PA’PUDIAN 91:4 - Sura' Madatu

⁴ Iamo la unnonganniko pani’Na, sia diong kalepakNa munii mentilindung; kamarurusanNa tu mupobalulang sia mupokararran.

PA’PUDIAN 91:4 Referans Kwoze

PA’PUDIAN 61:4

Belanna Kamumo tu pentionganangku, menara matoto’ untulak uali.

PA’PUDIAN 57:1

Lu lakona pangala sengo. Unturu’ baenan sengo: Dandi’ bala’-bala’i. Pa’pudianna Daud; misa’ ianan ballo, tonna mallai dio mai olona Saul, anna male tama lo’ko’.

PA’PUDIAN 17:8

Karimmannina’ butung to mata tau; sia rerungna’ diong to’ pani’Mi.

PA’TOLE 32:11

Susito langkan maega, tu umpopettia’ anakna, sia mettia’-tia’ daona lu anakna, sia umballa’ pani’na, anna angka’i tu misa’, sia nabaa dao to’ pani’na,

PA’PUDIAN 35:2

ToeKomi balulang sia pakolong, ke’de’Komi untunduina’.

KADADIAN 15:1

Ta’kala tonna mangka tu mintu’nato, saemi kadanNa PUANG lako Abram lan patiro mendeata Nakua: Da mumataku’, e Abram, belanna Akumo tu balulang toto’mu sia rongko’ kapuamu.

MATIUS 23:37

E Yerusalem, Yerusalem, tu umpatei tu mai nabi sia untumbui batu mintu’ to disua lako kalemu. Ba’tu pempiranMo’ la morai urrampun anakmu, susi indo’ manuk urrampun anakna lan to’ pani’na, apa manokakomi.

RUT 2:12

Na PUANGmora umpapakkanni lako kalemu tu penggaurammu, sia nasundunmora tu rongko’mu dio mai PUANG, Kapenombanna to Israel, tu diong pani’Na munii sae mentiongan.

TITUS 1:2

tete dio kapa’rannuanan lako katuoan sae lakona, tu mangka Naallu’ dolomo Puang Matua tang balle na iatu tipamulanna attu,

MARKUS 13:31

Iatu langi’ sola lino la pa’de, apa iatu kadangKu tae’ nala pa’de.

PA’PUDIAN 138:2

La menombana’ umpentingayoi banua kabusungamMi, sia la umpudina’ sangamMi tu belanna kamasokanamMi sia kamarurusamMi, belanna Mipakasallemo tu pangallu’Mi tete dio sanga mala’biMi.