PA’PUDIAN 9:16 - Sura' Madatu

¹⁶ Mintu’ bangsa mellambunmo rokko patuang lambe’ pambo’bokna, sia iatu lentekna nala’ka’i poya natanan buni.

PA’PUDIAN 9:16 Referans Kwoze

KATASSURAN 7:5

Anna issanni to Mesir kumua Akumo tu PUANG, ke unnangka’mo’ limangKu lan tondok Mesir sia ussolanni tassu’ tu to Israel lan mai tau iato mai.

YESAYA 8:15

Budai tu tau iato mai la tisumbang sia tobang sia la mapipping sia la naluang bunde sia naala ba’tikan.

SARAMBU PEADA’ 12:13

Iatu puduk ma’kada sala nanii pepoya kadake, apa iatu to malambu’ tilendok lan mai kapussakan.

TO PARENGNGE’ 1:7

Ma’kadami Adoni-Bezek, nakua: Pitungpulo tu datu tu dita’takki indo’ taruno limanna sia indo’ taruno lentekna, urruruk kande rondon diong sulluk medaku. Umba susitu penggaurangku lako kalena, susi dukamoto Napapakkanni Puang Matua lako kaleku. Nasolammi tau lako Yerusalem, namate dio.

KATASSURAN 14:4

Aku la umpamakarra’i tu penaanna Firaun anna ula’i tu tau iato mai, anna attu iato la umpatarompo’Na’ Kaleku lako Firaun sia lako mintu’ surodadunna, naurunganni naissan mintu’ to Mesir, kumua Akumo tu PUANG. Napogau’mi to Israel susito.

SARAMBU PEADA’ 6:2

iake napoyamoko kada sun dipudukmu, sia natingkanmoko ba’tikan dara’ lengko lilamu –

PA’PUDIAN 48:11

O Puang Matua, umba susitu sangamMi, ten dukamoto tu kadipudiamMi landa’ lako randan langi’; iatu lima kananMi buke kamaloloan.

PA’PUDIAN 19:14

Karitutui dukai tu taumMi dio mai kamatampoan, da nataloina’ tu kamatampoan; manera’ tang sayuan, sia masero pindan dio mai sala kapua.

PA’PUDIAN 11:6

La Napauranni ruaya sia solo’ tu to tang mekaaluk, sia angin malallang tu taana tau iato mai.

PA’PUDIAN 5:1

Lu lakona pangala sengo; dipasiala oni suling. Pa’pudianna Daud.

2 DATU 19:19

Iamoto, o PUANG, Kapenombangki, lendokangkan dio mai kuasanna, anna issanni mintu’ kadatuan lan te lino, kumua Kamu mannari, o PUANG, tu Kapenomban.

1 SAMUEL 17:46

Allo ia dukamote Nasorongko PUANG tama limangku, angku pateiko sia kupoloi tu ulummu, sia allo ia dukate kubenni manuk-manuk dao lu langi’ sia mintu’ olo’-olo’ dio lu padang tu batang rabukna to Filistin, anna issanni mintu’ issinna lino, kumua dio bangsa Israel den tu Puang Matua.

KATASSURAN 14:31

Attu iato natiro to Israel tu penggauran matoto’ Napogau’ PUANG lako mintu’ to Mesir; anna kataku’i tau iato mai tu PUANG sia napatongan tu PUANG sia iatu Musa, taunNa.

KATASSURAN 14:10

Iatonna reke’mi Firaun, nabangunammi to Israel tu matanna, natiroi tu to Mesir, undi dio mai boko’na. Lendu’mi mataku’na tu tau iato mai, anna meongli’ langngan PUANG,

YESAYA 28:13

Iamoto anna patui kadanNa PUANG tu tau iato mai, kumua: Iatu atoran sukaran aluk sanatompo-tompoinna sukaran aluk, atoran sukaran aluk natompoi atoran sukaran aluk, iatu parenta sanatompo-tompoinna parenta, parenta natompoi parenta; sidi’ inde te, sidi’ inde to, kumua anna bare boko’ tu tau iato mai, anna tisumbang sia tipessambak sia natekke poya anna ditingkan.

PA’PUDIAN 140:9

O PUANG, da Mipalolo’i tu pa’poraianna to tang mekaaluk, sia da Mipadanunni tu kasiturusan kadakena, da anna madongnga’. Sela

PA’PUDIAN 92:3

Melo ke napa’peissananni ke melambi’ tu kamasokanamMi, sia napa’peissanan ke bongi tu kamarurusamMi.

AYUB 18:9

Naala ba’tikan tu kambutu’na, sia naarra’i poya purrusan tu kalena.

PA’PUDIAN 7:16

Umbo’bokmo patuang lambe’, namukkun ussindungi; apa ia kalena tobang rokko tu patuang nagaraga.

DANIEL 6:25

Mesuami tu datu, anna baai tau sae tu mai to umpa’parampoan Daniel, nadipembuangan tu tau iato rokko lo’ko’ singa, la kalena tu tau iato la iatu mai anakna sia bainena, natae’pa narampo melo rokko lo’ko’ iato, ta’pa nadammakmi mintu’ singa; iatu mintu’ bukunna puramo nanisak-nisak.