PA’PUDIAN 9:5 - Sura' Madatu

⁵ Belanna Miposara’mo tu kara-karaku sia panuntunku, unnisungmoKomi dao isungan butung to ma’paolai salu tang pakayun bimbang.

PA’PUDIAN 9:5 Referans Kwoze

SARAMBU PEADA’ 10:7

Dinanna batu silambi’ tu to malambu’ la napomaupa’ tau, apa iatu sanganna to tang mekaaluk la bubosi.

KADA OMBO’ LAKO RASULU’ YOHANES 19:15

Sia lan mai pudukNa sun misa’ pa’dang mataran la Naba’tan mintu’ to kapere’. Ia duka la umparentai tekken bassi sia iamo ullullu’ bua anggoro’ lan panglulluran, iamo kamaparranganna kasengkeanNa Puang Matua Umpoissan angge maritik.

MALEAKHI 4:3

La milullu’ tu mintu’ to kelok, belanna la membarra’-barra’ diong pala’ lette’mi lan to allo la Kupasakka’, kadanNa PUANGna mintu’ ma’dandan maritik.

PA’TOLE 9:14

Da’ito angKu sabu’i sia Kupa’dei tu sanganna diong nasambo langi’; angKu padadiko misa’ bangsa mandu makuasa sia tarompo’ na bangsa iate.

SARAMBU PEADA’ 13:9

Iatu arrangna to malambu’ la marorrong melo, apa iatu palitanna to tang mekaaluk la dipa’dei.

PA’PUDIAN 149:7

La membala’ lako mintu’ bangsa, sia umpandasa mintu’ to sangpetayanan.

PA’PUDIAN 79:10

Apara bannangna anna la ma’kadara tu to kapere’ kumua: Umbamira tu Kapenombanna? Melo ke naissanni to kapere’ dio tingayoki, tu diona kaMipembalianganna tu mai rarana taumMi tu mangka dipato’do.

PA’PUDIAN 78:55

Naula’i lao tu mintu’ bangsa dio mai to’ olona tau iato mai, sia nataa-taa tu padangna Nasuka’ tinting la napomana’ tau iato mai, anNa panno’ko’i tu mintu’ sukunna to Israel lan tendana tau iato mai.

2 SAMUEL 17:23

Iatonna tiromi Ahitofel, kumua tae’ nadituru’ tu pa’timbangna, nalapikkimi tu keledainna, anna male lako banuanna dio tondokna; iatonna mangkamo umpasanni tu mintu’ to lan banuanna nataa-taanni tu apanna, untoke’mi kalena; susimo kamateanna to, anna dilamun diong panglamunanna ambe’na.

PA’PUDIAN 5:6

Iatu to matampo tae’ nabelai bendan dio oloMi sia Mikabiri’ tu mintu’ to umpogau’ kakelokan.

PA’PUDIAN 2:1

Apara bannangna namarukka’ tu mai bangsa, sia ma’apari anna tangnga’ra apa tang kebattuan tu mintu’ to sangpetayanan?

1 SAMUEL 31:4

Ma’kadami Saul lako bentarana, nakua: Nonokki tu pa’dangmu, mutobokna’, ke da duka na iate to tang disunna’ sae untobokna’ sia unna’ga-a’gana’. Manokami tu bentarana, belanna lendu’ mataku’na la umpogau’i to, iamoto naala kalenai Saul tu pa’dang, anna songkanni tu kalena rokko.

1 SAMUEL 25:32

Nakuami Daud lako Abigail: Mintu’na kadipudian lu langngan nasang PUANG, Kapenombanna to Israel, belanna Nasuako sae umpessitammuina’ allo iate!

1 SAMUEL 25:39

Iatonna rangimi Daud, kumua matemo tu Nabal, ma’kadami nakua: Mintu’na kapudian lu langngan PUANG tu untuntunanna’ kara-karaku sia umpakkanni lako Nabal tu kanalo’boangku sia Nadampamo tu taunNa la umpogau’ kadake sia iatu kakadakean Napasule PUANG langngan ulunna Nabal. Mangkato nasuami Daud tu tau male sipa’kada Abigail umpokadanni, kumua la napobaine.

PA’PUDIAN 7:12

Puang Matua tu To ma’paolai salu tang pakayun bimbang; sia Kapenomban sengke rundun allo.

YEREMIA 49:38

Sia Kupaunnisung tu isungan KapayungangKu dio Elam sia Kuroto’i inde to dio tu datu sia mintu’ arung, kadanNa PUANG.

BATING 3:58

Kamu, o Puang umpebalii tu kara-karaku, Mirampanan mana’pa tu sunga’ku.