PA’PUDIAN 92:13 - Sura' Madatu

¹³ Iatu to malambu’ la lobo’ ten to koroma, sia la longke butung kayu arasi’ dio Libanon:

PA’PUDIAN 92:13 Referans Kwoze

2 PETRUS 3:18

sangadinna sakendek-kendekmi lan pa’kamasean sia kauntandaian diona Puangta sia To pakarimmananta, Yesu Kristus. Lu lako Kalena tu kamala’biran, la totemo te, la attu tontong sae lakona. Amin.

YESAYA 61:3

La umpapatui mintu’ to Sion tu nalambi’ rosso inaa, anna diben passapu maramba’ la dipasondana au sia minna’ kasendean la dipasondana ma’pote dibolong, pakean pa’tendeng la dipasondana penaa si’pi’. Anna disangai tu tau iato mai: tarpin kamaloloan, tanananNa PUANG, dikua anna pakala’bi’I.

EFESUS 3:17

anNa torroi Kristus tu penaammi tete dio kapatonganan sia ammi mennuaka’ sia keparandangan lan pa’kaboro’,

ROMA 6:5

Belanna iake misa’ garonto’moki’ sola lan rapang-rapang kamateanNa, la susi dukaki’ lan rapang-rapang kamalimbangunanNa.

PA’PUDIAN 100:4

Unnola tamakomi babanganNa situang pa’kurre sumanga’, sia tamakomi tarampakNa sitonda pa’pudi-pudian, la mipudi sia la mipakala’bi’ tu sanganNa!

YESAYA 60:21

Iatu taummu la malambu’ sola nasang sia la umpomana’i te padang iate sae lakona; iamotu misa’ taruk tu Kutanan kalena, misa’ pengkarang limangKu, dikua anna pakala’bi’Na’.

PA’PUDIAN 116:19

Lan tarampak banuanNa PUANG, illan tangnga pangrante manikmu, e Yerusalem. Haleluya!

PA’PUDIAN 135:2

tu kamu to tongkon lan banuanNa PUANG, lan tarampak banuanNa Kapenombanta.

2 OSSORANNA DATU 4:9

Nagaragaipi tu tarampak to minaa, tu tarampak kalua’ sia ba’ba lu tama tarampak; sia iatu ba’ba rapi’ iato nasapu’ tambaga.

ROMA 11:17

Apa iake le’toi ba’tu pirang-pirang tangke, anna iko tu saitun pangala’, dipopengkale’pe’ tama, ammu pada unnalai lompona tu uaka’ to’ saitun,

ESTER 9:4

Belanna iatu Mordekhai tarompo’mo lan tongkonan layukna datu sia kaleleammo lan lu mintu’ propinsi, ondongpi iatu Mordekhai, pia muane iato, samasai-sainna sakendek-kendekna kapaanna.

PA’TENDENG BALLO 4:11

Pudukmu umpato’do uai tani’ enoan, e dodo’ sangkalamma’ku, iatu tani’ enoan sia pangandu’ diongna lu lilamu; sia iatu busarungngu’na pakeammu susi busarungngu’na Libanon.

PA’TENDENG BALLO 5:15

Iatu lette’na susito lentong marmar toppo’ dao parandangan bulaan tasak; iatu pati’na susito Libanon, mala’bi’ sangtinti garonto’ arasi’.

HOSEA 14:5

La Kuparapa’ tu kamembokoranna tau iato mai, la kalebu tallang tu penaangKu ungkamasei, belanna iatu kasengkeangKu toyangmo dio mai kalena.