PA’PUDIAN 9:12 - Sura' Madatu

¹² Pakendekki tu pa’pudian langngan PUANG tu unnisung dao Sion, pa’peissananni tu mintu’ penggauranNa dio lu mintu’ bangsa,

PA’PUDIAN 9:12 Referans Kwoze

KATASSURAN 3:7

Ma’kadami tu PUANG, Nakua: Kutiro tonganmo tu kamandasan rampo lako taungKu dio Mesir sia Kurangimo sarrona napobua’ mintu’ bandoro’ masarrangna sia Kuissan tonganmo tu mintu’ kamaparrisanna.

PA’PUDIAN 34:6

Iatu tau iato mai mentingara langngan Puang, anna mabaliga’ tu lindona belanna parannu, sia iatu lindona tae’ natodingi siri’.

KADA OMBO’ LAKO RASULU’ YOHANES 16:6

Belanna mintu’ tau iato mangkamo umpato’do rarana mintu’ to masallo’ sia mintu’ nabi, amMi pairu’i rara tu tau iato mai. Iatu iannato sitondonmo penggauranna.

KADADIAN 9:5

Tonganna tongan kumua iatu rarami la Kupembalaran, la Kupembalaran lako mintu’ olo’-olo’ sia lako duka tolino, lako mintu’ tolino la Kupembalaran rarana padanna tolino: la Kupembalaran tu sunga’na tolino.

YESAYA 26:21

Belanna la sun tu PUANG lan mai inanNa la umpapakkanni kakadakeanna mintu’ issinna lino lako tau iato mai; la napasombo lino tu rara tibollona tau iato mai sia nokamo ussamboi tu mai batang rabukna tu mai to mate dipongko.

PA’PUDIAN 22:24

E kamu mintu’ to ungkataku’ PUANG, pudiMi, e kamu mintu’ tarukna Yakub pakala’bi’Mi, sia kasiri’I, e mintu’ bati’na Israel!

TO PARENGNGE’ 10:16

Iatu rapang-rapang dipodeata dio lu tau iato mai natibemo, anna umpengkaolai PUANG; attu iato tang masemo penaanNa Puang untiroi tu kamandasanna to Israel.

PA’PUDIAN 102:17

Belanna Nabangunmo PUANG tu Sion, anna payan tu Puang situang kamala’biranNa.

PA’PUDIAN 10:17

O PUANG, Miperangiimo tu pa’poraianna to umpamadiongan penaanna; Kamu umpabatta’i tu penaanna sia Kamu untananni talinga,

PA’PUDIAN 10:14

Manassa Mitiro tu iannato, belanna Mitiro tu kamaparrisan sia Karossoinaan. La Mipapakkanni lan lisu pala’Mi, lako duka Kalemi nanii umpasande’ kalena tu to mase-mase; belanna inang Kamu tu patunduanna pia biung.

2 DATU 24:4

sia belanna diona rara to tang sala tu napatibollo, belanna umponnoi Yerusalem tu rara to tang sala. Anna mengkailing PUANG umpagarri’i.

KATASSURAN 3:9

Tonganna iatu sarrona to Israel rampomo lako oloKu sia Kutiromo tu pa’pakario-rio nagauranni to Mesir tu tau iato mai.

MATIUS 23:35

Kumua ammi buntu rengnge’i tu mai rarana to malambu’ tu to’do rokko padang, tempon dio mai rarana Habel tau lambu’ sae lako rarana Zakharia, anakna Berekhya, tu mangka mipatei dio kasiallaranna banua kabusungan anna to’ kapemalaran.

PA’PUDIAN 68:17

E mintu’ buntu ma’botto-botto, ma’apari ammi sambiri matai, tu buntu Naturo ta’ba Puang Matua Nanii torro? Ondongpi la mari’pi sae lakona inde to tu Puang Matua.

PA’PUDIAN 74:2

Kilalai tu kombongamMi, tu mangka Mipolean tempon dio mai, sia mangka Mipopentorro to makaka la Mipogarempong mana’, sia iatu buntu Sion, inan Minii torro.

PA’PUDIAN 76:3

Dio Salem den tu tendaNa, na dao Sion nanii banuanNa.

PA’PUDIAN 132:13

Belanna Napilei langsa’mo PUANG tu Sion, sia Naturo ta’bamo la Nanii torro.

YESAYA 8:18

Tiromi, aku na iatu mai pia Nakamaseanna’ PUANG, iamo tanda sia tanda nubua’ dio lu to Israel dio mai PUANGna mintu’ ma’dandan maritik tu unnisung dao buntu Sion.