PA’PUDIAN 9:14 - Sura' Madatu

¹⁴ Kamaseina’, o PUANG, tiroi tu kanapandasangku to ungkabiri’na’, o Puang, tu unnendekanna’ lan mai baba liang,

PA’PUDIAN 9:14 Referans Kwoze

PA’PUDIAN 13:5

Da nama’kada tu ualingku kumua: kutalomo, sia da naparannu paiman tu balingku, ke tilende’na’.

PA’PUDIAN 106:2

Mindara tu ma’din umpokada nasangi tu penggauran kalle-kalleanNa PUANG. Ba’tu ma’din unggente’-genteranni mintu’ kadipangkeranNa?

PA’PUDIAN 51:12

Pakombonganna’ lan ba’tengku tu misa’ penaa masero, o Puang Matua, sia ba’rui lan kaleku tu misa’ penaa kalebu.

PA’PUDIAN 35:9

Iatu deatangku mela’tek dio PUANG, sia la sende paiman diona kadilendokan lu dio mai Kalena.

PA’PUDIAN 20:5

Sangapoi anNa pa’kamaseanni mati’ tu lanna penaammi, anNa padenangkomi tu mintu’na lalan tangnga’mi.

YESAYA 37:22

iamote tu kada Napokada PUANG diona datu iato, nakua: Iatu simbolong manik, iamo anak dara Sion, untapa’ko sia untelle-telleko; iatu anak dara Yerusalem unniling-iling dio boko’mu.

PA’PUDIAN 21:1

Lu lakona pangala sengo. Pa’pudianna Daud.

1 SAMUEL 2:1

Massambayangmi tu Hana, nakua: Iatu penaangku sende-sende angku kumalasi diona PUANG, sia dipataranggamo tu tandukku tete dio PUANG, sia tibungka’mo tu pudukku umbali mintu’ ualingku, belanna kupoparannumo tu kasalamaran lu dio mai Kalemi.

LUKAS 1:47

sia umpomarannumo Puang Matua tu penaangku, To patutungan bia’ku,

HABAKUK 3:18

la parannu dukana’ unnarrak tete dio PUANG, sia la mela’tekna’ tete dio Puang Matua, oto’na kasalamarangku.

MIKHA 4:13

Bendanko sia lullu’i, e anak dara Sion, belanna iatu tandukmu la Kupopendadi bassi sia iatu kanukummu la Kupopendadi tambaga ammu nisak-nisakki tu ba’tu pira-pira bangsa sia la musabu’i, dipemalian PUANG tu saro bu’tu kadakena sia mintu’ apanna la mupa’pemalian Puangna mintu’ lino.

YESAYA 62:11

Belanna Napa’perangian PUANG landa’ lako randan langi’, Nakua: Pokadanni anak dara Sion kumua: tiromi, iatu kasalamarammu la rampomo; iatu polean diomo Kalena sia iatu pepakkan dolomo dio oloNa.

YESAYA 12:3

Sia la parannu paimankomi untimba uai dio mai bubun kamakarimmanan.

PA’PUDIAN 79:13

Na kami te, taumMi, sia domba Mikambi’, la umpudiKomi tontong sae lakona, sia kisiosso’i umpa’peissanan kadipudi-pudiamMi.

PA’PUDIAN 51:15

Angku ada’i lalanMi tu to sala, anna mengkatoba’ Mati’ tu to kadake gau’.

PA’PUDIAN 42:4

Tae’mo kukumande sangadinna uai matangku mannamo kuparra keallo kebongi, belanna nakuan bangmo’ tau kiallo kumua: Umbamira tu Kapenombammu?

PA’PUDIAN 35:18

La kupudiKomi lan kombong kalua’, sia la kupakala’bi’Komi lan tinimbu malambe’.

PA’PUDIAN 22:25

Belanna tae’ Nasanga maraai sia tae’ Napopa’elo’nai tu kamaparrisanna to dipandasa, sia tae’ Nabunianni tu lindoNa, sangadinna iatonna metamba lako Natananni duka talinga.

PA’PUDIAN 22:22

Lussuranna’ dio mai sadang singa, sia dio mai tanduk tedong lampung. Mipebaliimo’.

KATASSURAN 3:7

Ma’kadami tu PUANG, Nakua: Kutiro tonganmo tu kamandasan rampo lako taungKu dio Mesir sia Kurangimo sarrona napobua’ mintu’ bandoro’ masarrangna sia Kuissan tonganmo tu mintu’ kamaparrisanna.

KATASSURAN 3:9

Tonganna iatu sarrona to Israel rampomo lako oloKu sia Kutiromo tu pa’pakario-rio nagauranni to Mesir tu tau iato mai.

PA’PUDIAN 6:3

Katuru-turuina’, o PUANG, belanna longsena’; pamatanana’, o PUANG, belanna mintu’ bukungku paruninin!

PA’PUDIAN 75:9

Belanna lan limanNa PUANG den tu irusan nanii uai anggoro’ re’de-re’de, tu ponno anggoro’ dibuli; sia Ia untua’i lan mai, apa mintu’ tu to tang mekaaluk lan lino ummimmi’i tu garoppa’na anna iru’i.