PA’PUDIAN 91:2 - Sura' Madatu

² Ma’kadana’ lako PUANG kukua: Kamumo tu pentilindungangku sia tambakukungku, iamo Kapenombangku tu kuposande’.

PA’PUDIAN 91:2 Referans Kwoze

PA’PUDIAN 18:2

Nakua: Ponno tongan penaangku, ungkamali’Komi, o PUANG, oto’na kamatotorangku,

SARAMBU PEADA’ 18:10

Iatu sanganNa PUANG sangtinti to menara matoto’; iatu to malambu’ mallai lako natang matumba-tumba dio.

YESAYA 12:2

Inang Puang Matua tu oto’na kamakarimmanangku, marannuna’, sia tae’ kumataku’, belanna PUANG PUANG tu oto’na kamatotorangku sia pa’pudiangku sia Iamo kupomakarimman.

PA’PUDIAN 142:5

Iake mentirona’ lako kananku sia umpata’pa matangku – moi misa’ tau tae’ ussailena’; iake tae’mo pentionganangku – moi misa’ tau tae’ ungkambaroanna’.

PA’PUDIAN 46:1

Lu lakona pangala sengo. Misa’ pa’pudianna to Korah. Unturu’ baenan sengo: Anak dara. Misa’ sengo.

PA’PUDIAN 71:3

Sangapaoi anna Kamu kupobuntu batu pentirerungan, angku tang ka’tu male lako; tu mangkamo Midullu la kupoinan makarimman, belanna Kamumo buntu batungku sia tambakukungku,

PA’PUDIAN 14:6

Moi midampa tu tanan penaanna to dipandasa, apa PUANG tu pentirerunganna.

PA’PUDIAN 91:9

Belanna kamuri, o PUANG, perinding pala’ku, mutonno’mo tu patodoranna mupopentilindungan.

IBRANI 11:16

Apa iatu manassana tau iato mai ungkaduangi misa’ tondok mandu melo, iamotu dao suruga; iamoto anna tae’ Nakasirisanni Puang Matua nasa’bu’ Puangna, belanna Naparandanammo misa’ tondok.

PA’PUDIAN 48:14

Tiro meloi tu benteng salianna sia manta-mantai tu mai tongkonanna, ammi issanni unnuleleananni bati’mi,

KADADIAN 17:7

La Kutanan tu basseKu lan tangngata sia lako bati’ siosso’mu undinna, iamotu misa’ basse matontongan, kumua Aku tu mupoKapenomban sia napoKapenomban mintu’ bati’mu undinna.

LUKAS 20:38

Iatu Puang Matua inang tae’ Napuangna to mate, sangadinna Puangna to tuo, belanna la lu lako nasang tu katuoanna mintu’ tau.

YEREMIA 31:1

Attu iato, kadanNa PUANG; la dadiNa’ Kapenombanna mintu’ pa’rapuanna Israel, anna tau iato mai la dadi taungKu.

PA’PUDIAN 43:4

Angku rampo lako to’ kapemalaranNa Puang Matua, lako Puang Matua, tu oto’na kaparannuan sia kasendeangku, angku ma’katapi umpudiKomi, o Puang Matua, o Kapenombangku!

PA’PUDIAN 18:3

O PUANG, buntu batungku sia tambakukungku sia To urrampananna’, Iamo kapenombangku sia buntu batungku, tu kunii mentirerung, Iamo kupobalulang, sia tanduk kasalamarangku, sia pentionganan layukku.

PA’PUDIAN 25:2

O Kapenombangku, Kamumo kukatappa’i; ke ma’dinni da angku kasirisan, sia da nasende paiman tu ualingku diona kataloangku.

PA’PUDIAN 31:15

Apa mati’ Kalemi kunii sande’, o PUANG! kukua: Kamumo tu Kapenombangku.

PA’PUDIAN 46:2

Iatu Puang Matua iamo pentilindungangki, sia oto’na kamatotorangki, misa’ pa’tunduan tongan lan kapussakan.

PA’PUDIAN 61:5

La mari’pina’ lan tendaMi sae lakona, sia la mentilindungna’ diong to’ ongan pani’Mi. Sela

PA’PUDIAN 142:6

O PUANG, meongli’ mati’na’ Kalemi; kukua: Kamumo tu pentionganangku, sia kamumo tu kataanangku illan tondok to tuo.