14

Attu iato iatu mintu’ tolino baga sia tang paissan; iatu mintu’ pande bulaan natoding siri’ diona rapang-rapang dipodeata, belanna iatu mintu’ pa’pati’no’na tae’ natongan, sia tae’ penaa lan.

SARAMBU PEADA’ 24:7

Iatu to baga tae’ nalambi’i tu kakinaan; tae’na tiku’bi’ tu pudukna lan to’ babangan.

LUKAS 12:20

Apa Nakua Puang Matua lako: E to baga, ia bangsiamote bongi iate nadituntun tu penaammu dio mai kalemu, namindamo la umpoapai tu mintu’na apa-apa mangka mupasakka’ to?

YESAYA 1:3

Iatu sapi natandai iatu puangna sia iatu keledai natandai iatu palunganna puangna, apa iatu Israel tae’ paissanna, sia iatu taungKu tae’ inaanna.

SARAMBU PEADA’ 30:2

Belanna mandu bagana’ na iatu mintu’ tau sia tang unnampuina’ tangnga’ melo susi tolino.

PA’PUDIAN 32:9

Da mususi darang ba’tu bagala’ tu tae’ paissanna, tu disanga’ sia diulangi la direnden, iake tae’i nasusito, manassa tae’ namorai urreke’ko.

PA’PUDIAN 14:1

Lu lakona pangala sengo, Pa’pudian Daud. Nakua tu to baga lan penaanna: Tae’ ia tu Kapenomban. Lendu’ ia mesolanginna sia megi’giranna tu penggauranna tau iato mai; sia tae’i misa’ umpogau’ melo.

PA’PUDIAN 75:4

Moi anna tigega’ tu lino sola issinna, apa Akumo tu umpabantangi tu mai parandanganna! Sela

PA’PUDIAN 104:24

Tumba ia budanna tu mintu’ penggauramMi, o PUANG! Kamumo tu mangka ungkombong nasangi to tete dio kamatarrusamMi; anna ponnoi pa’padadimMi tu lino.

PA’PUDIAN 139:14

KupudiKomi, belanna memangngan tongan tu kakombongangku; sia memangngan tu mintu’ penggauramMi. Nakanassai tongan penaangku tu diona to.

YESAYA 28:29

Susimoto tu apa bu’tu dio mai PUANGna mintu’ ma’dandan maritik; memangngan tu lalan penaanNa sia mandalan tongan tu lalan tangnga’Na.

YESAYA 55:9

Belanna susi sikalangka’na langi’ anna lino, susi dukamoto tu sikalangka’na lalanKu anna lalanmi sia iatu tanga’Ku anna tanga’mi.

YEREMIA 32:19

Tarompo’ tu pa’pana’ta’Mi sia kalle-kallean tu penggauramMi, sia natiro matamMi tu lalanna mintu’ ma’rupa tau la umpapakkanni simisa’-misa’i sitinaya kedona sia sitinaya bunga rangka’na.