PA’PUDIAN 90:3 - Sura' Madatu

³ Kamumo umpasule tolino lako litak, Mikua ma’kada: Sulekomi, e mintu’ ma’rupa tau.

PA’PUDIAN 90:3 Referans Kwoze

KADADIAN 3:19

La to’dopi tu ma’pu’mu, mumane ungkande kandemu, sae lako sulemu pole lako litak, belanna dio mai dinii unnalako. Apa litakko, dadi la sule lako dukako litak!

TOMANGADA’ 12:7

sia iatu litak sule rokko padang, susi a’gan dolona, sia iatu penaa sule lako Puang Matua, tu mangka ungkamaseanni.

PA’PUDIAN 146:4

Ia anna sisarakmo angin dipudukna, sulemi lako tampa ito’na, iamotu litak, sia iato kulla’ dirande lu langngan, ta’pa pa’demi tu mintu’ lalan pa’inaanna.

PA’PUDIAN 104:29

IamMi buni lindoMi, tirambanmi, sia iamMi alami tu penaanna, matemi, anna sule lako litak.

AYUB 12:10

Iatu deatanna mintu’ apa tuo, lan limanNa sia penaanna mintu’ ma’ rupa tau.

KADIBILANGAN 14:35

Akumo, tu PUANG, mangka ma’kada. Manassa la Kupogau’ susite lako mintu’ kasirampunan kadake iate, tu massituru’ umbaliNa’. Lan te padang pangallaran la nanii sabu’ sia la nanii mate.