PA’PUDIAN 90:8 - Sura' Madatu

⁸ Midandan nasangmo dio oloMi tu mintu’ kakadakeangki, sia iatu kasalan membuningki naluangmo arrang oloMi.

PA’PUDIAN 90:8 Referans Kwoze

YEREMIA 16:17

Belanna matangKu umpenunui tu mintu’ tengkana tau iato mai, sia tae’ nakabunian dio oloKu sia iatu kakadakeanna tae’ nakarerungan dio pentiroKu.

TOMANGADA’ 12:14

Belanna iatu simisa’-misa’ penggauranna tau la Napopennolo Puang Matua tama pa’paolaian salu diona tu mintu’ apa membuni, la melona, la kadakena.

YEREMIA 23:24

Ma’dinraka misa’ tau umbuni kalena lan pembunian, anna tae’ Kutiroi? kadanNa PUANG. Tang umponnoiRa’ka langi’ sola lino? kadanNa PUANG.

PA’PUDIAN 19:12

Sia iamo la umbangunni ada’ taumMi, na diona kanaturusanna kapua tongan poleanna.

KADA OMBO’ LAKO RASULU’ YOHANES 20:12

Kutiromi tu mintu’ to mate, la kapua, la bitti’ bendan dio olo isungan kapayungan iato, sia ba’tu pira-pira sura’ dibungka’, sia dibungka’ pole misa’ sura’ senga’, iamo sura’ katuoan; na mintu’ tu to mate iato, dipaolai salunna unturu’ tu disura’ lan mintu’ sura’ iato sitinaya mintu’ penggauranna.

1 YOHANES 3:20

belanna moi napasalaki’ penaanta, apa mambela kapuanNa tu Puang Matua na penaannta, sia unnissan mintu’na apa.

PA’PUDIAN 10:11

Ma’kadami lan penaanna nakua: Tang Nakilalaimo Puang Matua, Nabuni tu lindoNa, tarru’ tae’mo Natiroi.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

ROMA 2:16

to ke allo Nanii Puang Matua umpaolai salunna tu mintu’ tangnga’ tang dikita dio tolino, tete dio Kristus Yesu, situru’ tu Kareba-kaparannuan kupa’peissanan.

YEHEZKIEL 8:12

Ma’kadami lako kaleku Nakua: E ma’rupa tau, mutiromoraka tu apa napogau’ mintu’ pekaamberan to Israel lan kalillinanna pantan lan lu bilikna, nanii patta? Belanna nakua lan penaanna: Tae’ Natiroki’ PUANG. Natampemo PUANG tu tondok iate.

SARAMBU PEADA’ 5:21

Belanna iatu lalanna simisa’-misa’ tau payan dio pentiroNa PUANG, Napenunu tu mintu’ tengkana.

PA’PUDIAN 80:16

Tu pa’tado’ natanan lima kananMi, iamotu muane, Mipeloboran Kalemi.

PA’PUDIAN 50:21

Susimoto tu penggaurammu, apa ma’loko-lokoNa’; musanga kumua iatu Aku te susiNa’ iko! Apa la Kuada’ko, sia la Kupatama tangnga’mu tu mintu’nato.

AYUB 34:21

Belanna iatu matanNa umpenunu lalanna tolino, sia Natiro tu mintu’ tengkana.

SURA’ KATOMINAAN 4:23

manassa, iake nakanassai tu kasalan napogau’, la umpemalaran misa’ bembe’ laki, iamotu misa’ bembe’ laki, tu tae’ tattanna.

SURA’ KATOMINAAN 4:28

manassa, iake nakanassai tu kasalan napogau’ la napemalaran tu misa’ bembe’, iamotu misa’ bembe’ birang tae’ tattanna, belanna kasalan napogau’.

AYUB 10:14

kumua iake kasalammo’, manassa Mipemarangana’ sia tae’ Mibilang maserona’ dio mai kakelokangku.

PA’PUDIAN 109:15

Sangapaoi anna tontong dio pentiroNa PUANG tu mintu’nato, anna dipa’dei lan mai lino tu kadikilalaianna tau iato mai.

YEREMIA 2:22

Moi mubasei soda tu kalemu sia moi mupemasabunni tongan, manassa la kanaan duka tu kakadakeammu butung ruttak dio pentiroKu, kadanNa Puangta PUANG.