PA’PUDIAN 9:8 - Sura' Madatu

⁸ Apa iatu PUANG unnisungi isunganNa tontong sae lakona, sia napatorro melomo tu isunganNa la Nanii ma’paolai salu.

PA’PUDIAN 9:8 Referans Kwoze

PA’PUDIAN 96:13

Dio oloNa PUANG, belanna la sae, manassa la sae la umpaolai salunna lipu daenan; la Napaolai malambu’ salu te lino, sia mintu’ bangsa sitinaya kamarurusanNa.

PA’PUDIAN 98:9

Dio oloNa PUANG, belanna la sae umpaolai salu tu lino; anNa tang pakayun bimbang umpaolai salunna te lipu daenan, sia iatu mintu’ bangsa sitinayanna.

ROMA 2:16

to ke allo Nanii Puang Matua umpaolai salunna tu mintu’ tangnga’ tang dikita dio tolino, tete dio Kristus Yesu, situru’ tu Kareba-kaparannuan kupa’peissanan.

PENGGAURANNA RASULU’ 17:31

Belanna Napamanassamo tu allo sangallo tu la Nanii umpaolai salunna tu mintu’ issinna lino situru’ kamalamburan tete dio Misa’ To mangka Napamanassa anNa pakatuai lako mintu’ tolino, tu diona kaNapamalimbangunanNa dio mai to’ to mate.

KADADIAN 18:25

Toyang ia tondonna lalan dio mai Puang la umpogau’i tu susinnato, la umpasipatei to kadake tu to malambu’, butung Napasangtinti to kadake tu to malambu’; toyang ia tondonna lalan dio mai Puang to. Ma’apari Ia tu To Ma’paolai salunna te mintu’ lino anna tae’ra Nala umpasalunnai tu salunna?

PA’PUDIAN 99:4

Belanna iatu kamatotoranNa Datu ungkabarii katonganan. Mangkamo Mipantok tu atoran malolo, sia mangkamo Mipogau’ tu katonganan sia kamaloloan dio lu bati’na Yakub.

PA’PUDIAN 94:15

Belanna iatu pa’paolai salu la sule lako kamalamburan, sia mintu’ to bulo lollong la umpengkaolai.

PA’PUDIAN 50:6

Langi’ umpasomboi tu kamaloloanNa. Belanna Puang Matua tu To ma’paolai salu. Sela

KATASSURAN 15:18

Iatu PUANG ma’parenta tontong sae lakona.

PA’PUDIAN 10:16

PUANGmo tu Datu tontong sae lakona. Mintu’ bangsa maipi’mo lan mai padangNa.

PA’PUDIAN 29:10

Iatu PUANG unnisungmo dao lu uai buda, ondongpi iatu PUANG unnisung butung datu sae lakona.

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.