PA’PUDIAN 90:10 - Sura' Madatu

¹⁰ Iatu mintu’ allo katuoangki, pitungpulo taunna, iake marendengkanni karua pulona taunna; apa iatu diposattuanna to, kamasussan manna sia karossoan, bellanna madoi’ bang lendu’, angki pa’de poton.

PA’PUDIAN 90:10 Referans Kwoze

YAKOBUS 4:14

apa tae’ miissanni tu apa la dadi masiangna to. Umbara nakua tu katuoammi? Belanna susi bangrokomi to rambu, sattu’ri ditiro, anna pa’demo.

PA’PUDIAN 78:39

Belanna nakilalai tu diona tau iato mai kumua a’gan batang kale, tu butung rambu pa’de poton, sia tae’mo nabu’tu sule.

2 SAMUEL 19:35

Totemo karuamo’ pulona taunna, umbapa la kukua umpasisengaranni tu kadake anna melo? Umbapa la kukua umpemammi’i marasanna tu apa la kukande sia kuiru’? Umbapa la kukua urrangi tu gamaranna to menani muane sia baine? Apaopa gai’na la kupamagasa tu puangku, datu?

KADADIAN 47:9

Mebalimi tu Yakub lako Firaun: Iatu taun kamempueangku saratu’ tallungpulomo taunna. Sidi’mora naponno nasang kamasussan tu katuoangku, tae’ napada katuoanna to doloku tonna mempue.

PA’TOLE 34:7

Iatu Musa saratu’ duangpulomo taunna, tonna mate. Iatu matanna tae’pa namaraun sia iatu kamatotoranna tae’pa namoro’.

1 DATU 1:1

Iatu datu Daud matuamo sia matessekmo sia moi nasambu’i parramba’ tau, apa inang tae’mo namalassu.

AYUB 24:24

Sangattu’ri umpamadao kalena anna pa’demo, mempi’di sia madodong susitu mintu’na apa dadi, la dika’ta’ susito sangbuli gandung.

AYUB 14:10

Apa iake misa’ muane mate, manassa sumpandan sia tang pandiu-diumo; sia iake ka’tumi sunga’na tu tolino, umbara nanii torro?

YESAYA 38:12

Iatu pa’bongiangku dirondonmo sia dilendokammo dio mai kaleku susito tenda to mangkambi’; ullulunmo’ katuoangku butung to ma’tannun: Nara’ta’mo’ Puang dio mai tandaan. Misa’bianganmo’ allo bongi.

LUKAS 12:20

Apa Nakua Puang Matua lako: E to baga, ia bangsiamote bongi iate nadituntun tu penaammu dio mai kalemu, namindamo la umpoapai tu mintu’na apa-apa mangka mupasakka’ to?

AYUB 20:8

Pa’de susito pangimpi sia tang diappa’mo, disapui susito patiro mendeata ke bongi.

KADADIAN 6:3

Ma’kadami tu PUANG: Iatu PenaangKu tae’ na la tontong bang lan kale tolino, belanna patengkan sia inang pa’kalean siamo; la saratu’ duangpulomora taunna tempona tu tolino!

SURA’ KATOMINAAN 27:7

Iake to annanmo pulona taunna ba’tu la’bi, ianna misa’ muane la muangga’ sangpulo lima sikele’ sia ianna misa’ baine sangpulo sikele’.

YOSUA 14:11

Allo iate iatu kamatotorangku susi bangsiapa tonna suana’ Musa; susi kamatotorangku tonna allo iato, susi bangsiapa te allo iate; matoto’pa’ la parari sia lu tama lu lan mai.

2 SAMUEL 19:36

La lao mannara’ unnanta’ puangku sanglengko dilalan sambali’ Yordan sia ma’apai anna la umpakkan susiri puangku lako kaleku to?

AYUB 5:7

Apa iatu tolino dadi la unnappa’ kamasussan, susi lelatu sipettia’-tiaran kendek langngan.